Hvenær þrýtur þolinmæði þjóðarinnar?

Ég er orðin úrvinda af þreytu. Ekki bara eftir að standa vaktina nánast allan sólarhringinn 7 daga í viku undanfarið ár í sjálfboðavinnu. Það sem gerir mig endanlega kúguppgefna er að fá aldrei frið fyrir reiðinni, vonleysinu, örvæntingunni og óréttlætinu. Sjá aldrei einu sinni glitta í réttlæti og vonarglætu. Dag eftir dag, viku eftir viku þurfum við að horfa upp á subbulegar eiginhagsmunaklíkur valdakerfisins undirbúa sölu þjóðarauðlinda til einkaaðila - erlendra ef því er að skipta - og hygla sér og vinum sínum á kostnað okkar hinna. Maður er með æluna uppi í hálsi á hverjum einasta degi og reiðin þenur hverja taug. Er ekki kominn tími á alvörubyltingu?

DV í dag, 18. ágúst 2009 - Takið eftir að auðjöfurinn fær að halda kvótanum sínum!

Árni Páll Árnason, frjálshyggjustrumpurinn í Félagsmálaráðuneytinu 4. ágúst 2009

 

Ég skora á alla Íslendinga sem vettlingi geta valdið að fara niður í Austurstræti 16 - Apótekshornið (gamla Reykjavíkur Apótek þar sem Óli blaðasali stóð alltaf) þar sem skilanefnd Landsbankans er til húsa. Stoppa alla umferð á horninu. Félagsmálaráðuneytið er til húsa í Hafnarhúsinu við Tryggvagötu. Hvað segið þið um hádegið á morgun, miðvikudag? Láta heyra í sér - hringja í ráðherra og þingmenn, senda tölvupósta - MÓTMÆLA SVONA RUGLI!

Viðbót:  DV 18. ágúst 2009 kl. 15:49

Athugasemdir

[Heiða B. Heiðars, 18.8.2009 kl. 12:16]

Ég er með Lára mín.

En þú verður að tilgreina tíma líka..... annars týnist fólk eitt og eitt og enginn verður var við það og fólk gefst upp og fer heim! Settu nú tíma í færsluna þína og ég mæti pottþétt

[Pétur Þorleifsson , 18.8.2009 kl. 12:16]

50 milljarðar, hvað er það mikill peningur ?  Jú, það er aðeins meira en aflaverðmæti íslenskra skipa fyrstu 5 mánuði ársins.

[AK-72, 18.8.2009 kl. 12:19]

Skilanefndin er til húsa í Austurstræti 16 þar sem Apótekið er.

Ég held að þetta sé dropinn hjá mér, sérstaklega þar sem ég hef verið fullvissaður um það að lánabók Landsbankans sé verri heldur en Kaupþings.

[Maríanna Friðjónsdóttir (IP-tala skráð) 18.8.2009 kl. 12:24]

Kæra Lára Hanna. Mig langar fyrir hönd allra hugsandi og heiðarlegra Íslendinga að þakka þér fyrir óeigingjarnt starf í þágu þjóðarinnar. Þú ert fyrirmynd, nýtur óskiptrar virðingar fyrir vandaðan málflutning og gagnrýni. Það væri vel ef fleiri, sem tjá sig á blogginu eða eru í launuðu starfi við daglega þjóðféalgsumfjöllun og gagnrýni, tækju þig sér til fyrirmyndar. Og svo vil ég lýsa mig algerlega sammála tillfinningalitrófinu, sem lýstur mann dag eftir dag þegar ósóminn, ójöfnuðurinn og glæpamennskan er barin í andlit manns með hverjum viðburðinum og ákvörðuninni á fætur annarri. Hvar er Nýja Ísland? Hvar er jafnaðarsamfélagið sem við berum fyrir brjóstum? Hvar er tiltektin og breytt hugarfar?

[Gunnar Jóhannsson (IP-tala skráð) 18.8.2009 kl. 12:31]

Það virðist ekki stakt veð vera fyrir neinu í þessum bönkum. Allaveganna virðast menn hafa náð að hafa allar góðu eignirnar sínar veðlausar en sett pappíra eða tóm eignarhaldsfyrirtæki sem veð fyrir tugmilljarða skuldum. Þessir bankar eru brandari ársins.

Að yfir 75% eigna Landsbankans endurheimtist (eins og búist er við í Icesave) er einhver mesta draumsýn í heimi. Öll veðin eru verðlaus.

[Steinar Immanúel Sörensson, 18.8.2009 kl. 12:33]

Það hefur ekkert breyst til batnaðar í okkar samfélagi frá hruni og það mun ekki gera það nema almenningur taki sig saman um róttækar aðgerðir.

Ég bý í keflavík og er heimavinnandi með 3 börn fram til 4 á daginn ég skal mæta hvar og hvenær sem er til aðgerða eftir þann tíma dagsins.

Það er soðið uppúr og lausna er krafist strax, við viljum nýtt ísland, fellum niður allar skuldir almennra borgara.

[Ægir Geirdal (IP-tala skráð) 18.8.2009 kl. 12:37]

Ég er alveg sammála,þetta er komið nóg.Hættum að mála hús.Gerum eins og forfeðurnir(franskir)hópumst út á götur og rífum upp götusteinana og brýnum fallöxina.Þeir skilja ekkert annað.Þetta eru algjörir viðbjóðar.Ógeðslegt pakk,siðlaust

og ekki með snefil af sómatilfinningu

[TH (IP-tala skráð) 18.8.2009 kl. 12:39]

Hvenær eigum við að mæta?  Var ekki einhver sagði að það þyrfti að bera þetta lið út með borgaralegu valdi?

Allt sem skilanefndirnar hafa gert frá því í október 2008 er algjörlega á svig við gjaldþrotalög.  Neyðarlögin voru ólög sem þarf að afnema.   

[Drengur Óla Þorsteinsson (IP-tala skráð) 18.8.2009 kl. 12:45]

Áfram Lára Hanna! Ekki gefast upp.

[Haraldur Hansson, 18.8.2009 kl. 12:55]

"Árni Páll Árnason, frjálshyggjustrumpurinn í Félagsmálaráðuneytinu."

Snilld - það er ekki hægt að orða þetta betur. En er búð að staðfesta að frétt DV sé rétt? Ef hún er það þá er þessi sóðaskapur tilefni til kröftugra mótmæla. Að minnsta kosti.

[Jenný Anna Baldursdóttir, 18.8.2009 kl. 12:56]

Ákveðum tíma.  Bombarderum þá með bílflautum, ímeilum, símtölum og verum fokking anojing.

Úje.

[Hólmdís Hjartardóttir, 18.8.2009 kl. 12:56]

þAÐ ER LÖNGU KOMINN TÍMI Á ALVÖRUBYLTINGU..................MÉR ER ENDALUAST FLÖKURT.

Takk Lára Hanna enn og aftur fyrir óeigingjarnt starf. Kveðja frá  flóttakonu á Amager

[Markús (IP-tala skráð) 18.8.2009 kl. 12:59]

Hvaða hluti bankans er það sem ákveður svona skuldaafskrift? Er það bankaráðið eða er til einhverskonar "lánanefnd"? Það þarf að finna út hverjir það eru sem að sitja í viðkomandi nefnd eða ráð og taka þessar ákvarðanir. Þetta er núna ríkisbanki í eigu almennings og ég sem almenningur í þessu landi vil fá að vita hverjir það eru sem taka slíkar ákvarðanatökur.

[Addi (IP-tala skráð) 18.8.2009 kl. 13:00]

Hvað nákvæmlega var það í orðum félagsmálaráðherra sem er ekki bara common sense og nú að fara að mótmæla?

[Ingvar (IP-tala skráð) 18.8.2009 kl. 13:06]

Skuldir gullrassanna eru afskrifaðar á sama tíma og þrengt er að öryrkjum. Hvar er "norræna velferðarstjórnin" sem allt ætlaði að bæta?

[Gúrúinn, 18.8.2009 kl. 13:13]

Ég tek undir með Maríönnu í færslu #4. Þú ert ein af hetjunum mínum. Ef þú gefst upp, þá er alveg eins gott að hætta og pakka saman.

[Hafsteinn Hafsteinsson (IP-tala skráð) 18.8.2009 kl. 13:14]

Getur einhver bent mér á land sem hefur farið vel út úr því að einkavæða, einkanlega út fyrir landsteinana, auðlindir sínar. Áherslan hér á að vera á auðlindum , ekki fyrirtækjum sem ráða ekki yfir auðlind lands. - Dæmin um hið gagnstæða eru mörg t.d. Zambia.

[ASE (IP-tala skráð) 18.8.2009 kl. 13:16]

Tek heilshugar undir með þér.  Og líka Maríönnu Fiðjónsdóttur, hún orðar hug minn til starfs þíns betur en get sjálf :-)

[Addi (IP-tala skráð) 18.8.2009 kl. 13:23]

Kannski þetta: 

„Það er ein af forsendum því samstarfi [við AGS], að ekki verði lagðar almennar byrgðar á almenning, umfram það sem þegar er orðið vegna efnahagshrunsins og í því felst þá jafnframt að ekki verði um almennar skuldaniðurfellingar að ræða.“

Er fólk í alvöru enn að gæla við þá hugmynd að það sé bara hægt að afskrifa skuldirnar og þá verði allt í himnalagi? Auðvitað er það ekkert þannig, þó svo að einstaka jólasveinar eins og formaður Framsóknarflokksins haldi slíku fram.

