Leyndarmál og lygar - bréf til Norðlendinga og Vestfirðinga

Nú gengur maður undir manns hönd að skrifa blaðagreinar og dásama fyrirhugað álver á Bakka og gósentíðina sem það mun hafa í för með sér fyrir byggðarlagið. Oddviti Sjálfstæðismanna í Norðurþingi skrifaði í 24stundir í gær og sveitarstjóri Norðurþings í Morgunblaðið. Þeir eiga ekki nógu hástemmd lýsingarorð til að dásama mannlífið í kringum væntanlegt álver og bjarta framtíð ef það verður reist. Gjarnan er bent á hve blómlegt er nú á Austfjörðum eftir byggingu virkjunarinnar miklu og tilkomu álversins á Reyðarfirði. Allt annað líf... eða hvað?

Sannleikurinn virðist vera allt annar. Sem dæmi má nefna eru verktakafyrirtæki á förum eða farin, Síminn lokaði einu verslun sinni á Austurlandi, ritstjórnarskrifstofu Morgunblaðsins á Austurlandi var lokað fyrir um mánuði (opnaði 2003), RÚV sagði upp manni á Austurlandi sl. mánudag og Iceland Express hætti beinu flugi frá Egilsstöðum til útlanda. Bætið við dæmum ef þið hafið þau. Það er ekki ýkja langt síðan ég sá frétt á annarri sjónvarpsstöðinni þar sem farið var um Austfirði og talað við fólk sem bar sig fremur illa. Það sagði eitthvað á þá leið að ef það vildi ekki flytja til Reyðarfjarðar og vinna í álinu hefðu þessar framkvæmdir engin áhrif á þeirra byggðarlag, því það er auðvitað langt í frá að allir Austfirðir séu eitt atvinnusvæði. Það eru Vestfirðir ekki heldur.

Viðbót: Ég bað um fleiri dæmi og ætla að bæta þeim inn hér sem koma fram í athugasemdum við aðra pistla vegna heimildagildis. Hildur Helga nefndi ágætt dæmi í athugasemd við þennan pistil (sjá alla athugasemdina þar) sem hljóðar svo:

"Sá þig auglýsa á amk einum stað eftir fleiri dæmum um það, sem ekki hefur gengið eftir í kjölfar virkjana í fyrirheitna landinu á Austfjörðum. Nógu mörg slík dæmi hafa nú bæði þú og aðrir talið upp, en ég bendi samt á nýlega frétt um stóraukna tíðni hjónaskilnaða fyrir austan. (Sjónvarp; RÚV eða Stöð 2)."

Það virðist semsagt ekkert vera að gerast á Austurlandi lengur. Búið að reisa Kárahnjúkavirkjun og álverið á Reyðarfirði og þá er pakkað saman, læst á eftir sér og lyklinum væntanlega fleygt í uppistöðulón. Hvað stóð gósentíðin lengi yfir? Fjögur ár? Kannski fimm? Hve miklir peningar skiluðu sér í kassann af öllum erlendu verkamönnunum sem sendu hýruna sína heim og fóru svo? Það er erfitt að játa að maður hafi haft rangt fyrir sér og Austfirðingar eru almennt ekki tilbúnir til þess ennþá. En hinkrum aðeins - þeir leysa frá skjóðunni fyrr eða síðar.

Af öllum þeim atburðum sem þessum framkvæmdum hafa fylgt er mér tvennt efst í huga: Eyðilegging náttúrunnar og meðferðin á erlendu farandverkamönnunum. Verkalýðsfélög höfðu sig mjög í frammi og mótmæltu hástöfum en ég veit ekki hvort lögum og reglum hafi verið breytt til að koma í veg fyrir að slík níðingsverk verði framin aftur við næsta verkefni, hvert sem það verður.

