Lára Hanna Einarsdóttir

14.10.2009

Eru svona bændur bústólpar?

Svona mál ættu að vera hætt að koma manni á óvart. En ég rak engu að síður upp stór augu þegar ég horfði á fréttir Stöðvar 2 í kvöld. Þar var sagt frá fyrirtæki Brynjólfs Bjarnasonar, forstjóra Símans, Lamba ehf. Tilgangur þess er sauðfjár- og geitarækt. Brynjólfur orðinn bóndi? Ónei, ekki aldeilis. Fyrirtækið... eða réttara sagt einkahlutafélagið... var notað til að slá lán og braska. Virðist ekki hafa komið sauðfjár- og geitarækt nokkurn skapaðan hlut við.

Skuld einkahlutafélags Brynjólfs er nú þúsund milljónir - einn milljarður - sem bankinn gæti þurft að afskrifa. Ætli Brynjólfi þyki óábyrg meðferð á fé að borga skuldir sínar eins og Bjarna Ármannssyni? En eins og Lóa Pind segir í lok fréttarinnar: Það er ekki sama Jón og Jón ehf.

Fréttir Stöðvar 2 - 14. október 2009

Viðbót: Agnar minnti mig á þetta myndbrot úr Silfrinu þar sem Ari Matthíasson sagði söguna af því þegar hann lenti á fundi með mönnum þar sem verið var að kynna skattaskjól og hvernig hægt væri að koma fé undan skatti. Þarna er Brynjólfur Bjarnason einmitt nefndur til sögunnar. Skattrannsóknarstjóri brást við sögu Ara eins og sjá má hér og hér. Hvar ætli þetta mál sé statt?

Silfur Egils 25. janúar 2009

Önnur viðbót: Það er ekki að spyrja að DV og skúbbinu þeirra. Ég var minnt á að fréttin um Lamba hans Brynjólfs og skulduga geitarækt forstjórans birtist í DV í maí sl. DV hefur hvað eftir annað afhjúpað alls konar sukk, svínarí og spillingu þótt þær fréttir rati ekki alltaf í aðra fjölmiðla. Ég held að þeir sem treysta DV ekki ennþá ættu að endurskoða afstöðu sína, fara að kaupa blaðið og gera því þar með kleift að koma út oftar!

Meginflokkur: Bloggar | Aukaflokkar: Spilling og siðferði, Stjórnmál og samfélag, Viðskipti og fjármál | Breytt 15.10.2009 kl. 01:31 | Facebook

Athugasemdir

Mannfýlan kemur óorði á geitur og kindur !

Alltaf þegar maður heldur að maður sjái í botninn á drullunni þá kemur meira !!

Ragnheiður , 14.10.2009 kl. 21:11

Bústólpi ? Er það ekki bara símastaur við sveitabæ ?

Eiður Svanberg Guðnason, 14.10.2009 kl. 21:19

Snilldin ein. Ekki er bóndi bústólpi nema skuldugur sé.

Kveðja að norðan.

Arinbjörn Kúld, 14.10.2009 kl. 22:16

Ég var verulega reið þegar ég heyrði þessa frétt. Upprifjun þín á viðtali Egils við Ara Matthíasson er vel viðeigandi!

Ingibjörg Hinriksdóttir, 14.10.2009 kl. 22:20

Allir að skipta um símafyrirtæki sem skipta við Símann !

Hildur (IP-tala skráð) 14.10.2009 kl. 22:48

Ég þakka þér Lára Hanna að vekja athygli á þessu sem varð mér innblástur í pistil - Arðsöm fjárrækt.

Jón Baldur Lorange, 14.10.2009 kl. 22:59

Þetta er náttúrulega ekki hlægilegt .........en ansi er ég hræddur um að margir líti á Brynjólf Bjarnason sem almennan sauð hér eftir - sé alveg fyrir mér að fólk jarmi á hann við minnsta tilefni!!!!!!