„Það er einfaldlega ekki í mannlegu valdi að skrúfa klukkuna til baka og bæta fólki það sem raunverulega gerðist. Það varð hrun og við erum öll að kljást við afleiðingarnar af því.“

Er þetta ekki bara einmitt það sem við verðum að fara að meðtaka og skilja? eða ætlum við stjórnmálamönnum í alvöru bara að vera fólk sem segir aldrei óþægilega hluti? Er það ekki ein af ástæðum hrunsins - fólk sem bara dansaði með og sagði það sem þeir töldu að fólk vildi heyra - ekki það sem það þurfti að heyra?

[Agní (IP-tala skráð) 18.8.2009 kl. 13:25]

Ég bý á landsbyggðinni, ég er hætt að borga og þetta littla sparifé  mitt , komið úr bönkunum. Notum þetta stærsta Vald sem við eigum, og förum að nota það...................................................

[Borgarinn. (IP-tala skráð) 18.8.2009 kl. 13:29]

Ég mæti nefndu bara klukkan hvað nákvæmlega, ég skal hjálpa til við að bera þetta út og biðja fólk um að mæta.

Er löngu komin með algjört ógeð!

[smg, 18.8.2009 kl. 13:30]

Gætir tekið þér smá pásu, hvílt þig í nokkra daga, og á fréttunum líka. Tekið síðan stöðuna eftir það og komið tvíefld tilbaka :)

[RAGGY (IP-tala skráð) 18.8.2009 kl. 13:31]

HANNA LARA

Takk fyrir alla þina baráttu , en villtu gefa mer upplysingar eða afla þeirra , hvert rett se að Jón Áageir sitji i skilanefnd Landsbankanns á launum hjá Rikinu (okkur sem sagt )??????   TIL VIÐBÓTAR ALLT HITT ,!!!!  Stend með ykkur i mótmælaaðgerðun , og latið ekki blekkjast af umsögn Skilanefndar um   mál  Magnusar , þeir eru bara skithræddir !!!!!!!!  Nú er komið nóg af óþverra á þessu landi , Áfram nu !!!!!

[Héðinn Björnsson, 18.8.2009 kl. 13:32]

Almenningur mun ekki sætta sig við að verða einn skilinn eftir með skuldir sínar á fullri hækkun meðan að allir aðrir fá afslætti og afskriftir. Ég brenni frekar íslenskt samfélag til grunna en að leyfa hér endurreisn á þjófræðinu frá fyrir hrun. Enginn ótti og engar fortölur munu duga til að ég sætti mig við að aumennirnir komist upp með að ná eigum sínum undan eigin gjaldþroti og senda svo reikninginn á okkur hin. Eigur þessarra manna verða teknar yfir af ríkisvaldinu eða teknar yfir af almenningi.

[Jón S. Sigurðsson (IP-tala skráð) 18.8.2009 kl. 13:32]

80.000 mættu á Gay Pride, 30.000 á Fiskidaginn á Dalvík.......3.000 mættu á samstöðufund vegna IceSave. Hvað segir manni þetta? Og í raun fleiri mótmælafundir á Austurvelli þar sem nokkrar hræður hafa staðið vaktina. Ég held að íslenska þjóðin sé bara orðin svo dofin að ekkert virðist geta hreyft við henni lengur. Þessi skuldaniðurfelling til Magnúsar er bara eitt af svo óteljandi mörgum dæmum sem gefa ástæðu til reiði í samfélaginu. Það virðist bara því miður vera bloggarar sem eru tilbúnir að gera eitthvað. Afhverju látum við sem þjóð bjóða okkur það að hér verði engin skuldaleiðrétting hjá almenningi? Siðlausar, ranglátar og sennilega ólöglegar hækkanir á erlendum lánum sem engin getur staðið undir né er ábyrgur fyrir, og svo verðtryggð lán sem hækka uppúr öllu valdi vegna einhvers sem við berum enga ábyrgð á. Hvernig getur það verið að við ætlum að sætta okkur við þetta? Erum við svona miklir aumingjar? Því varð ekki allt hoppandi vitlaust þegar þetta gerpi Árni Páll kom i sjónvarp og sagði að ekki kæmi til greina að hér yrði almenn leiðrétting??? En á sama tíma er verið að segja þessari þjóð að hún verði að borga skuldir útrásaglæpamanna og horfa á samfélagið sem foreldrar okkar, afar og ömmur byggðu upp lagt í rjúkandi rúst því við ætlum að hugsa fyrst um útlenskar þarfir vegna skipana AGS. Hvaða ríkisstjórn trúir því virkilega að þjóðin mun styðja hana ef ekki er byrjað á því að hjálpa sínu fólki. Afhverju gleypir fólk þessu rugli og sættir sig við það? Það er eitthvað virkilega sjúkt við eðli okkar að við ætlum að láta þetta yfir okkur ganga. Við eigum að gera það sem Frakkar gera og það strax. Fyrr mun þetta siðblinda lið (ekki allir) sem situr í ríkisstjórn ekki gera nokkurn skapaðan hlut. Því um leið og þau fara að óttast um völd sín þá mun eitthvað gerast. Þetta er okkar land, okkar þjóð, tökum það aftur úr höndum fólks sem ber ekki hag okkur fyrir brjósti. Berjumst fyrir okkur! Auðlindir í okkar eigu, skuldaleiðrétting strax, allar skerðingar sem tóku gildi gagnvart öldruðum og öryrkjum teknar tilbaka strax, gjaldþrotalögum vegna einstaklinga og fyrningarreglum krafna breytt strax, o.s.fl, o.s.fl., o.s.fl. Sameinumst einu sinnu góðir íslendingar annars mun engin eða ekkert verða eftir í þessu landi til að byggja það þjóðfélag sem við svo mörg þráum að sjá. Réttlæti strax. Og Lára Hanna þú ert hetja !!!!

[Kolbrún Heiða Valbergsdóttir, 18.8.2009 kl. 13:33]

Ég skal mæta hvert og hvenær sem er

[Heiða B. Heiðars, 18.8.2009 kl. 13:39]

Jón S Sigurðsson ÉG ELSKA ÞIG!

[Gunnar Guðmundsson (IP-tala skráð) 18.8.2009 kl. 13:43]

Tek undir með Maríönnu.

Eitt þarf ég að fá útskýrt fyrir mér; Addi #20 er líklegastur til að geta það:

Ef ég er með lán sem var upp á 1.000.000 kr. 01.01.2008, sem var orðið 1.280.000 kr. 01.01.2009 vegna verðtryggingar, hver "græðir" 280 þús. kallinn ??  Skv. mínum skilningi er það lánveitandinn.  Af hverju á ég (og allir lántakendur) að bera kostnað af óstjórn efnahagsmála okkar, á meðan lánveitandinn græðir á tá og fingri?  Af hverju "tapar" lánveitandinn engu ?

Þegar fólk talar um að "spóla til baka", þá er í raun og veru verið að tala um að þetta misræmi verði leiðrétt að einhverju leyti, ég sé því miður ekkert annað en réttlæti í því.

Prófaðu svo að margfalda krónutölurnar í dæminu mínu með 20 eða 30 (eða jafnvel meiru), og þá sérðu hvaða veruleika "spekileka-kynslóðin" (áður þekkt sem x-kynslóðin) býr við.  Og ég er ekki farinn að taka til tillits minnkaðan kaupmátt sem hefur komið ofan á þetta.

Eitt er víst að með þessu áframhaldi endar þetta á einn veg.  Blóðug uppreisn er í sjónmáli.

[Frimmi (IP-tala skráð) 18.8.2009 kl. 13:46]

Jæja Lára mín, eins góður og mér hefur þótt málflutningur þinn - og í flestum tilfellum hef ég verið sammála þér  - þá held ég að mín hafi farið aðeins framúr sjálfri sér í þessu tilfelli. Við verðum að athuga að DV er ekki áreiðanlegasti fréttamiðill landsins. Hefði ekki verið ráð að bíða aðeins með æsinginn þangað til að staðfesting á að fréttin væri rétt væri fengin?

[Heiða B. Heiðars, 18.8.2009 kl. 13:55]

Frimmi:

Það er verið að afskrifa á hverjum degi. Eigum við að rifja um Bolvíkingana.. Stím - málið? Hvort að búið er að afskrifa fyrir Magnús eða ekki er eiginlega meira forgangsatriði.... þeas ef við tökum mið af því sem hefur verið að gerast

[Addi (IP-tala skráð) 18.8.2009 kl. 14:01]

Gunnar #28

Gefum okkur að lánið sem þú talar um sé verðtryggt húsnæðislán sem þú tókst, annaðhvort hjá ÍLS eða einhverjum af bönkunum. Í lánasamningi sem þið gerðuð ykkar á milli, þ.e. þú og lánveitandinn, var kveðið á um að lánið skyldi verðtryggt. Það var líka kveðið á um tiltölulega lága vexti, þ.e. vegna þess að verðbótaþátturinn stóð utan við vextina, öfugt við það sem tíðkast víðast hvar í slíkum lánveitingum.