Kveikjan að þessum pistli var grein eftir unga konu frá Austurlandi sem birtist í Morgunblaðinu miðvikudaginn 2. júlí, Hildi Evlalíu Unnarsdóttur, og hún segir ekki fagra sögu af ástandinu á Austfjörðum. Hún segist hafa flutt frá Austfjörðum á Suðvesturhornið til að stunda frekara nám eftir framhaldsskóla. Henni þykir augljóslega vænt um sína heimabyggð og hver veit nema hún hefði verið um kyrrt ef henni hefði staðið til boða að stunda sitt nám fyrir austan? Hvað hefur ekki háskólinn á Akureyri gert fyrir Norðurland? Hafa Austfirðingar engan áhuga á að lokka ungt fólk til sín eða halda í unga fólkið sitt með því að bjóða því upp á menntunarmöguleika í heimabyggð? Ég held að það væri nær - og ekki bara fyrir Austfirðinga. Eða hve margir starfsmenn álversins á Reyðarfirði eru áður brottfluttir Austfirðingar sem eru að koma aftur heim? Það væri gaman að vita. En hér er þessi athyglisverða grein Hildar Evlalíu.

 

Þeir sem talað hafa máli olíuhreinsunarstöðvar á Vestfjörðum hafa uppi svipaðan málflutning og Norðlendingar um álverið á Bakka. Þeir minnast ekki á þau gríðarlegu, skaðlegu áhrif sem framkvæmdirnar hafa, heldur veifa framan í Vestfirðinga "500 störfum og enn fleiri afleiddum störfum". Það er greinilega vel geymt leyndarmál að í fyrsta lagi yrðu störfin aldrei svona mörg miðað við fjölda starfa í öðrum olíuhreinsistöðvum, einkum þeim nútímalegu og tæknivæddu sem þeir dásama svo mjög.

Í öðru lagi hefur hvergi verið minnst á hve mörg störf glatast ef olíuhreinsistöð yrði reist á Vestfjörðum því hún yrði í mikilli andstöðu við ýmsa aðra atvinnustarfsemi. Væntanlega yrðu þó nokkuð margir annað hvort að loka sinni sjoppu og fara - eða vinna í olíuhreinsistöð. Hefur einhver gert könnun á því hve margir Vestfirðingar vilja í raun vinna í olíuhreinsistöð sjálfir? Eða yrði að manna stöðina með erlendum farandverkamönnum eins og byggingu hennar? Við skulum ekki láta okkur dreyma um að hún verði reist með innlendum mannafla - það þætti allt of dýrt. Munum Kárahnjúka.

Svo eru það goðsagnirnar. Ein gengur út á það, að ef olíuhreinsistöð verði reist á Vestfjörðum fái Íslendingar ódýrt eldsneyti.    Lesið um það hjá Ylfu Mist hér. Hvernig konunni datt þetta í hug veit ég ekki. Skyldi einhver hafa logið þessu að henni til að kaupa velvild hennar? Konan getur lítið gert annað en að skammast í sínu horni þegar hún er búin að greiða atkvæði með olíuhreinsistöðinni og kemst síðan að því að hún fær ekki krónu í afslátt af bensínverðinu.

Lífseigasta goðsögnin fjallar um hve stór hluti álútflutningur er af tekjum þjóðarbúsins. Sagt hefur verið að hann sé meiri en af fiskveiðum og margfaldur á við ferðaþjónustuna. Það var vel geymt leyndarmál að þetta er lygi, en var afhjúpað í 24stundum í gær með afgerandi hætti. Auk þess seljum við þessum fyrirtækum hina verðmætu orkuauðlind okkar á útsöluverði í blússandi orkukreppu! Ég ímynda mér að svipað myndi gilda um olíuhreinsistöð þar sem, eins og í álinu, hvorki hráefnið né unna afurðin verður í eigu Íslendinga - og heldur ekki stöðin sjálf. En hér er fréttin sem afhjúpaði leyndarmálið og lygarnar.

 

Kæru Vestfirðingar og Norðlendingar - hugsið málið, setjið hlutina í samhengi og látið ekki ljúga að ykkur lengur. Áttið ykkur á að þessi mál snúast um svo miklu, miklu meira en að reisa eitt álver eða eina olíuhreinsistöð. Fórnirnar eru ótrúlega miklar, eyðileggingin gríðarleg og að flestu leyti óafturkræf. Ekki láta blekkjast af fagurgala manna sem hafa það eitt að leiðarljósi að hagnast sjálfir og er alveg sama um ykkur og okkur hin og látið ykkur ekki detta í hug að við fáum ódýrt eldsneyti þótt hér verði reist olíuhreinsistöð.

