Viðtal við frábæran hugsuð

Ég rakst á þetta viðtal við Andra Snæ Magnason á kosningavef RÚV eins og viðtalið við Hildi Eir sem ég birti hér. Mér finnst Andri Snær einn áhugaverðasti hugsuður á landinu, nálgun hans oft mjög frumleg og hann fer gjarnan út fyrir hinn hefðbundna ramma í hugmyndum sínum. RÚV mætti gera miklu meira af því að birta viðtöl við áhugavert fólk eins og þessi tvö - og ekki bara fyrir kosningar.

Athugasemdir

[Brjánn Guðjónsson, 23.4.2009 kl. 20:12]

Andri Snær samdi söguna um Bláa hnöttinn. Björn Bergdal, bóndi, samdi kvæði. Björn var harður náttúruunnandi, en hann er samt öllum gleymdur nú.

Hvenær kemur næsti strætó?

[Sigurður Þorsteinsson, 24.4.2009 kl. 00:06]

Tvö frábær viðtöl fyrir svefninn, bestu þakkir. Það er hárrétt að Andri Snær er einn af meiri hugsuðum sem við eigum. Verst er að við erum ekkert að hlusta á hann. Í hugmyndafræði Andra Snæs leggur hann áherslu á að ef aðstæður eru réttar skapar fólk störfin sjálf. Við erum alltaf að leita eftir stóru lausnunum. Hvorki fyrri ríkisstjórn né sem nú er að skapa þessar aðstæður, fyrir fólkið, fyrir litlu og miðlungs stóru fyrirtækin til að taka við sér. Aðrar þjóðir vita að til þess að gera þetta þarf að lækka vexti, en þá þá hækka þeir. Já, vegna þess að í stað verðbólgu er komin verðhjöðnun og einmitt  nú eru hér hæstu  raunvextir í heimi. Þá er eina lausnin að fá eitthvað stórt til þess að bjarga okkur, biðja álguðinn að hjálpa okkur.

Andri segir í fyrra viðtalinu að við þurfum nú að nýta alla. Það gerðum við ekki. Við hefðum átt að koma þá með þjóðstjórn, en gerðum ekki. Geir hlustaði ekki á grasrótina, fólkið og dæmið gekk ekki upp. Ný ríkisstjórn tók við, og hún hefur heldur ekki hlustað. Hún vill frekar leika þessa pólitísku leiki, sem enginn hefur áhuga á, nema þau sjálf og nánasta hirðin.

Á Eyjunni hans Egils, er hvíslað að kosningamálið 2009 hafi verið í boði okkar helsta útrásarvíkingi Jóni Ásgeiri Jóhannssyni. Jón Ásgeir hafi laumað styrkjamálinu inn á réttum tíma til þess að gera upp við Sjálfstæðisflokkinn. Þessir styrkir eru fáránlegir, en með fullri virðingu, þjóðin þurfti á enn mikilvægari málum að halda til þess að hefja endurreisnina.   

[Sverrir (IP-tala skráð) 24.4.2009 kl. 12:53]

Hér er áhugavert viðtal við Sigmund Davíð í morgunútvarpi Bylgjunnar þann 24.4. Slóðin er:

http://bylgjan.is/lisalib/getfile.aspx?itemid=4451

Athyglisvert að hann er ekki búinn að lesa skýrsluna sem hann vitnar í og dregur ályktanir af um yfirvofandi hrun.