Peningarnir sem þú fékkst, þessi milljón, hún kom svo sannarlega einhverstaðar frá, enda voru þetta alvöru peningar sem þú fékkst og þú gast skipt þeim fasteign, vörur eða þjónustu. Þeir peningar komu frá þeim sem lánuðu bankanum. Þeir gerðu líka samning við bankann um verðtryggingu, þ.e. að það sem þeir lánuðu bankanum héldi verðgildi sínu. Þessir aðilar eiga svo löglegar kröfur á móti og munu að sjálfsögðu ekki gefa þær eftir.

Ef íslensk stjórnvöld ákveða hins vegar að afskrifa hluta af skuldum almennings, t.d. 20% af upphaflegu skuldinni þinni, þá þýðir það að ríkið tekur á sig mismuninn, þ.e. 256.000 krónur. Sá hluti skuldarinnar hverfur ekki eins og sumir virðast halda. Ef við tökum þetta svo almennt og færum 20% af öllum fasteignaskuldum landsmanna yfir á ríkissjóð, þá er ríkisjóður sjálfkrafa gjaldþrota og við öll enn verra sett en við erum í dag.

það eru engin hókus pókus úrræði til í þessu og það er alveg sama hersu reið við erum, við verðum bara að reyna að halda okkur á einhverjum vitrænu plani.

[Gunni (IP-tala skráð) 18.8.2009 kl. 14:02]

Nú hefur komið fram að Páll hjá Landsbankanum segir það af og frá að 50 milljarðar hafi verið afskrifaðir. Hann segir að sjálfsögðu verði gengið að veðum og allt fyrst.

En ég er nokkuð viss um að ef þetta verður krufið til mergjar þá kemur í ljós að 50 milljarðar sem tengjast fyrirtækjum  Magnúsar verða ekki greiddir en samt heldur Magnús verðmætustu eignum sínum. Með lögfræðikúnstum munu þeir klæða þetta í annan búning en staðreyndin verður sú að 50 milljarðar verða ekki greiddir og enginn verður gjaldþrota.

Líklegast er þó skilanefndin ekki með einbeittan brotavilja. Landsbankinn hefur bara samið svona herfilega af sér í góðærinu þegar kom að veðtöku hjá vildarvinum.

[Marinó G. Njálsson, 18.8.2009 kl. 14:02]

Tek heilshugar undir með þér, Lára Hanna.  Finn sjálfur fyrir þessu orkuleysi um þessar mundir.  Single-tasking ríkisstjórnin virðist enn og einu sinni aðeins geta einbeitt sér að einu stóru máli í einu og enn og aftur gleymast heimilin í landinu.  "Það er ekkert í mannlegu valdi"-Árni Páll ætti annað hvort að víkja sæti eða einbeita sér að lausnum fyrir almenning í landinu.  Málið er að það er eingöngu mannlegt vald sem getur breytt hlutunum, alveg eins og það er mannlegt vald sem er að streða við að halda hlutunum óbreyttum.  Árni Páll, það ert þú og þínir sessunautar í ríkisstjórninni sem eruð þetta mannlega vald að koma í veg fyrir að nokkuð sé gert fyrir almenning.

Addi, við erum bara að tala um að þýfinu verði skilað.  Lán með ólöglegum gengistengingum verði færð yfir í íslenskar krónur miðað við lántökudag, að lántakendur beri ekki einir byrðarnar af sukki bankamanna, að eignir okkar í húsnæði og bílum verði varðar á sama hátt og innistæður í bönkum og peningasjóðum.  Við erum að fara fram á að niðurfærsla á lánasöfnum gömlu bankanna sem færast yfir í nýju bankanna, verði látin ganga yfir til lántakenda, en ekki að heimilin eigi að fjármagna bankana með fasteignum sínum.  

Hagsmunasamtök heimilanna fóru á fund AGS um daginn og þar kom EKKERT fram um að ekki mætti leiðrétta lán almennings.  Það má bara ekki gera það með einni almennri aðgerð.  Þess vegna hef ég stungið upp á því að litið verði aftur á tillögur talsmanns neytenda um gerðardóm.   Málin leysast ekki með því að þegja um þau.  Þeir sem geta munu mótmæla með fótunum, þ.e. flytja úr landi.

[Jón Baldur Lorange, 18.8.2009 kl. 14:08]

Ótrúlegur gjörningur ef DV greinir rétt frá. Er ekki rétt að gera skýlausa kröfu um að lánabækur Landsbanksns og Glitnis verði opnaðar almenningi strax?

[hilmar jónsson, 18.8.2009 kl. 14:11]

Klárlega kominn tími á aðgerðir. Að gengist verði, ekki seinn en núna í eignarupptöku þeirra sem stunduðu fjárhættuspil á okkar kostnað.

EN Djöfullinn sjálfur::::: Ég vil líka fara að sjá þá stjórnmálamenn bera ábyrgð, tekna fyrir.. Það eru jú þeir sem buðu upp á herlegheitin.

Davíð. Halldór. Björgvin. Björn Bjarna. stuttbuxnafrík XD sem en lufsast á þingi ofl..

Við endurreisum ekki rasgat hér í þessu þjóðfélagi fyrr en þetta fólk verðu látið sæta ábyrgð.

Lifi byltingin.

[Kjartan Pétur Sigurðsson, 18.8.2009 kl. 14:16]

Hef heyrt talað um að þeir sem vinna mikið óeigingjarnt og "ólaunað" starf í þágu samfélagsins og mannúðarmála hafi fengið hina frægu fálkaorðu.

Nú verður fróðlegt að sjá hversu fljót orðunefnd verður að taka við sér!

Það eru víst ekki margir eftir lengur til að fá umrædda orðu innan kerfisins eða meðal útrásavíkinganna.

Þarna gæti verið komið göfugt "comeback" fyrir forsetann okkar, en það hefur víst lítið borið á honum síðustu mánuði, einmitt þegar reynir á að þjappa þjóðinni saman.

[Gunnar Guðmundsson (IP-tala skráð) 18.8.2009 kl. 14:19]

Addi #31 - Ég veit að við erum komnir út fyrir efni þessarrar færslu, en mér þykir þetta tengjast (óljóst).  Afsakið þið hin.

Fyrirgefðu, en ég er bara hreinlega of tregur fyrir þetta.  Ég reyni að breyta dæminu við til að skýra mál mitt:

þú lánar mér 1.000.000.  Við skrifum undir samning að skuldin skuli vera verðtryggð (í spjalli okkar á milli tölum við um að verðtryggingin geti ekki farið yfir 5.5%).  Að ári liðnu hefur hins vegar geysað hér yfir 20% verðbólga - sem NB er hvorki mér né þér að þakka/kenna. Eftir þetta ár stendur skuldin í 1.280.000 kr.  Þú hefur s.s. "grætt" 280.000 kall í viðskiptum okkar.  Hvað gerir þú við þennan 280þús kall ?  Ef þú liggur á honum áttu hann.  Ef þú átt þyrlu, dugar þetta fyrir kannski 1-2 mínútum á flugi. 

Ég verð að segja, að á meðan ég skil hvað þú ert að fara, vona ég að þú skiljir hina hliðina, en hún er sú að RÁÐGJAFAR sem við skítugur algúginn treystum, sögðu ítrekað að verðtryggingin myndi aldrei verða stór biti - en hún varð það.  Eigum við bara að segja "shit happens" og horfa á skósólana á spekileka-liðinu, eða að reyna að koma einhverju réttlæti á ????

Blóðug uppreisn er í sjónmáli

[Marinó G. Njálsson, 18.8.2009 kl. 14:23]

Addi, hver tók á sig 1.170 milljarðana sem fóru í að bjarga innistæðunum?  Af hverju var það hægt en ekki hægt að skila þýfinu?  Verðbætur verða til úr engu.  Verðbólga býr ekki til verðbætur.  Verðbætur eru reiknikúnstir sem auk þess eru rangt skilgreindar.  Af heildarskuldum heimilanna eru meira en 700 milljarðar vegna verðbóta frá 2001 og hækkunar á gengi frá 2003.  SJÖ HUNDRUÐ MILLJARÐAR sem við tókum aldrei að láni heldur hafa bara orðið til í bókum bankanna.  Ekki reyna að fullyrða að bankarnir hafi tekið erlend lán til að lána okkur gengistryggð lán.  Það var ekki þannig.  Bankarnir tóku erlend lán til að gera vaxtaskiptasamninga við útgefendur jöklabréfa.  Bankarnir tóku að sér að greiða jöklabréfin og jöklabréfaútgefendurnir greiddu erlendu lánin.  Hvers vegna heldur þú að það séu vandamálin í tengslum við jöklabréfin?  Ef erlendir útgefendur þeirra væru að greiða af þeim, þá kæmi gjaldeyrir inn á móti þeim greiðslum.  En það gerist ekki, vegna þess að íslensku bankarnir eru greiða þessar skuldir.  Þess vegna eru skuldir bankanna á bak við gengistryggðu lánin að stórum hluta í íslenskum krónum og annað var skilið eftir í gömlu bönkunum.  Gengishagnaðurinn rennur því óskiptur í vasa bankanna.  Loks má ekki gleyma því að búið er að ákveða að niðurfæra lánasöfnin, sem færð verða á milli gömlu og nýju bankanna, niður um 2.800 milljarða.  Ég myndi segja að það væri borð fyrir báru hjá þeim að leiðrétta bullið.