Gísli Foster Hjartarson, 14.10.2009 kl. 23:12

Þegar menn stofna eignarhaldsfélag þurfa þeir að fylla út eyðublað og tilgreina þar tilgang félagsins gagnvart Hagstofu og skattayfirvöldum. Minn skilningur er sá að menn fái þá eingöngu leyfi til að starfa á þeim vettvangi og vilji þeir síðan víkka út starfsemina, þurfi þeir aftur sérstakt leyfi fyrir því.

Skv. því hefur fyrirtæki ekki leyfi til að braska með hlutafé, hafi félagið þann yfirlýsta tilgang að sýsla með blandaða búfjárrækt.

Er þetta ekki réttur skilningur hjá mér ? ....... einhver ?

Anna Einarsdóttir, 14.10.2009 kl. 23:20

Anna: Er sauðfé í þessu samhengi ekki bara peningar vitleysinga ?

Veigar Freyr Jökulsson (IP-tala skráð) 14.10.2009 kl. 23:48

Hefur hann ekki bara skrifað "Fjárrækt" á umsóknina, og starfsmaður Fyrirtækjaskrár fundið Sauðfjárrækt?

Billi bilaði, 15.10.2009 kl. 00:31

Þegar hann á 9. áratug síðustu aldar, var stjórnarformaður Granda í hjáverkum, því hann var í einhverju öðru sem aðalstarfi, þá kom upp hneykslismál þegar kom í ljós að hann lét Granda, sem var fyrirtæki í eigu borgarbúa, borga fyrir sig dýra Saab bifreið en sagt var að vinnan hans hjá Granda fælist aðeins í fundasetum öðru hvoru. Það var talað um "Grandavagninn". Svo virðist sem sumir hafi alltaf getað verið í þessu hlutverki, að sanka að sér stórum fjárhæðum með klækjum og eyða þeim.

Húnbogi Valsson (IP-tala skráð) 15.10.2009 kl. 00:35

Þar sem að Brynjólfur virðist líka vera áhugamaður um skattaskjól væri örugglega ekki úr vegi að skoða hvernig launa- og arðgreiðslum til hans hafi verið til hagað.

Sigurður Hrellir, 15.10.2009 kl. 00:37

Ekki úr vegi að rifja upp þetta hjá Illuga Jökulssyni. Þar segir m.a.:

"Brynjólfur Bjarnason var gulldrengur Kolkrabbans sem hlóð undir hann af kostgæfni. Hann rak Almenna bókafélagið, svo Granda (þegar Davíð einkavæddi Bæjarútgerðina), loks fékk hann Símann upp í hendur (þegar Davíð einkavæddi Landsímann)."

Sigurður Hrellir, 15.10.2009 kl. 00:46

Og mig sem dreymir um geit í garðinn í staðinn fyrir sláttuvél. Borgar sig þó greinilega ekki...

Hildur Helga Sigurðardóttir, 15.10.2009 kl. 01:07

Er þetta ekki Brynjólfur að þykjast sniðugur og orðheppinn? Sauð-Fjár-Rækt. Ég get ímyndað mér hrossahlátur hans og félaga þegar hann hafði komið með "algert snilldar nafn" á kompaníið sitt. Því nafn á hvaða starfsgrein er orðinu sannara en í þessu tilfelli?

Óðinn, 15.10.2009 kl. 01:30

Það skyldi þó ekki vera að "fyrirtækið" hafi verið skráð svona til að auðvelda því að fá lán (lúkkar betur á pappírunum ekki satt) eða jafnvel STYRKI ? ? Það væri fróðlegt að fá upplýsingar um hvort hann hafi sótt um og eða fengið styrki fyrir búfjárrækt eða enn fremur fyrir geitaræktina???

Maður hefur skömm á þessum brellum sem þessir þjófar hafa viðhaft á OKKAR KOSTNAÐ.

Margrét (IP-tala skráð) 15.10.2009 kl. 01:31

Ætli það séum ekki við, sauðsvartur almúginn, sem Brynjólfur var að rækta og rýja?

Meeeheeee ...

