Orðsnilld á Alþingi

Hér eru tvö sýnishorn af orðsnilld þingmanna á Alþingi Íslendinga - og ríkidæmi málefnanna. Ósanngjarn samanburður? Eflaust, en samanburður engu að síður og dæmigerður fyrir málefnafátækt allt of margra þingmanna þessa dagana og vikurnar. Samanburður sem sýnir líklega eina ómerkilegustu setningu sem sögð hefur verið í ræðustól Alþingis annars vegar - og hins vegar eina mögnuðustu ræðu sem þar hefur verið flutt. Ég hef ekki lagt á mig að hlusta mikið á "umræður" frá Alþingi undanfarið. Það fýkur alltaf í mig við þá hlustun og það er vond líðan.

Ég á þá ósk heitasta að alþingismenn hætti að líta á ræðupúlt Alþingis sem æfingasvæði fyrir ómálefnalegt skítkast og innihaldslaust blaður - eða kjörinn stað til að fullnægja athyglissýki og ganga í augun á ofstækisfullum kjósendum sínum. Við borgum þeim góð laun fyrir að vinna að hagsmunum okkar og gerum þá kröfu til þeirra ALLRA að þeir standi undir væntingum og vinni fyrir kaupinu sínu. Annars verða þeir settir af við fyrsta tækifæri.

Orðsnilld Eyglóar Harðardóttur 28. maí 2009.

 

Orðsnilld Vilmundar Gylfasonar 23. nóvember 1982 - sjá hljóðskrá hér fyrir neðan og prentaða ræðuna hér.

Skrár tengdar þessari bloggfærslu:

• Vilmundur Gylfason 23.11.1982 - Krossgötur 17.1.09

Athugasemdir

[Gunnlaugur B Ólafsson, 30.5.2009 kl. 01:33]

Eygló Harðardóttir virðist vera mikill oflátungur. Mikill yfirlýsingagleði, en hef ekki tekið eftir inntaki "substance". Held að hún telji að með framgöngu sinni sé hún mikil alþýðuhetja en það er holur hljómur í trumbuslættinum.

Margrét Tryggvadóttir nýr þingmaður Borgarahreyfingarinnar fjallaði einmitt um Eygló og sækni hennar í athygli frekar en efnislega og málefnalega umræðu. Mbk, G

[Heiður (IP-tala skráð) 30.5.2009 kl. 01:34]

já við eigum því miður engan eins og Vilmund í dag, þurfum því kannski ekkert að vera neitt hissa hvernig komið er fyrir okkur í dag.

[Hólmdís Hjartardóttir, 30.5.2009 kl. 01:51]

við misstum mikið þegar við misstum Vilmund

30BEDA55-B2D0-6370-817A-081F7BF5D664

1.02.28

[Óskar Þorkelsson, 30.5.2009 kl. 02:00]

eru enginn mótmæli á morgunn ?  alveg merkilegt því núna er meiri ástæða til mótæla heldur en í október...

[Axel Jóhann Hallgrímsson, 30.5.2009 kl. 03:14]

Takk fyrir að koma ræðu Vilmundar á framfæri hér. Þetta er perla.