Hvort sem það er satt eða ekki, að Landsbankinn ætli að afskrifa 50 milljarða af veðlausum skuldum Magnúsar Kristinssonar, þá er víst að farið verður í miklar afskriftir til fyrirtækja.  Í mörgum tilfellum er það hið besta mál og bráðnauðsynlegt.  Ætlum við hins vegar að byggja þjóðfélagið hér upp á nýtt, þá er líka bráðnauðsynlegt að leiðrétta skuldir heimilanna.  Það getur verið að Gylfa Magnússyni finnist besta mál að þeir, sem geta og fá gott atvinnutilboð, flytji úr landi.  Mér finnst það hins vegar ekki í lagi.  Það gerir það enginn nema annað hvort tilboðið sé það gott eða að ekkert annað er í boði.  Sem stendur eru stjórnvöld ekki að gera neitt fyrir almenning og þess vegna liggur leiðin út.

[Marinó G. Njálsson, 18.8.2009 kl. 14:25]

Kjartan Pétur, það er bara að rita til orðunefndar og stinga upp á verðugum einstaklingum.

[Addi (IP-tala skráð) 18.8.2009 kl. 14:44]

Þetta er auðvitað ekki alveg rétt hjá þér Gunnar.

Það var engin sem sagði að verðbólga hér gæti ekki farið upp í 20%, enda hefur verðbólga hér á landi sjaldnast verið eins og þú heldur fram að hún hefði átt að vera. Hvað hefðir þú gert ef hún hefði verið 2%? Hefði þú farið og borgað mismuninn?

Sanngjarnt eða ekki sanngjarnt?

Auðvitað er ekkert sanngjarnt við þetta ástand sem við erum að upplifa en það er hins vegar staðreynd sem við breytum ekki með þessu bulli sem margir hér halda gangandi frá degi til dags.

Við megum ekki vera svo naiv að halda að það séu bara til tvær tegundir að fólki - við sem ekkert gerðum af okkur og eigum nú að borga og hinir sem allt gerðu rangt og sleppa.

Samfélagið er flóknara en svo. Öll erum við háð sparnaði að einhverju leyti. Öll erum við háð lánveitingum af einhverju tagi. Öll þurfum við að nota þjónustu hins opinbera. Að fella niður hluta af láni Jóns mun hafa afleiðingar fyrir Gunnu í næsta húsi eða alla sem búa í götunni og munu þurfa að upplifa það að ríkisjóður getur ekki lengur staðið undir því að reka spítala, kaupa lyf eða bækur fyrir börnin í skólanum.

Á hinum endanum er nefnilega enginn stór og ljót grýla sem heitir Frú kröfuhafi, vond kerling sem vill bara taka og ekkert gefa. það erum við sjálf.

[Addi (IP-tala skráð) 18.8.2009 kl. 14:46]

Ég hélt þú værir skarpari en þetta Marinó.

Þú skilur greinilega ekki hugtakið verðbólga og alls ekki hvað verðtrygging er. Að þræta við þig um þetta er þvi tilgangslaust.

[Konráð Ragnarsson, 18.8.2009 kl. 15:04]

Lára þú ert eini alvöru fréttamaður landsins ef þú hættir föllum við öll í myrkvið;-(

Er þetta ekki maðurinn sem gat ekki ferðast með Herjólfi og keypti sér þyrlu?

Hvers vegna var ekki gengið að kvótanum hans?(vinir í skilanefnd?)

Já mætum öll og mótmælum

[Björn (IP-tala skráð) 18.8.2009 kl. 15:14]

Eða Ameríkana: næstum því hálf billjón handa einni persónu. Þá er ég að tala um evrópska billjón.
50000000000$.

Einar Hansson, það vantar eitt núll hjá þér. Það búa ca. þúsund sinnum fleiri í USA.  Þetta eiga því að vera ca. 400.000.000.000$ sem eru nálægt 50.000.000.000.000 kr. (fimmtíuþúsundmilljarðar eða 50 milljónir milljóna).

Þetta er klikkuð tala. vextir af svona upphæð miðað við vexti í dag (10%) er 160 þúsund á sekúndu eða 14 þúsund milljónir á dag.

Að taka þá ákvörðun að lána svona upphæð einum manni er ekkert annað en landráð af gáleysi.

[Íslenski auminginn (IP-tala skráð) 18.8.2009 kl. 15:15]

Íslendingar munu ekki gera rassgat - hvorki nú né "með haustinu".

Hættið að grenja á netinu og bíða eftir mannskap til að halda í hendina á ykkur meðan þið vælið um óréttlæti.

Það rann upp fyrir mér fyrir nokkru síðan að þetta verður tekið á einstaklingunum ekki hópnum.

Hópurinn hefur bara áhuga á að flykkjast á hommahátíðir eða í Kringluna, leyfum honum það bara. Afi gamli mun taka í lurginn á þessum aumingjum þegar þeir fara yfir móðuna miklu.

Bloggið er ágætt til síns brúks en í alvöru , ég vona að þið gerið ykkur grein fyrir því að þetta bloggrugl er bara orðið eitt risastórt kollektíft snuð. Ventill fyrir reiðina - Hóprúnk - Kallið þið það sem þið viljið en tilgangslaust er það, svo mikið er víst.

Íslenskir karlmenn- nú er komið að ykkur , sýnið af ykkur smá dug - leggið niður rakakremið og sjonvarpsvísirinn, slítið netkapalinn úr sambandi og takið til handinni á þessu guðsvolaða glæpalandi -uppá eigin spýtur- einir ef þess þarf...fökkin Lone Wolf style.

Þetta er í síðasta skipti sem ég mun tjá mig á netinu um þessi mál.  

Grófar stundir.

[Eggert Vébjörnsson (IP-tala skráð) 18.8.2009 kl. 15:16]

Ég mæti Lára Hanna!

Takk fyrir að standa vaktina fyrir okkur og hvetja okkur til að halda baráttunni áfram.

Á morgun miðvikudag klukkan 12.00.

Linka þessa bloggfærslu þína inná facebook og hvet fólk til að mæta.

Hvet jafnframt aðra bloggara til að gera slíkt hið sama.

[Helga (IP-tala skráð) 18.8.2009 kl. 15:18]

Mótmæli er hægt að útfæra á marga vegu, t.d. mótmælastaða, mótmælaganga, mótmælafundur o.m.fl.

Ég held að Íslendingar þurfi að hugsa þessi mál upp á nýtt.

Það gengur ekki lengur að bregðast við einu og einu máli með annaðhvort mótmælafundi eða undirskriftum. Það þarf að bæta miklu, miklu, miklu meira við. 

Aðgerðirnar verða að vera til langs tíma, markmissar, margvíslegar og stöðugar.

Núna gildir að taka þessi mál eins og vinnu til langs tíma.

Vilji fólk raunverulega ná árangri: Láta hlusta á sig, þá verður fólk að hugsa mótmæli sem langtímamarkmið. Hreinlega að gera mótmæli að stöðugri vinnu.

Þið sem eigið innstæður í Landsbankanum, takið þær út strax! Lokið reikningunum og sendið öllum ráðamönnum bankans bréf um hvers vegna. Verið málefnaleg og rökföst: Ókurteisi borgar sig aldrei!

Það þarf að herja á ríkisstjórnina svo að hún gefi allar eðlilegar upplýsingar um hvað skilanefndirnar eru að gera. Sagði ekki viðskiptaráðherrann nýlega að skilanefndirnar vildu ekki veita upplýsingar um hvaða fyrirtæki skilanefndirnar hafa tekið yfir? Sættið ykkur ekki við svona svar!

Dragið ráðamenn inn í framtíðarpælingar ykkur. Skrifið þeim reglulega, daglega ef á þarf að halda, og látið þá vita að tími þeirra til að taka á spillingunni er að renna út: Segið þeim að taki þeir ekki til hendinni strax þá flytjið þið úr landi. Það ætti að hrista upp í þeim að fá reglulegar tilkynningar um að skattgreiðendum á Íslandi sé að fækka um svo og svo mörg þúsund næsta mánuðinn. Munið að fjöldi skattgreiðenda er hluti af fjárlögum.

Sendið bréf til allra viðkomandi, standið með þeim þingmönnum sem eru að reyna að varpa ljósi á málin (það eru ekki allir þingmenn innvinklaðir i spillinguna - setjið ykkur í samband við þá þingmenn sem eru að gera sitt besta og vinnið með þeim).

Slítið af ykkur pólitísk flokksbönd!

Notið allar löglegar leiðir til að varpa ljósi inn í þau skúmaskot þar sem menn vinna best í skjóli myrkurs.

Fólk verður að hætta að líta á mótmæli sem viðbrögð við einstaka frétt!

Mótmæli eru ferli, stöðugt og óslitið ferli og þau verða að beinast í allar áttir!

Vinnið með þeim sem vilja raunverulega vinna gegn spillingunni! Núna gildir ekki hver gerði hvað einu sinni - heldur hvað fólk er að gera hér og nú!

Munið! Heimurinn mun ekki dæma Íslendinga af óheiðarleika fárra einstaklinga sem sökktu þjóðinni sinni í skuldir.

Heimurinn mun dæma Íslendinga af því hvernig þeir taka á spillingunni og rísa aftur upp á fæturna!

