Forsætisráðherra fabúlerar

Undirtitill á engilsaxnesku: "Bullshit". Sáu þetta allir? Set inn til öryggis. Ekki minnst einu orði á eftirlaunaósómann sem veitir - þrátt fyrir örlitlar breytingar - þingmönnum, ráðherrum og fleirum margfalt meiri kjarabætur en skerðing t.d. lífeyrisþega verður nú. Sumir eru svo sannarlega jafnari en aðrir, einkum jafnaðarmenn. Er nokkur furða að bananalýðveldi heimsin vilji ekki láta spyrða sig við Ísland? Og nú eru þau farin í frí í mánuð - í miðri óviðráðanlegri kreppu! Hvaða sveitastörfum þarf að sinna á þessum árstíma?

 

 

 

Henrý Þór lýsir eftirlaunaósóma jafnaðarmanna svona:

 

Athugasemdir

[Jóna Kolbrún Garðarsdóttir, 23.12.2008 kl. 03:12]

Það er eins og Geir sé með höfuðuð uppi í skýjunum, hann er ekki á sama tilverustigi og hinn almenni borgari þessa lands.  Hann virðist ekki hafa skilning á neinu. 

[Hólmdís Hjartardóttir, 23.12.2008 kl. 03:26]

Æi Lára Hanna.  Það var ekki gott að vakna svona illa.   En við breytum þessu á nýju ári. Ég reyni að trúa því.

[Rómverji (IP-tala skráð) 23.12.2008 kl. 09:11]

Samfylkingin og eftirlaunaforréttindin. Henrý Þór hittir í mark.

Jafnréttisflokkurinn, Jafnaðarmannaflokkur Íslands. Allir sem einn samþykktu forréttindafrumvarp Ingibjargar og formanns Sjálfstæðisflokksins. Hefði haldið að það væri tölfræðlega ómögulegt að svo aumt lið væri samankomið á einu þingi í einum flokki, þar sem enginn sker sig úr. Ekki einn einasti.

[Einar Indriðason, 23.12.2008 kl. 09:36]

"Sumir eru jafnari en aðrir."

[Einar Indriðason, 23.12.2008 kl. 09:37]

Oh... Ég gleymdi!

Takk fyrir pistlana þína á árinu.

Og GLEÐILEG JÓL! :-)

[Ásgeir Kristinn Lárusson, 23.12.2008 kl. 10:17]

Held að þjóðin sé komin með síþreytu eftir tæpa 3 mánuði í algeru stjórnleysi ráðamanna. Upplýsingar, sem daglega hafa dúkkað upp um spillingu og glæpsamlegt athæfi bæði hjá fjármálastofnunum og stjórnvöldum eru svo yfirgripsmiklar og alvarlegar, að almenningur stendur gjörsamlega gapandi og ráðalaus. Á meðan sigla Geir&Co. sér og sínum hagsmunum í farsæla höfn. Í mínum huga eru stjórnmálamenn okkar fyrst og fremst ábyrgir fyrir þeirri stöðu er upp er komin. Þeir sömdu leikreglurnar. Þeir útdeildu fríspilunum.

Áramótaheit þjóðarinnar hlýtur að vera það, að losa sig endanlega við þennan hrylling, sem flokkaflórinn er og taka málin í sínar hendur.

[Villi Asgeirsson, 23.12.2008 kl. 10:53]

Gott að vita að ráðamenn sjái um sig og sína. Til andskotans með skrílinn. Hann getur borgað þetta eins og annað. Pakkið er svo skuldsett að það tekur ekkert eftir því þótt það borgi smá lífeyri til þingmanna og sparnað erlendra auðmanna. Og að rífa kjaft yfir smá jólafríi? Hvar er jólandinn? Þvílíkt!

Gleðileg jól, skríll! Sjáumst í ósmurðum afturenda yðar um eða eftir 20. janúar.

[Rut Sumarliðadóttir, 23.12.2008 kl. 12:25]

Arg og garg.

Takk fyri pistlana þína Lára og gleðileg jól.

[Guðríður Hrefna Haraldsdóttir, 23.12.2008 kl. 13:05]

Þetta er allt saman ótrúlegt. Takk fyrir alla eljuna við að benda á það sem er ekki í lagi. Fólki hættir svo til að verða samdauna ástandinu. Nú þegar svo margt er ekki í lagi þá er fólk eins og þið Egill, Illugi og fleiri bráðnauðsynleg.

Óska þér innilega gleðilegra jóla og takk fyrir kynnin.

[Vilhjálmur Árnason, 24.12.2008 kl. 08:03]

Það er þáttur sem þú ert með þarna sem heitir Mannamál þar sem Marel .Samherji, og Össur eru nefnd. frá 21 des..

Ekkert er ég að atast út í þau fyrirtæki.

Þátturinn fer í taugarnar á mér vegna þess að báðir eru þessir menn með silkihanskana á putunum og það getur ekki gengið lengur.

Það verður að nefna hlutina réttu nöfnunum. Viðskiptalíf á ekki að geta kallað glæpi eithvað annað en glæpi bara vegna þess að ráðamenn eru svo hliðhollir sjúku viðskiptalífi að þeir þora ekki að tala sannleika.

Bókhaldslegur glæpur eða þjófnaður eða rangfærsla er þjófnaður. Það er ekki sjálfsagt mál og eðlilegur hluti af markaði.

Ef við ætlum að tala svona áfram verður engin breyting á þessu viðskiptalífi.

Talað er um að hafa farið of geyst og óvarlega. Það hefur ekkert með bókhaldsrangfærslur að gera.

Ég óska þess að þú skoðir þennan þátt aftur og setjir þessar athugasemdir við hann. Ef þú ert sammála mér.

Kíktu allavegana á þetta.

[Bjarni Hákonarson (IP-tala skráð) 24.12.2008 kl. 13:38]

Ég skoðaði myndbandið að Geir nokkrum sinnum. Stundum án hljóðs. Líkamstjáningin er ekki mikil en ósjálfráð viðbrögð eru augljós. Niðurstaðan er að þar fer skíthræddur einstaklingur. Sést best á því hvernig hendurnar falla úr varnarstöðu í lok þáttar. Spurningin um mútur í lífeyrissjóðum ullu sérstökum varnarviðbrögðum.

Maðurinn er kannski á barmi taugaáfalls. Reynir að sýna sem minnsta líkamlega tjáningu. Er í augljósri vörn.