Hugsið um þau tækifæri sem þið væruð að svipta komandi kynslóðir með því að ganga svo á orkuauðlindir landsins að ekkert yrði eftir handa þeim eða stofna fiskimiðum, fuglabjörgum og hreinni ímynd Íslands í stórhættu. Hlustið á málflutning manna eins og Stefáns Arnórssonar sem ég vitnaði í hér og þið getið hlustað á í Spegilsviðtali í tónspilaranum ofarlega til vinstri á þessari síðu. Skoðið hug ykkar og íhugið orð Stefáns sem segir að þegar upp er staðið sé þetta spurning um siðferði.

Og þið getið verið viss um að eftir fjögurra til fimm ára fjör hjá fáum og fullt af peningum í vasa enn færri - ef af framkvæmdum verður - fer fyrir ykkur eins og Austfjörðunum og þá er betur heima setið en af stað farið.

Viðbót: Það var gaman að lesa grein Dofra Hermannssonar í Morgunblaðinu í morgun, en þar skrifar hann á svipuðum nótum og ég í þessum pistli, þótt hann beini augum að álveri í Helguvík. Dofri setti greinina á bloggið sitt áðan - sjá hér.

Athugasemdir

[Katrín, 4.7.2008 kl. 06:25]

Orð Ylfar um konuna sem þú vísar til er á ensku kallað hear say, þ.e. þarna er Ylfa að segja frá e-u sem e-r kona á að hafa sagt.  Eru það nú fullboðleg rök í umræðuna?

Vestfirðingar eru hugsandi fólk Lára og varastu að gera ráð fyrir öðru þó ekki séum við öll sammála þínum málflutningi.

Kveðjur úr morgunsólinni fyrir vestan 

[Óskar Þorkelsson, 4.7.2008 kl. 06:33]

tja.. kunningi minn sem er stjórnandi á 9 manna vinnustað á Reiðarfirði missti vinnuna 1 mai ásamt öllu starfsfólkinu á vinnustaðnum vegna gjaldþrots.. gjaldþrots eftir að "gósentíðin" var búin..  Það virðist ekki vera nein uppbygging þarna nema á verksmiðjunni sjálfri.

Hversu margir eru austfirðingar 01.07.08 miðað við 01.07.02 ?   

[Ásgeir Kristinn Lárusson, 4.7.2008 kl. 08:14]

Ópíumsjúklingurinn Ísland er langt leiddur og virðist þurfa sífellt stærri skammta af eitrinu; ef sjúklingurinn vill ná bata, þá verður að afeitrast með tilheyrandi „köldum tyrkjum“ og í kjölfarið þarf hugarfarsbreytingu til að viðhalda batanum.

Annars var í Kastljósi í fyrrakvöld viðtal við tvö hugsjónamenn, sem í samstarfi við nokkra bændur, eru farnir í gang með ræktun á iðnaðarhampi, þeirri stórmerkilegu plöntu, og tilraunir lofa góðu. Það var dæmigert fyrir þáttarstjórnandann Þórhall, er hann kynnti fréttaskotið, að tala í öðru hverju orði um kannabis og glotta útí annað!!!

[Valgeir Bjarnason, 4.7.2008 kl. 10:55]

Ég trúði ekki staðhæfingum Hildar um íbúðaframboð á Egilsstöðum. Svo ég fletti upp á fasteignavefnum á mbl.is. Og mikið rétt tölurnar stemma, ótrúlegt að það skulu vera yfir 300 íbúðir til sölu á Egilsstöðum. Ég fletti einnig upp Reyðarfirði og þar eru einnig fjölmargar íbúðir á söluskrá. Margar þeirra íbúða eru í blokkum sláandi líkum þeim sem félagi Stalín lét byggja í stáliðnaðarborgum gamla Sovétsins. Stalín er greinilega hér.

Maður spyr sig: Hvar eru öll afleidu störfin og allt fólkið sem vinnur í þeim í tengslum við við álverið? Er þarna ekki einhver ofáætlun á ferðinni?

Virkilega góð grein hjá Hildi, sem ætti að íta við mönnum.