[Steinar Immanúel Sörensson, 18.8.2009 kl. 15:30]

ÉG ÆTLA AÐ MÆTA NIÐUR Á AUSTURVÖLL KL 17 Í DAG, ÞETTA VERÐUR MITT FYRSTA SKREF Í AÐ STÖÐVA ÞENNANN VIÐBJÓÐ, VEIT ÉG FÆ EKKI MIKIÐ ÁOKAÐ EINN OG VÆRI ÞVI GAMAN AÐ HITTA FLEIRI ÞARNA - BÝ MIG UNDIR ÞAÐ AÐ ÞURFA JAFNVEL AÐ GISTA FANGAGEYMSLUR Í NÓTT MISSI ÉG STJÓRN Á SKAPI MÍNU.

[Sólveig (IP-tala skráð) 18.8.2009 kl. 15:33]

Það er algjörlega óþolandi að fella niður skuldir fjárglæframanna og sjálfsagt að mótmæla því. 

En mér finnst við verða að mótmæla sölu á hlut OR í HS-orku. Við getum skrifað meirihlutanum í borgarstjórn bréf og/eða sent bréf á stjórn OR til að sporna við þessu.... og einnig alveg ömurlegt að fulltrúi samfylkingarinnar skuli hafa setið hjá í atkvæðagreiðslu. 

Hér er netfangalisti: 

[e-mail] [e-mail]  [e-mail]  [e-mail]  [e-mail]  [e-mail]  [e-mail]  [e-mail]   [e-mail]   [e-mail]  [e-mail]  [e-mail] 

[e-mail]

 

[Matthías Ásgeirsson, 18.8.2009 kl. 15:50]

Anda með nefinu.

http://visir.is/article/20090818/VIDSKIPTI06/781770645

[Lára Hanna Einarsdóttir, 18.8.2009 kl. 15:57]

Nægir þetta þér, Matthías? Að hinn aðilinn vísi bara á bug en neiti að greina frá neinum staðreyndum? Lestu þetta.

[Stebbi (IP-tala skráð) 18.8.2009 kl. 15:58]

ÞETTA ER ALGJÖR HNEYSA!!! HVERJIR SITJA EIGINLEGA Í SKILANEFND LANDSBANKANS. ÞAÐ Á EKKI AÐ GEFA ÞESSUM AUÐPUNGUM NEITT EFTIR. ÞEIR EIGA AÐ BORGA SÍNAR SKULDIR EINS OG VIÐ. MAGNÚS HLÝTUR AÐ EIGA GÓÐA VINI Í SKILANEFNDINNI GJÖRSPILLTU. ÞJÓÐIN KREFST ÞESS, AÐ MAGNÚS GREIÐI SÍNA SKULD OG AÐ APÓTEK KARLS WERNERSSONAR, LYF OG HEILSA, APÓTEKARINN OG SKIPHOLTSAPÓTEK VERÐI GERÐ UPPTÆK UPP Í ÞAÐ, SEM HANN HIRTI ÚR SKILASJÓÐI SJÓVÁR.

[Rómverji (IP-tala skráð) 18.8.2009 kl. 16:02]

"Er ekki kominn tími á alvörubyltingu?"

Jú. Sá tími er runninn upp. Óraunsætt er að ætla að Jóhanna og Steingrímur geri annað en tilraun til að bjarga núverandi kerfi. Kerfi sem er komið í þrot. Kerfinu sem þau tilheyra.

Við þurfum að byrja upp á nýtt. Henda því sem er ónýtt. Stjórnmálastéttin þarf að víkja til hliðar, eins og hún leggur sig.

Meðal annarra orða: Heimtið rétt ykkar til að eiga síðasta orðið um Icesave. www.kjosa.is
 

[Matthías Ásgeirsson, 18.8.2009 kl. 16:14]

Nægir þetta þér, Matthías? Að hinn aðilinn vísi bara á bug en neiti að greina frá neinum staðreyndum?

Hvaða staðreyndum Lára Hanna?

Já, þetta nægir mér í bili.

„Það er alveg af og frá að lán til Magnúsar Kristinssonar, útgerðarmanns í Vestmannaeyjum, hafi verið afskrifuð. Hvorki lán til hans né nokkurra félaga á hans vegum hafa verið afskrifuð. Við munum fyrst ganga að öllum þeim veðum sem liggja lánunum til grundvallar,"

Hvaða "staðreyndir" viltu?

[Margrét Sigurðardóttir, 18.8.2009 kl. 16:15]

EINKAVÆÐING GRÓÐANS OG ORKUNNAR

ÞJÓÐNÝTING SKULDANNA

[Matthías Ásgeirsson, 18.8.2009 kl. 16:16]

Vil við þetta bæta að mér finnst það hrikalega lélegt "fréttamennska" (eða vont bloggsiðferði) að vísa ekki á vísisfréttina í þessu samhengi.

[Lára Hanna Einarsdóttir, 18.8.2009 kl. 16:22]

Matthías... ég get ekki vísað í vísisfrétt sem ekki var búið að birta þegar ég birti bloggið. Þú ert nú búinn að bæta úr því, takk fyrir það.

Og staðreyndirnar sem ég vil fá upp á borð eru ýmsar, t.d. 1) Hvað skuldar Magnús bankanum mikið a) persónulega og b) fyrirtæki í eigu hans? 2) Hvert er verðmæti kvótans sem Magnús hefur yfir að ráða og hve mikið er hann veðsettur? 3) Hafa einhverjar eignatilfærslur orðið hjá Magnúsi síðan fyrir hrun og ef svo er, þá hverjar?

Þetta eru örfá dæmi um staðreyndir sem ég vil fá upplýst um í svona málum - og ekki bara hjá þessum tiltekna einstaklingi.

[AK-72, 18.8.2009 kl. 16:24]

Ég tek lítið mark á PR-fulltrúum almennt, reynslan hefur sýnt það í gegnum tíðina að þeir og greiningardeildir bankanna segja það sem þeim er ætlað að segja, líkt og áróðursmálaráðherra Saddam Husseins forðum.

Þessvegna tel ég mun álitlegra að þetta verði gert fyrir framan opnum tjöldum, því nú þegarh hafa komið fram dæmi þar sem kvótagreifar eru með astoð bankanna, að skilja eftir skuldir til handa almenningi að borga svo sem Stím-feðgar og Soffaníus Cecilsson á Grundarfirði. Ef svoleiðis á að viðgangast, þá á að svipta mennina kvótanum, láta hart mæta hörðu, ganga að þeim þannig að yfirstéttin greiði jafnt og í fullkomnu jafnræði við almenning sem á að punga út fyrir græðgi þeirra og sukkveislum næstu áratugina.

Réttlæti er ofar bankaleynd, bankaleynd hér á landi er eingöngu notað til að hylma yfir glæpum, fjársvikum og afskriftum til handa einkavinum frjálshyggjunar framar hagmsmunum eigenda bankanna sem eru þjóðin í landinu.

[runar (IP-tala skráð) 18.8.2009 kl. 16:26]

Jón S, ég er fullkomlega sammála þér !! Stundum finnst mér í alvöru talað að Íslenska þjóðin eigi þennan harmleik skilinn. 80 þús á gay gönguna, 3 þús á icesave mótmælin, samningur sem mögulega getur skaðað sjálfstæði landsins, alvarlegasti samningur Íslandssögunnar.

Hvað er að þessari (fyrrum) duglegu og stoltu þjóð ??? Við erum hægt, en örugglega, að breytast í hjólhýsahyski í hugsun og þar á eftir í verki !!

Á þessum myrku og jafnframt stórmerkilegu tímum þá eru vinsælustu fréttir Eyjunnar að katie price stríði pabbanum, britney sé lostafull í bleiku..etc..

Vissulega er mörgum heitt í hamsi þegar afskrifa skal landráðaskuldir útrásarhóranna, en þessi réttláta og eðlilega reiði landans ristir ekki dýpra en svo, að þegar tugþúsundir Íslendinga seru atvinnulausir og ALLIR Íslendingar hafi tapað miljónum í þessu rugli, þá mæta færri til mótmæla en þeir sem venjulega mæta á venjulegt sveitaball !!

Það er nefnilega þannig að meira að segja þeir sem skuldlausir voru fyrir hrun hafa einnig tapað mjög miklu, t.d  í hækkandi verðlagi, lífeyrissjóðirnir eru að mínu viti mjög líklega stórskaddaðir, jafnvel tómir og keyra á gegnumstreymi, og erfiðara er að fela hroðalega stöðu þeirra með auknu atvinnuleysi, og svo er það sem verst er...stórsködduðu mannorði landans sem líklega er versta tapið af öllu, peningar koma og fara en mannorð er ekki mælt og vegið í peningum og því muuuun verðmætara en allir peningar heimsins !!!

Alla daga virðist spillingin toppa spillingu gærdagsins, alltaf erum við að hækka "þetta er nóg komið" þröskuldinn, allir vita að þessi viðbjóður hefði ALDREI þrifist nema með samþykki stjórnvalda og það ætti ÖLLUM að vera ljóst að stjórnvöldum hafi/er verið mútað á einn eða annan hátt, ekki bara meirihlutanum heldur einnig stjórnarandstöðunni !!

