Styðjið okkur!

Sonur minn sendi mér slóð í dag með einu skemmtilegasta tónlistarmyndbandi sem ég hef séð.

Lagið er flutt af algjörlega óþekktum listamönnum á götum úti víða um heim. Þetta byrjaði með því að grunnurinn, söngur og gítarleikur, var hljóðritaður úti á götu í Santa Monica í Kaliforníu með götusöngvaranum Roger Ridley. Síðan var farið með grunnupptökuna til New Orleans í Louisiana, þar sem Grandpa Elliott (Elliott-afi), blindur söngvari í franska-hverfinu, bætti við söng og munnhörpuleik um leið og hann hlustaði á grunnupptöku Ridleys í heyrnartólum. Washboard Chaz (Þvottabrettis-Chaz) frá sömu borg  bætti við málmáslætti.

Þaðan í frá fór boltinn heldur betur að rúlla. Framleiðendurnir ferðuðust víða um Evrópu, Afríku og Suður-Ameríku, bættu við nýjum rásum með margvíslegum hljóðfærum og röddum og útkoman er sú sem sjá má í þessu myndbandi. Allt gert með einni fartölvu og nokkrum hljóðnemum. Þetta er hluti af heimildarmynd sem lesa má um og sjá fleiri myndbönd hér.

Roger Ridley segir í upphafi myndbandsins: "Hver sem þú ert og hvert sem þú stefnir þarfnastu stuðnings á einhverju tímabili í lífinu". Það tímabil stendur yfir í tilveru íslensku þjóðarinnar og við þörfnumst stuðnings yfirvalda til að lifa ósköpin af. Smellið á ferninginn - annan frá hægri neðst til hægri - til að stækka myndina, skrúfið í botn og njótið.

Roger Ridley, Grandpa Elliott, Washboard Chaz o.fl. - Stand by me

Athugasemdir

[Magnús Geir Guðmundsson, 4.5.2009 kl. 18:22]

Já, skemmtilegt ferli og flutningur á þessu gamalkunna lagi sem hann Ben E. KIng gerði heimsfrægt fyrir um hálfri öld eða svo.Margur listamaðurinn hefur svo túlkað þetta síðan, t.d. sjálfur John Lennon við miklar vinsældir.

[Húnbogi Valsson (IP-tala skráð) 4.5.2009 kl. 19:04]

Ég heyrði þetta lag fyrst í útgáfu Bítlavinafélagsins, eða var það Stuðkomaníið? man ekki alveg. Af hverju hefur enginn reynt að þíða þennan fallega teksta á íslensku? Ég var búinn að sjá þetta hjá einhverjum öðrum bloggara enda ekki að undra að fleiri hafi hrifist af þessu.

[Sigurður Þorsteinsson, 4.5.2009 kl. 20:32]

Hér með tilnefnt sem baráttusöngur Hagsmunasamtaka heimilanna.

[Brjánn Guðjónsson, 4.5.2009 kl. 20:46]

frábært framlag og flott útkoma

[Lilja Guðrún Þorvaldsdóttir, 4.5.2009 kl. 23:08]

Þetta er alveg æðislega flott !!!!  Takk fyrir þetta.

[Lára Hanna Einarsdóttir, 4.5.2009 kl. 23:11]

Pétur Guðlaugs, minn gamli bekkjarbróðir og söngvari, segir á Fésbókinni að það séu einhverjir töfrar í þessu. Ég held að Pétur hitti einmitt naglann á höfuðið. Töfrar... 

[Skorrdal (IP-tala skráð) 5.5.2009 kl. 11:21]

Ég veit ekki afhverju, en ég tárast í hvert sinn sem ég hlusta og horfi á þetta myndband.

Takk fyrir að benda mér á þetta, Lára Hanna.

[Ævar Rafn Kjartansson, 7.5.2009 kl. 21:27]

Ég var einmitt að horfa á þetta í gærkveldi. Frábært.