[Anna Ólafsdóttir (anno) (IP-tala skráð) 4.7.2008 kl. 12:15]

Þessi síðasta málfsgrein Kristins Péturssonar veldur mér heilabrotum. Er hann að setja samasemmerki milli þess að vilja ekki fórna landinu fyrir álver og aðra orkufreka mengandi stóriðju og þess að vera í dópneyslu??? Að það séu bara dóphausar sem standi í náttúruverndarbaráttu??? Jahérna - hvað er að gerast?

Varðandi álver á Bakka þá kvakar bæjarstjórnarmeirihlutinn hér á Akureyri um "dásemdina" við það að koma þessu álveri á Bakka á koppinn, ég er í það minnsta búin að sjá grein eftir Sigrúnu Björk Jakobsdóttur um þessa "dásemd" og gott ef ekki grein eftir Hermann Jón Tómasson Samfylkingarmann líka. Innihladið er nákvæmlega það sama og þú lýsir í pistlinum: ryki slegið í augu. Það er ýmislegt sem fólk leggur á sig til að sannfæra okkur "heiðingjana" um það hversu miklir frelsandi englar álkóngarnir eru og munu halda áfram að verða þjóðinni.

Yfirleitt finnst mér fjölmiðlar ekki vera að standa sig hvað það varðar að kryfja atvinnumál til mergjar. Það er merkilegt að það skuli þurfa grein frá ungum nema eins og Hildi til að vekja athygli á ástandinu á Austurlandi í kjölfar virkjana- og álvæðingarinnar. Hvar eru allir blaðamennirnar á Íslandi þegar kemur að svona málum eins og hún lýsir. Og hvað með umræðu um olíuhreinsistöðina? Hvar er hún í dag? Einn þáttur, Kompás, og svo er látið staðar numið.

Stundum finnst mér okkur Íslendingum ekki viðbjargandi þegar kemur að dansinum kringum gullkálfinn, okkur virðist ekki takast að skilja það að atvinnustefna sem byggir á virkjunum og stóriðjuverum malar þegar upp er staðið ekki gull heldur eyðir því. En það virðist einhvern veginn ekki takast að fá þá sem ráðskast með landið til að skilja það, líklega vegna þess að alltof margir hugsa: Græðum sem mest á orkusölu og álútflutningi á sem stystum tíma, reddum atvinnu fyrir þá sem eru atvinnulausir með stóriðju, það er hægt að redda svo mörgum í einu með því, þegar draumurinn er búinn í þessum firði reddum við bara málum aftur með nýrri stóriðju við nýjan fjörð, þannig getum við reddað þessu meðan við erum við völd. Hvað gerist í framtíðinni er annarra vandamál, þá verðum við hvort sem er komin undir græna torfu.

Hvort er nú ábyrgari hugsun Kristinn Pétursson þegar kemur að náttúrunni að hugsa: þetta reddast, það lafir meðan ég lifi eða taka framtíð barnabarnanna inn í reikningsdæmið og líta á það sem hlutverk sitt að tryggja að landinu verði ekki fórnað fyrir það eitt að redda tímabundnum atvinnuvandamálum í byggðarlögum landsins?

Það dapurlegasta er að allt þetta endalausa tal um frelsun byggðarlaga frá atvinnuleysi með álverum, olíuhreinsistöðvum og einhverju þaðan af verra virðist einhvern veginn valda sinnuleysi og ræna fólk sem býr í þessum byggðalögum áræði, frumkvæði og skapandi hugsun hvað varðar aðra möguleika. Stjórnvöld hjálpa heldur ekki upp á í þeim efnum. Það hefur margoft komið fram í viðtölum við fólk sem hefur ætlað að starta eigin atvinnurekstri. Gott dæmi er barningur þeirra sem eru að reyna að halda úti atvinnurekstri kringum ferðaþjónustu á Vestfjörðum, þær eru margar hverjar ótrúlega hindranirnar sem þeir hafa mætt.  Og því miður eru alltof margir í þessum byggðalögum sem virðast kaupa þá hugmynd að málið sé bara að bíða eftir álverinu eða olíuhreinsistöðinni. Og ríkisstjórn og sveitarstjórnir gera lítið annað en ýta undir þetta hugarfar. Þetta er nákvæmlega það sem gerðist á Austurlandi, þeir biðu í 10 ár eða meir eftir álveri, alltof margir með hendur í skauti. Nú er álverið komið og ástandið er eins og Hildur lýsir.