Einnig finnst mér undarlegt þegar sumir vilja dásama stjórnvöld fyrir að tryggja Íslenskar bankainnistæður að fullu (og gerðu með því breta og hollendinga snaróða), mig langar að spyrja hinn venjulega Íslending að því.. hve marga þekki þú sem höfðu meira en lágmarkstryggingu (21 þús evrur) inn á neyslureikningi eða sparireikningi sem hann þurfti ekki að nota ?? ÉG er ekki að tala um fólk í millibilsástandi, fólk sem kannski var að selja íbúð, bíl eða annað..peningur sem nota skyldi í annan bíl eða húsnæði innan 6 mánaða. Þekkið þið mikið af fólki sem átti þessa upphæð á reikningi ??

Er ekki málið að þarna var verið að tryggja stórlaxana, peningamennina sem voru með milljarð inni á sínum reikningi ?? Í stað  4 milljóna tryggingar ríkisins, þá er tryggingin sett ótakmörkuð.. sem einfaldlega þýðir að maðurinn sem á milljarð á bók fær 996 milljónir í óréttláta aukatryggingu, aukatryggingu sem greidd er af vinnu Íslenskra skattgreiðenda. Þessi skattur ætti betur heima í löggæslu, skóla eða heilbrigðiskerfinu sem svitna skal af samdrætti sem óhjákvæmilegt er að beita.... milljarðamaðurinn fær samt sitt og allir sáttir...ekki rétt ???

Líklega eru langflestir alþingis og áhrifamenn Íslands undanfarin 20 ár með töluvert safn af beinagrindum í skápnum og það er væntanlega ástæðan fyrir því að áhuginn á rannsókn og réttlæti af hendi yfirvalda virðist vera við alkul, þótt stjórnmálamenn viti það kristaltært að engin sátt næst í landinu  fyrr en þeir sem brunanum ullu verði látnir sæta refsingu fyrir glæpi sína.

Íslendingar eru dugleg þjóð og þeir munu komast upp úr þessu kviksyndi, en það verður fyrst mögulegt að snúa neikvæða spíralinum við þegar fólk finnur fyrir réttlæti og heiðarleika frá ráðamönnum, ráðamenn vita þetta vel og því er það ÓTRÚLEGT að þeir skuli ekki ganga til verks gegn útrásar-hýenunum..... einföld og  léttvæg rökhugsun segir manni það að fyrst ekkert er gert þá sé það vegna þess að með uppljóstrunum stjórnvalda á glæpum peningastóðsins þá eru stjórnvöld að koma sjálfum sér (flestum) bak við lás og slá !!

Hvaða önnur skýring getur legið bak við framkvæmdaleysi stjórnvalda ?? 

 Við Íslendingar eigum betra skilið !!

Þeir sem halda því fram að við séum öll meðsek mega muna það að þegar "góðærið" ruggaði landinu þá höfðum við ekkert meiri kaupmátt á Íslandi en Danir höfðu í Danmörku (ath 37 stunda vinnuvika er viðmiðið), við borguðum mjög háa vexti , unnum allra þjóða mest, lásum um Elton john í afmæli Ólafs, heyrðum reglulega talað um sterkan gjaldmiðil (sterkan gjaldmiðil ?? gjaldmiðill sem hefur nánast orðið að engu saman borið við dönsku krónunna á innan við 100 árum, meiri styrkurinn það !) og að lokum fáum við að heyra að sókn landans í flatskjái hafi drekkt landinu í skuldum...... er ekki eitthvað að spunameisturum stjórn/peningavalda og greind blaðamanna Íslands ætti að vekja áhuga erlendra sérfræðinga í gin og klaufaveiki ???

[Lára Hanna Einarsdóttir, 18.8.2009 kl. 16:27]

Hér er hægt að lesa um Stím-feðgana og Grundfirðingana. Þetta er allt samhangandi.

[Matthías Ásgeirsson, 18.8.2009 kl. 16:28]

Matthías... ég get ekki vísað í vísisfrétt sem ekki var búið að birta þegar ég birti bloggið.

Það liðu nokkrir klukkutímar (og ansi margara athugasemdir) frá því frétt Vísis birtist þar til ég setti hana hér í athugasemd.

  Og staðreyndirnar sem ég vil fá upp á borð eru ýmsar,

Spurningin sem blasir við er einfaldlega:  Kemur þetta þér við?

Í alvöru talað.  Ég væri alveg til í að vita þetta allt saman en hvernig kemur þetta mér við?  Það er nokkuð ljóst að þegar þessi mál verða gerð upp munu þessar upplýsingar koma á borðið.  En hvernig gagnast það okkur í dag að vita þetta?  Græðum við eitthvað á því?

Gæti verið að þú sért "úrvinda af þreytu" vegna þess að þú æsir þig upp við hvert tækifæri?  Væri ekki nær að reyna að skilja hvað er í gangi, setja fyrirvara við samsæriskenningar og skoða allar hliðar mála?

[Matthías Ásgeirsson, 18.8.2009 kl. 16:29]

Hvað kemur Stím málinu við? 

[Matthías Ásgeirsson, 18.8.2009 kl. 16:39]

Seðlabankanum BER að tryggja að verðbólgan sé innan þessara marka.

Í lögum um Seðlabanka stendur:

"Meginmarkmið Seðlabanka Íslands er að stuðla að stöðugu verðlagi. Með samþykki forsætisráðherra er Seðlabankanum heimilt að lýsa yfir tölulegu markmiði um verðbólgu."

Þannig að nei, honum ber ekki að tryggja að verðbólga sé innan ákveðinna marka.  Aftur á móti er markmið Seðlabankans að svo sé.

[hilmar jónsson, 18.8.2009 kl. 16:43]

Blessaðu hættu þessu rausi Matthías, þú ert kominn langt út fyrir það sem málið snýst um hér, og í rauninni alveg dead boring...

[Matthías Ásgeirsson, 18.8.2009 kl. 16:49]

  ég var að svara athugasemdum þannig að ég fór ekki út fyrir nokkurn skapaðan hlut.  En þetta er afar dæmigert fyrir umræðuna.  Hér skulu allir vera "já"-menn. 

Sem er nákvæmlega það sem kom okkur í skítinn til að byrja með.

[Lára Hanna Einarsdóttir, 18.8.2009 kl. 17:00]

Matthías... þú mátt alveg hafa þá skoðun að þér komi ekki við hvernig verið er að gera upp bankana, hvað er afskrifað og hjá hverjum og hvað stendur út af sem við skattgreiðendur þurfum að borga. Þér er líka frjálst að tjá þig um þær skoðanir þínar, bæði hér og væntanlega víðast hvar annars staðar. En vertu kurteis, það borgar sig alltaf.

Og þótt þér finnist þér ekki koma þetta við hef ég engu að síður fullt leyfi til að finnast mér koma það við og hafa skoðanir á því.

Það svíður sárt að sjá þessa "herramenn" sem í sameiningu komu þjóðarbúinu á hausinn lifa kóngalífi á meðan við hin þurfum að horfa í hverja krónu og erum hreppt í skuldafangelsi. Ekki svíður minna að sjá hvernig skilanefndir bankanna stuðla að því að festa hér í sessi þá svívirðilega óréttlátu skiptingu auðs og lífsgæða sem gróðærið færði okkur.

Ég er ekki fréttamaður, bara venjuleg kona úti í bæ. Miðaldra húsmóðir í Vesturbænum, eins og ég kalla mig stundum sjálf. Er alla jafna frekar orðvör og fordómalaus og rýk ekki upp til handa og fóta við hvert tilefni. En ég er orðin ansi þreytt á að horfa upp á spillingu og hróplegt misrétti alls staðar í kringum mig. Ætli mér sé ekki óhætt að segja að við séum velflest orðin þreytt á því. 

[Matthías Ásgeirsson, 18.8.2009 kl. 17:02]

Ætlaði ekki Kaupþing jafnvel að fella niður skuldur Björgólfsfeðganna?

Kaupþing tók við beiðni (tilboði) Björgólfsfeðga um m.a. niðurfellingu skulda.  Hvað átti Kaupþing að gera?  Kveikja í pappírunum.  Ekkert hefur komið fram um að Kaupþing hafi eða ætli að niðurfella nokkuð.

Ef almúginn fengi að sjá þennan lista í dag væri sennilega allt í báli og brandi.

Bestu rök sem ég hef séð gegn því að birta þessa lista.

Málið er að auðvitað verður hellingur af skuldum auðmanna felldur niður (afskrifaður).  Ástæðan er einfaldlega sú að þeir eru ekki borgunarmenn.  Ólíkt okkur hinum hafa þeir svo haft vit á því að skrá eignir sínar í gegnum allskonar félög og hafa einnig stungið undan fé sem þarf að ganga á eftir.  Það er einfaldlega allt annað mál.

[Salvör Kristjana Gissurardóttir, 18.8.2009 kl. 17:03]

Góður pistill Lára Hanna. Ég væri bara úrvinda ef ég væri ekki komin núna úr sumarfríi, ég fyllist oft vonleysi yfir því að sama fólkið og var logið að og logið að og logið að láti núna blekkast aftur af  stjórnmálamönnum og talsmönnum atvinnulífs sem hafa skipt um hatta og persónur en halda áfram að ljúga og ljúga og blekkja. Þeir sem eru í ríkisstjórn núna eins og strengjabrúður, annað hvort skilja þeir ekki að það var kerfishrun á Íslandi og það er ekkert vit í því að byggja upp sams konar aðstæður og sams konar hagkerfi og hrundi yfir okkur eða þeir eru vitandi eða óvitandi peð og handbendi valdagráðugra afla og þeirra hlutverk er að blekkja okkur til að vera til friðs.