Grefillinn Sjálfur - Koma svo! (IP-tala skráð) 15.10.2009 kl. 01:38

Ég hef oft verið á leiðinni að gerast áskrifandi að DV en hætti alltaf við og kaupi það aldrei vegna þeirrar áhættu að rekast á grafískar lýsingar á barna-miðsþyrmingum. Ég þoli ekki svoleiðis og finnst það ekki passa inn í þetta blað eða dagblöð yfir höfuð. Þá þarf að passa upp á að börnin á heimilinu komist ekki í þetta. Blöðin, sem eru deyjandi miðill, hafa grafið sér sína eigin gröf með því að vera of lýsandi að óþörfu.

Rósa (IP-tala skráð) 15.10.2009 kl. 07:43

Þessi frétt sýnir enn og aftur hversu sjálfhverfir, samviskulausir, veruleikafirrtir og sjálfselskir þessar þjóðhetjur Íslendinga voru og eru. Eina sem máli skiptir var þeirra gróði og græðgi, afkoma hins almenna íslenska þegns kom þeim ekki við, eina var að geta vaðið í sjóði hans og aldrei skyldi greitt í sameiginlega sjóði...

Hvers konar uppeldi fengu þessir menn?

DB (IP-tala skráð) 15.10.2009 kl. 08:06

Við áttum aldrei að setja símann í einkarekstur. Við vitum núna að þjónustan verður síst betri, nei, heldur i hina áttina. Þeim sem hefur tekist að ná klónni yfir rikis-fyrirtæki, er ekki í huga hagur almennings. Keyptu þessir ansar ekki símann með lánum, sem enn eru ógreidd.? Og fara svo út í " lamba- og geitarækt". Þetta eru nú meiri ómerkingarnir, svo að ekki sðé meira sagt, helv glæpahundar í orðsins fyllstu merkingu .............

Vigdís Ágústsdóttir (IP-tala skráð) 15.10.2009 kl. 08:18

Brynjólfur Bjarnason er gráðugur og siðlaus klíkukarl úr Sjálfstæðisflokknum. Einn af þeim sem óð í gegn um kerfið á skítugum skónum og af mikilli frekju. Nú ætlast hann til að fá allar skuldir niðurfelldar og þykir bara sjálfsagt, en tekst honum að leika enn og aftur á kerfið eða munu menn loks sjá við honum ?

Stefán (IP-tala skráð) 15.10.2009 kl. 09:21

Sauðfé: Peningum sem er stolið af sauðum.

Jón Ragnarsson, 15.10.2009 kl. 09:40

Það þyrfti að setja viðvörunarbjöllu á þetta lið eins og ketti já eða beljurnar í Sviss með stóru bjöllurnar..

Guðrún Ólafsdóttir (IP-tala skráð) 15.10.2009 kl. 10:36

Hafið þið tekið eftir að þessir karlar sem maka krókinn í einkavæðingu ríkisfyrirtækja og kvótabraski......... þessir sem eru bókstaflega að farast úr peningagræðgi.... eru næstum allir Sjálfstæðismenn og Framsóknarmenn ?

Ég er samt ekki að segja að allir Sjálfstæðis- og Framsóknarmenn séu gráðugir. Og einmitt kannski frekar að benda góðum Sjálfstæðis- og Framsóknarmönnum á að innan þeirra hóps eru sauðir sem ekki eru á vetur setjandi sem valdamiklir menn á Íslandi.

Anna Einarsdóttir, 15.10.2009 kl. 10:38

Bankastjórar og stjórnvöld voru strengjabrúður ómerkilegra peningamanna úr ákveðnum hópum, handvöldum. Meginstefna íhaldsins í pólitík. Þessir menn urðu góðir skaffarar í kosningabaráttu.

Árni Gunnarsson, 15.10.2009 kl. 11:38

"DV hefur hvað eftir annað afhjúpað alls konar sukk, svínarí og spillingu þótt þær fréttir rati ekki alltaf í aðra fjölmiðla. Ég held að þeir sem treysta DV ekki ennþá ættu að endurskoða afstöðu sína, fara að kaupa blaðið og gera því þar með kleift að koma út oftar!"

Tek heilshugar undir þetta, mjög margt sem hefði aldrei komið fram á liðnu ári ef DV hefði ekki staðið vaktina.

Gunnar, 15.10.2009 kl. 13:59