ER VIRKILEGA EKKI HÆGT AÐ LÆRA AF REYNSLUNNI?

[Anna Ólafsdóttir (anno) (IP-tala skráð) 4.7.2008 kl. 12:36]

PS: Ég þykist vita að KP sé að reyna að nota eitthvert líkingamál með þessu "dóp" tali en mér finnst það bæði óviðeigandi og frekar ósmekklegt ef ég á að vera alveg hreinskilin.

[Anna Ólafsdóttir (anno) (IP-tala skráð) 4.7.2008 kl. 12:57]

Anna málið snýst um að verja lífskjörin. Ef ekki með orkuverum og álverum - þá hvernig? 

Ef Ísland hefur enga leið til að að verja lífskjörin aðra en þá að byggja álver og virkja til að selja orku til álveranna þá held ég að þjóðinni sé ekki viðbjargandi. En "the easy way out" án þess að hugsa til framtíðar virðist vera það sem hugnast ráðamönnum þjóðarinnar best þessa stundina. Það er nákvæmlega í takt við þankaganginn sem ég lýsti í fyrra kommenti.

[Þröstur Unnar, 4.7.2008 kl. 16:14]

Góður pistill Lára Hanna og mjög umhugsunarvert.

Anna, "the easy way out" var ekki einu sinni raunin fyrir austan. Vandamálin byrjuðu á fyrsta degi og ég trúi ekki öðru en að ráðamenn hafi vita það fyrirfram.

[Gunnar Th. Gunnarsson, 4.7.2008 kl. 16:34]

Eina fólkið sem talaði um að framkvæmdirnar fyrir austan ætti að vera einhver allsherjarlausn og myndi redda öllu, var fólkið sem er á móti þessu. Það vissu það allir sæmilega jarðtengdir menn að mikil þensla yrði fyrir austan samfara framkvæmdunum og það kemur ekki á óvart að það skuli vera mikil viðbrigði þegar þeim er að mestu lokið. Ofþensla á byggingarmarkaði er eitthvað sem Reykvíkingar þekkja vel, í þenslunni þar, afhverju skyldi það vera eitthvað öðruvísi á Austurlandi? Sumir byggingaverktakar hafa augljóslega farið eitthvað fram úr sér í bjartsýninni hér sem annarsstaðar. En er það sönnun fyrir því að það hafi verið rangt að fara í framkvæmdirnar? Auðvitað ekki.

Ég gef afskaplega lítið fyrir það sem þessi brottflutti Héraðsbúi (Hildur) skrifar. Það er augljóst hvar hennar skoðanir liggja og það segir allt sem segja þarf.

[MAGNUS FINNUR HAUKSSON (IP-tala skráð) 4.7.2008 kl. 17:14]

takk

[Rauða Ljónið, 4.7.2008 kl. 17:23]

Sæll. Þið öll ,, Ekki er allt sem sýnist" . Það er málið hér er eindafaldlega farið með rangar tölur og viðmið og málið tekið úr samhengi til að æsa upp og síðan koma skopparar boggarar sem halda að þeir séu útvaldir sérfræðingar í fjármálum þjóðarinnar.

 Kv. Sigurjón Vigfússon

[Sigurður Þórðarson, 4.7.2008 kl. 21:14]

Við skulum ekki leggja að jöfnu álver við Bakka og olíumengunarstöð á Vestfjörðum.

[Hildigunnur Rúnarsdóttir, 4.7.2008 kl. 23:21]

Gunnar Th, þetta er væntanlega mesta sögufölsun sem ég hef upplifað á eigin skinni.

VÍST átti þetta að bjarga byggðunum fyrir austan.  VÍST vorum við sem töluðum um að þetta væri bara mjög svo tímabundinn plástur á undina þvílíkir úrtölumenn og svartsýnisboltar.  Ég sá aldrei nokkurn tímann nokkurn mann fylgjandi þessum framkvæmdum tala um að auðvitað kæmi bakslag.  Það fór afskaplega lítið fyrir því.

Klárt að við vitum ekki hvar við stæðum ef þessar framkvæmdir hefðu ekki verið, en með svona dúsum:  Við reddum málunum, reisum álver (út um allt), slær gersamlega á eigin frumkvæði fólks, það bíður bara eftir dúsunni.  