Ég hlustaði á iðnaðarráðherra tala í gær, það var nú meiri innantóma orðafroðan. Hún var að selja okkur hugmyndina um einkavæðingu orkugeirans með sömu rökum og hugmyndin um  kvótaeinkaeignina var seld þjóðinni. Það er bundið í lög að kvótinn væri sameign þjóðarinnar en hann er spilapeningar í fjárhættuspili sem setti Ísland á hausinn. 

[Matthías Ásgeirsson, 18.8.2009 kl. 17:04]

En vertu kurteis, það borgar sig alltaf.

Var ég það ekki

[Lára Hanna Einarsdóttir, 18.8.2009 kl. 17:10]

Kurteisi er kannski afstæð, en þetta fannst mér ókurteisi: "Gæti verið að þú sért "úrvinda af þreytu" vegna þess að þú æsir þig upp við hvert tækifæri?  Væri ekki nær að reyna að skilja hvað er í gangi, setja fyrirvara við samsæriskenningar og skoða allar hliðar mála?" Kannski óþarfa viðkvæmni í mér, en mér fannst það nú samt. Einkum vegna þess að þetta er alrangt.

[d, 18.8.2009 kl. 17:50]

Þakka þér kærlega fyrir þitt framlag sem er vægast sagt ótrúlegt: ) Og þakka þér fyrir að þora að hafa skoðanir og virða skoðanir annarra.

[JR (IP-tala skráð) 18.8.2009 kl. 18:04]

Þakka þér Lára Hanna fyrir allar þínar upplýsinga og halda okkur við efnið !

Hvers vegna fáum við bara fréttir af því að verið sé að gefa afslætti af skuldum, en engar fréttir af því að verið sé að ganga að eigum fólks ???

[Finnur Bárðarson, 18.8.2009 kl. 18:21]

JR Seinni málsgreinin eru orð í tíma töluð.

[Hálfdrættingur (IP-tala skráð) 18.8.2009 kl. 18:22]

Merkilegt þetta hugarfar kleptókrata og siðblindinga eins og Mattíasar að þeir sem stela eru bara nógu gáfaðir til að stela. Þeim sem er stolið frá, eru bara ekki nógu klárir að láta stela frá sér. Svo er líka alltaf allt ótengt hvert öðru. "Það er einfaldlega allt annað mál". Sjá ómögulega samhengi hlutanna. Líkast til ekki hægt að kenna þessu fólki um að vera vitskert í hægra heilahvelinu. Þessi addi er fyndinn líka þegar hann talar um alvöru peninga. Eru það pappírsbleðlarnir eða tölurnar sem bankamennirnir ákveða að hafa á tölvuskjánum. Veit allt um smáatriðin en aftur, skortir alla yfirsýn.

Zeitgeist: Addendum miðvikud. kl.23.20 á Rúv fyrir þá sem hafa áhuga á þessu yfirskilvitlega fyrirbæri, peningum.

Takk Lára Hanna fyrir að leiða byltinguna.

[arnar Steinþórsson (IP-tala skráð) 18.8.2009 kl. 18:51]

Lengi lifi siðbótin á Nýja Íslandi !

Enn ein afurðin frá skrýmsladeild Logos.

"Stjórnendur Straums-Burðaráss hafa lagt það til við kröfuhafa bankans að þeir fái 10,8 milljarða króna í bónusa á næstu fimm árum samkvæmt heimildum DV. Starfsmanna Straums bíður það verkefni að vinna að því á næstu árum að fá hármarksverð fyrir eignir bankans.

Þeir vilja fá bónusana fyrir að vinna þessa vinnu."

DV 18.08/2009

Hin svokallaða siðbót eða hin stórskemmtilega flétta "Millistjórnendum ýtt uppá við"

Óttar Pálsson forstjóri Straums er lögfræðingur að mennt og leiddi áður lögfræðisvið Straums. Hann tók við forstjórastarfinu starfinu af William Fall sem lét af störfum þegar bankinn var yfirtekinn af Fjármálaeftirlitinu. Óttar var einn af "toppunum" hjá lögfræðistofunni Logos þar sem hann starfaði á árunum 2001 - 2006. Hann hafði m.a. Actavis og Icelandair á sinni könnu.

"Dæmdur" innherji

Fjármálaeftirlitið sektaði Óttar vegna innherjaviðskifta 19. mars 2004 en á þeim tíma starfaði hann fyrir lögfræðistofuna Logos. Sektin var upphaflega ákveðin 500.000 kr. en með ítrekuðum áfrýjunum tókst honum að pressa hana niður í 50.000 kr. Lengi lifi siðbótin á Nýja Íslandi...

http://www.vidskiptaraduneyti.is/UrskVegnaFjarmala/nr/1788

[Björn Hauksson (IP-tala skráð) 18.8.2009 kl. 18:52]

Að gefnu tilefni er traust almennings til bankanna í núlli - það ætti að vera augljóst af hverju og of langt mála að telja upp hér, en má t.d. nefna: skuldir starfsfólks afskrifaðar, útlánastefna bankanna afar glæfraleg og skattgreiðendur þurfa nú að borga brúsann, vísbendingar um miklar afskriftir lántakenda (sbr. t.d. grein Finns Sveinbjörns þar sem hann segir að hann verði að afskrifa til að minnka atvinnuleysi í landinu). 

Þegar svona stendur á verður gagnsæji að vera 100%. Starfsemi skilanefndanna er í molum hvað varðar gagnsæji.

Gylfi Magnússon og Steingrímur J áttu að vera búnir að kippa þessu í liðinn fyrir löngu í stað þess að skipa nefnd til að fjalla um máli - þetta skrifast á þá tvo. Þeir verða að hreinsa meira til, birta allar upplýsingar og setja skýrar leikreglur fyrir skilanefndir undir eins. 

[Jón Baldur Lorange, 18.8.2009 kl. 18:52]

,,Við eigum þetta, megum þetta og munum komast upp með þetta!"

[Brjánn Guðjónsson, 18.8.2009 kl. 19:15]

mmm, unaðslegt. spillingin veitir mér andlega fullnægju

[Matthías Ásgeirsson, 18.8.2009 kl. 19:58]

Merkilegt þetta hugarfar kleptókrata og siðblindinga eins og Mattíasar að þeir sem stela eru bara nógu gáfaðir til að stela.

Á þetta að fá að standa hér á blogginu þínu Lára Hanna?  Auk þess að vera rógur er þett einfaldlega ekki lýsing á mínum skoðunum.  Ég hef á engan hátt verið að réttlæta nokkurn þjófnað.

Það er stundum erfitt þegar raunveruleikinn skarast á við hugmyndir fólks.

[Þórkatla Snæbjörnsdóttir (IP-tala skráð) 18.8.2009 kl. 20:16]

Nú er búið að ákveða það að afskrifa skuldir Magnúsar Þorsteinssonar upp á 50 milljarða króna. Hver á Landsbankann, er það ekki við þjóðin? Afskriftirnir eru teknar með samþykkt núverandi ríkisstjórnar, eða hvað? Er hún ekki setja halelújastimpil yfir ósköpin? Það er svolítið skrítið að horfa, hlusta og lesa það að þetta sé ekki á ábyrgð ríkisstjórnarinnar.

Það virðist sem sagt vera þannig að þeir, (í ríkisstjórninni) geti borið ábyrgð á þvi sem að þeim hentar, t.d. að skuldsetja komandi kynslóðir upp að öxlum og vel það, en þegar að það er farið að tala um að þeir beri ábyrgð á afskriftum skulda eintaklinga hjá ríkisbönnkum, þá eru þeir/þau duglegir/dugleg við að frýja sig ábyrgð.

Á þessa vitleysu hlustaði þjóðin á, árum saman og er að súpa seiðið kyrfilega af því nú. Hvernig væri að mótmæla Icesave og þessari ríkisstjórn á AUSTURVELLI á morgun þegar að þetta mál kemur til umræðu þar, sem að á víst að klárast þar í vikunni, að mér skilst?

[Þórkatla Snæbjörnsdóttir (IP-tala skráð) 18.8.2009 kl. 20:38]

Tek það fram að í fyrri færslu minni er ég að vísa til þess þegar að bankar voru í ríkiseigu fyrir frjálshyggjuna, og bankamálaráðherra(r) þáverandi tókst/tókust þá að telja þjóðinni trú um að bankarnir hefðu sjálfsákvörðunarvald. Á þetta hlustaði þjóðin þá og spurning hvort að hún ætlar að gera það aftur?

[Hálfdrættingur (IP-tala skráð) 18.8.2009 kl. 20:39]

Æ já, ég gleymdi þessu með einkaréttinn á raunveruleikanum. Takk fyrir ábendinguna.

[Matthías Ásgeirsson, 18.8.2009 kl. 20:50]

Í þessu tilviki er það sem ég kalla "raunveruleika" mínar skoðanir.  Þú afbakar þær.

Annars er merkilegt að þurfa að fást við nafnlausar rolur á svona vettvangi.  Skiptir mig svosem litlu máli hvað slíkt fólk segir.

[BþN (IP-tala skráð) 18.8.2009 kl. 22:22]

Í dag er orðið bylting margnotað og undir flestum kringumstæðum endað með lotinn haus og hendur í

vösum. Ef eitthvað hefur áunnist hefur það jafnan verið rifið niður af jafnvel þeim sem byltingunni komu

á. Í sjónvarpinu okkar allra landsmanna og hvers einstaklings inn á heimili eldri en 16 ára, sagði frá því fyrir örstuttu að maður hefði farið út fyrir mörk rósemdar og hagað sér flónskulega hjá innheimtustofnun og sópað m.a. af borðum sem nær voru. Eftirfarandi hugmyndafræði var send ruv-tv sama kvöld og segir nýjan sjónarhól sama málefnis og jafnvel sjálf fréttin sem var fréttin farið fyrir lítið ef segja má svo……

Mig sætir furðu þegar hugsar er til rógsemd Íslendingins sem átti 2 milljónir í ávöxtunarsjóði banka síns en skuldaði samt eina milljón hér réði það lögmál að hann var ekki búinn að nota arfinn til að borga upp skuldina. Það hlyti að vera í lagi að geyma það til morguns. Svo kom nýr dagur með bankahruninu og honum tilkynnt að milljónirnar 2 væru horfnar en þó ekki alslæmt því að hann skuldaði enn milljónina góðu. Þessi maður lyfti ekki einu sinni upp augnabrún slík var rógsemd hans að erlendir fræðimenn hafa síðan leitað hér upp á klakkann til að virða fyrir sér slíkt fyrirbæri.Sú saga þegar loksins kemur glaðingur í veskið og er frétt hjá ykkur hjá Ruv að viðkomandi sem kom að tómum kofanum og glaðningur hans horfinn og varð snæluvitlaus er frekar vottur um að þjóðin sé að vakna af dofanum eftir síðustu áföll. Fréttin hjá ykkur hefði verið verðmætari ef þið hefðuð náð viðtali við rógsemdarmanninn í dæminu á undan og dreift henni vítt og breitt um heiminn.

Með bestu kveðju, Baldvin Nielsen

[Kama Sutra, 19.8.2009 kl. 01:02]

Takk fyrir alla frábæru pistlana þína, Lára Hanna.  Ég les þá alltaf þótt ég sé fremur slök við að athugasemdast.  Kannski ég fari að bæta aðeins úr því framvegis.

Ég myndi mæla með utanþingsstjórn núna, til nokkurra ára, ef ég vissi ekki fyrirfram að það tæki þjóðina marga mánuði að karpa og rífast um það hverjir ættu að skipa þá stjórn.  Íslendingar elska að þrasa og rífast um keisarans skegg - og á meðan fer dýrmætur tími til spillis sem þarf að nýtast til uppbyggingar eftir hrunið.

[Sævar Einarsson, 19.8.2009 kl. 02:26]

Allir skuldarar sem gerðu ekkert annað af sér en að taka lán til að koma yfir sig þaki sameinumst öll sem eitt, þegar sú tala er lögð saman fáum við út x milljarða og heimtum sömu afskriftir og þessir útrásarvíkingar, annað er ekkert nema sanngjarnt, um næstu mánaðarmót er ég farinn í greiðsluverkfall, ég er búinn að fá mig fullsaddan af þessum viðbjóði sem þessir menn komast upp með og við almenningurinn látin borga brúsann.

[Sævar Einarsson, 19.8.2009 kl. 02:31]

Og þessi ríkisstjórn er meira en vanhæf, hún er sakhæf og ber að draga hana fyrir dómstóla fyrir svik, lygar og leynimakk, segið af ykkur eða verið borin út með valdi, ég er búinn að fá mig fullsaddan af þessu smjaðri að þetta og hitt hafi náðst að klára á 100 dögum þegar vanskil íbúðarsjóðs hafa aukist um 80% bara á þessu ári, hvernig ætli staðan hjá öðrum lánastofnunum sé ?

[Fríða Eyland, 19.8.2009 kl. 08:39]

Þakka þér Lára Hanna fyrir að eyða orkunni í að halda úti besta bloggi Íslands.

Vona svo sannarlega að það verði mætingarmet í dag og almenningur átti sig á að, eina vopnið okkar er samstaða til að ná fram réttlæti og breytingum á eyjunni fögru.

Lifi byltingin !

[Guðmundur St Ragnarsson, 19.8.2009 kl. 09:19]

Færsla nr. 26 er snilld. Segir allt sem segja þarf.

[Loopman, 19.8.2009 kl. 19:07]

Það á ekki að vera með pirring, það gerist ekkert þannig.

Það sem virkar er að gera menn hrædda, það virkaði í janúar.  Þegar þetta verður ekki spurning um pirring heldur líf og limi pólitíkusa og annarra, þá gerist eitthvað.

Erlendis velta menn bílum og kveikja i þeim. Íslendingar senda tölvupóst. 

Við hverju búist þið

[Arinbjörn Kúld, 19.8.2009 kl. 22:54]

Tíminn nálgast óðfluga. Ég verð klár þegar hann kemur.

Kveðja að norðan.

[Sævar Einarsson, 20.8.2009 kl. 03:26]

Færsla nr. 95 segir allt sem segja þarf og rúmlega það. Íslendingar eru ofdekruð þjóð mótmælir með því að stofna facebook mótmæli, safna undirskriftlistum. nöldra á kaffistofum hvað ástandið sé svo lélegt og óréttlátt en hvað gerir það ? fær sér meira kaffi og nöldrar ... Í raun er búið að heilaþvo okkur að við erum orðin að grænmeti og það er hlegið að okkur erlendis. Ég vill fara að sjá 100.000 manns marsera að alþingi, bönkum og öðrum lánafyrirtækjum og bera þetta lið út með valdi fyrst það er hægt að smala saman 80.000 manns á Gay Pride, 30.000 á Fiskidaginn á Dalvík ... en aðeins um 3.000 mættu á samstöðufund vegna IceSave ... er fólk bólufreðið ? of upptekið að stofna mótmælalista á facebook ? hvað er (afsakið orðbragðið) helvítis málið með okkur íslendinga ??? það fer að smella á menningarnótt, það má búast við 80.000 - 100.000 manns og þá væri tilvalið að láta verða af þessu, og gera UPPREISN TAKK, Power To The Peopleog það STRAX !!!

Þið getið bókað það að það er búið að afskrifa milljarða tugi þeirra sem settu okkur í þessa aðstöðu og svo kemur ekki til greina að afskrifa okkar skuldir HALLÓ !!!

[Sævar Einarsson, 20.8.2009 kl. 04:07]

 Nákvæmlega!

[Sævar Einarsson, 20.8.2009 kl. 04:24]

Viðbót

[Haukur Nikulásson, 21.8.2009 kl. 08:08]

Með svona undirtektir er engin ástæða til að vera uppgefin Lára Hanna. Þú mátt vera stolt af þínu verki við að halda úti upplýstri umræðu. Maður finnur að fólk er orðið miklu meðvitaðra um spillingarógeðið sem ríkt hefur frá því að Davíð og Halldór einkavinavæddu eignir ríkisins með jafn skelfilegum afleiðingum og raun ber vitni.

Ég hef enga trú á að þú hættir núna. Við erum rétt að hitna!

[Björn (IP-tala skráð) 21.8.2009 kl. 14:17]

Ég væri alveg til í að vita þetta allt saman en hvernig kemur þetta mér við?  Það er nokkuð ljóst að þegar þessi mál verða gerð upp munu þessar upplýsingar koma á borðið.

ég var að svara athugasemdum þannig að ég fór ekki út fyrir nokkurn skapaðan hlut.  En þetta er afar dæmigert fyrir umræðuna.  Hér skulu allir vera "já"-menn. 

Sem er nákvæmlega það sem kom okkur í skítinn til að byrja með.

 Matthías,  Það sem kom okkur í skítinn er akkúrat andvaraleysið, að nenna ekki að fylgjast með og gagnrýna.  Nákvæmlega það sem þú vilt að við gerum núna.  Samkvæmt þínum vilja þá eiga vinir og vandamenn útrásarvíkinganna sem eru í skilanefndum að fá að vera í friði til að koma okkur hinum, "sem kemur þetta ekkert við", í enn dýpri skít.

Og ég er sammála hilmari, þú virkar sem hrútleiðinlegur. Ég vona þín vegna að þú sért skemmtilegri í eigin persónu.

[Baldvin Jónsson, 21.8.2009 kl. 17:00]

Matthías: Þykir þér málið ekki tengjast þér? Við munum öll þurfa að greiða þessar afskriftir í gegnum samfélagslega þætti.

Þeir segja að ekki standi til að afskrifa. Það er þó alveg ljóst að eignir duga langt í frá fyrir skuldum, skuldir á 12. og 13. veðrétti verða því augljóslega ekki greiddar og þar með þarf að afskrifa þær.

Ef það lítur út eins og hæna, gaggar eins og hæna og lyktar eins og hæna - er það vafalaust hæna. Afskrift er afskrift, hvort sem að hún kemur til strax eða eftir eðlilegt uppgjör félagsins.