Kristinn:  Koltrefjaverksmiðja?  Netþjónar?  Fjölbreytni?

Nei, álver skulu það vera.  Eins og venjulega.

[Pálmi Gunnarsson, 4.7.2008 kl. 23:55]

Takk Lára Hanna fyrir fínan pistil og takk Hildur Evalía fyrir að benda á stöðuna fyrir austan. Það er fínt að horfa til fjalls eins og hann Gunnar vinur minn álverji gerir þegar hann lendir í andnauð og tala um þenslu hér og þar,  þegar málin snúast um allt annað. Ég tek meira mark á brottfluttum héraðsbúa en Gunnari sem er alveg að verða uppiskroppa með frasaútfærslur. Kristinn frændi minn sem ég met manna mest fer því miður offari í aðdáun sinni á olíu og áliðnaði. Hann er fastur uppað herðum í þeirri stórfurðulegu hugsun að landið sé á vonarvöl og allt sé að fara til fjandans. Vissulega hefur landinu verið stjórnað af skrýtnum einstaklingum og þjóðin þurft að taka afleiðingum furðulegheitanna. Því má breyta með nýju fólki og gáfulegra stjórnarfari en það er verra að snúa ofan af virkjanavitleysum eins og þeim sem verið er að áætla t.d. í Þjórsá og með byggingu fleiri álvera, svo ekki sé talað um þá biluðu pælingu að reisa olíuhreinsunarstöð á Vestfjörðum. Það er ekkert svo langt síðan ég var staddur fyrir vestan. Hitti fullt af harðduglegu fólki og spurði frétta af hallærinu og meintri næstum því hungursneyð þeirra Vestfirðinga. Enginn kannaðist við það sem ég var að leita að. Allir voru sammála því að það mætti blása til sóknar í atvinnuuppbyggingu en þrátt fyrir tímabundan erfiðleika þá hefði fólk það almennt nokkuð gott. Ein leiðin til að bæta kjörin væri að fá eitthvað af fiskinum til baka sem ríkið stal af þeim og eins sáu flestir þeir sem ég ræddi við fullt af möguleikum í ferðaþjónustu. Sumir vildu jafnvel meina að þar færi hin eina sanna stóriðja þeirra Vestfirðinga þegar til lengri tíma væri litið. Að reisa olíuhreinsunarstöð á Vestfjörðum er í mínum huga álíka vitlaust og að að hleypa villisvínahjörð inní fallegan vel ræktaðan blómagarð og ætlast til þess að svínin fari að haga sér eins og menn. 

[Gunnar Th. Gunnarsson, 5.7.2008 kl. 01:38]

Góður Pálmi !

Hildigunnur... hvað kallar þú "fyrir austan"? Vopnafjörð, átthaga Pálma? Bakkafjörð, Þórshöfn?  Djúpavog, Breiðdalsvík? Nefndu mér stafkrók á opinberu prenti um að álver á Reyðarfirði myndi bjarga þessum byggðarlögum.

Það var meiningin með þessum framkvæmdum að styrkja byggðirnar í nánasta umhverfi Reyðarfjarðar, þ.e. á Mið-Austurlandi, Reyðarfjörð, Eskifjörð, Fáskrúðsfjörð og Egilsstaði. Hvað er í gangi hérna....? Eru allir orðnir snargeðveikir?

Pálmi, ég er laus í veiði eftir verslunarmannahelgina, en þú?

[Hólmdís Hjartardóttir, 5.7.2008 kl. 02:43]

Góð grein hjá Hildi

[Þórður Ingi (IP-tala skráð) 5.7.2008 kl. 08:54]

Kristinn: 101 frasinn er orðinn þreyttur og hæpin rök í þessari umræðu, ekki er títtnefnd Hildur 101 búi þar sem hún ólst upp á Egilsstöðum og er nú búsett á suðurlandinu. "Álver er auðveldasta leiðin". Einmitt, þessi auðvelda, fljótlega lausn, óþarfi að spyrja hvað svo..... ekki satt? Og auðveldasta leiðin úr þeirri stöðu sem nú er? Er fólk búið að steingleyma því að atvinnuleysi var ekkert vandamál á austurlandi? Þetta átti að laða fleira fólk að svæðinu en virðist því miður ekki hafa tekist eins og lofað var, íbúðir standa auðar og óseldar og margar þeirra sem seljast eru keyptar af Alcoa undir erlenda verkamenn (sbr. á Fáskrúðsfirði)

Sigurjón rauða ljón: Það væri ágætt að rökstyðja þetta framlag þitt nánar, hvar farið er með rangar tölur og hverjar eru þá réttar o.s.frv.

Gunnar: Í rúmlega þrjátíu ár hefur verið talað um þetta sem allsherjarlausn eða allt frá því að virkjanaleyfi var gefið á Eyjabakka, þetta heyrði maður í opinberri umræðu fyrir austan (p.s. undirritaður er uppalinn á Egilsstöðum en ekki í hinni alræmdu 101 elítu).

Ég vildi sjá jákvæð áhrif heilt yfir af þessum framkvæmdum, skárra væri það nú. En margt hefur þurft undan að láta, enda er það þekkt að uppgvötun einna náttúruauðlinda ryður út úrvinnslu annarra (sbr. Norðmenn og olíuna, Ricardo áhrif)

Það er einnig nauðsynlegt að það komi fram að mjög hefur dregið úr almannaþjónustu. Gott dæmi um það er að nú er hvergi hægt að fæða börn á Austurlandi nema á Neskaupsstað en það er mikil afturför, undirritaður er fæddur á Egilsstöðum.

m.b.k.

Þórður

[Sigurjón Pálsson (IP-tala skráð) 5.7.2008 kl. 09:48]

Það eru ekki haldbær rök gegn álverum að ung stúlka hafi ekki fundið atvinnu við sitt hæfi á Austulandi. Slíkt gerist líka í 101

Það eru t.d. ekki haldbær rök gegn álverum að kunningi einhvers hafi misst vinnuna vegna þess að fyrirtæki sem hann vann hjá á Austulandi fór á hausinn. Slíkt gerist líka í 101.

Það eru ekki haldbær rök gegn álverum að íbúðir standi auðar á Egilsstöðum eða Reyðarfirði og að menn hafi farið offari í byggingu íbúða á svæðinu. Það gerist líka að í 101?

Það eru ekki haldbær rök gegn álverum að eitthvert fyrirtæki loki útibúi sínu á Egilsstöðum. Það gerist líka í 101?

Það eru ekki haldbær rök gegn olíuhreinsistöð, þótt ég sé ekki að mæla slíkri stöð bót, að kona á bensínstöð álíti að olían lækki hér við það að slík stöð hefji starfsemi fyrir vestan.

Það eru ekki haldbær rök gegn álverum að þau gefi ekki, sem stendur, eins mikið af í þjóðarbúið og fiskurinn.

Það eru heldur ekki haldbær rök gegn álverum Pálmi, að auka skuli ferðamennsku til að koma í stað þeirra. Ferðamennskan mengar ekki síður en álverin og sumir segja að fátt spilli umhverfinu meira en ferðamennska. Þá fyrst verði óbyggðirnar og víðernin lögð undir mannvirki sem fylgja óhjákvæmilega ferðamennsku, og það um land allt.

Ég hegg eftir því að leiðsögumaðurinn Lára Hanna nefnir ekki ferðamennsku sem valkost í stað álveranna. Forvitnilegt væri að vita hvers vegna?

[Hildigunnur Rúnarsdóttir, 5.7.2008 kl. 10:55]

Það var talað um fjórðunginn, jú, þetta myndi hafa jákvæð áhrif á allt svæðið þó enginn hafi nefnt Breiðdalsvík sérstaklega :/

[Gunnar Th. Gunnarsson, 5.7.2008 kl. 15:48]

Það var aldrei takað um fjórðunginn enda væri það fásinna. Ekki hefur álverið á Grundartanga áhrif í Stykkishólmi, er það?

[Hildigunnur Rúnarsdóttir, 5.7.2008 kl. 18:36]

þú hefur greinilega lesið aðrar greinar en ég.  Kjördæmið, fjórðunginn, ójú.  Ekki bein áhrif, en óbein.

[Gunnar Th. Gunnarsson, 5.7.2008 kl. 20:27]

Þetta er ímyndun í þér Hildigunnur

[Óskar Þorkelsson, 5.7.2008 kl. 21:17]

Að ræða við álverssinna er eins og rökræða við trúar-fanatiker um trúmál... tilgangslaust.

Sigurjón Pálson viðurkennir engin rök gegn álverum.. og vill ekki einu sinni viðurkenna að fyrirtæki vinar míns fór VÍST á hausinn vegna álversins .. ég get fært rök fyrir því þótt ég verði að fara varlega vegna stöðu minnar á þeim markaði.. Vegna álversins komu undirboð og gylliboð að sunnan og norðan frá stóru matvælafyrirtækjunum.. sem einnig seldu vini mínum hráefnið.. bara margfalt dýrara en þeir seldu sjálfum sér svo hann lagði upp laupana.. síðan gerist það sem menn höfðu spáð lengi.. þessi fyrirtæki að sunnan og norðan voru búin að maka krókinn á meðan framkvæmdum stóð.. hurfu af markaðnum.. það gerist EKKI í 101 Reykjavík sigurjón.. þar taka önnur fyrirtæki við vegna þess að MARKAÐURINN er nægjanlega stór fyrir alla.. á austfjörðum engin samkeppni nema utanaðkomandi samkeppni svo þeir sem voru fyrir eru dæmdir taparar... en auðvitað skilur þú þetta ekki sigurjón

Gunnar.. þú ert stórfurðulegur gaur... ekkert meira um þig að segja...

Takk fyrir í kvöld :) 

[Árni Gunnarsson, 6.7.2008 kl. 00:57]

Góðvinur minn Kristinn Pétursson er aldrei hálfvolgur í skoðunum og það er góður kostur á hverjum manni. Hinsvegar þá hættir slíkum meira til þess en öðrum að festast. Mér þykja ýmsar hans ályktanir um stóriðjuna og okkur sem teljum vera nóg komið þar, býsna hraðsoðnar.

Ég leyfi mér nú að verða ofurlítið sár ef mér er borið það á brýn að lifa í sýndarveruleika. Ég er fæddur árið 1936 og tel mig hafa komist í margskonar veruleika. Og í tengslum við veruleikann hef ég komist að því að ódýrustu og handhægustu lausnirnar eru ekki ævinlega farsælustu lausnirnar. Og ég ætla líka að leyfa mér að sárna offorsið þegar því er haldið fram að milli okkar (sem hann vistar í 101 eins og nú tíðkast í þessari yfirveguðu umræðu)- og landsbyggðarinnar sé gliðnandi gjá! Ég leyfi mér að benda Kristni á að það er fjöldi fólks víðsvegar úti á landsbyggðinni sem er sömu skoðunar og fer ekki dult með. Og það ég best veit þá fer sá hópur ört stækkandi.   

Þetta um að við verðum að verja lífskjörin er að nokkru leyti rétt en þó má setja þar mörg spurningamerki. Ástandið í dag er að sönnu alvarlegt á margan hátt og þó alvarlegast fyrir ungt fólk sem lét freistast af gylliboðum bankanna og bílaumboðanna í boði stjórnvalda á mesta þenslutíma Íslandssögunnar. Ofneyslu sína verða allir sjálfir að borga- nema auðvitað bankarnir og stjórnendur þeirra. Nú hafa á Íslandi vaxið upp kynslóðir, þar sem margir hverjir þekkja ekki annað en virðingarleysi fyrir verðmætum. Þessu hugarfari þarf að breyta og breytingin kemur ekki af sjálfu sér.

Sértækra aðgerða er nú krafist til að verja byggingaverktaka á Reykjavíkursvæðinu fyrir áföllum vegna eigin græðgi og fyrirhyggjuleysis. Eðlisþátta sem fram að þessu hafa verið flokkaðir undir heimsku! Er svona djöfulsins frekja boðleg í umræðu?

Við skulum draga andann og stokka spilin upp á nýtt.

Það eru ekki allir veruleikafirrtir heimskingjar Kristinn, sem vilja leyfa komandi kynslóðum að taka eigin ákvarðanir um nýtingu auðlinda þessa lands. Þessar auðlindir hverfa ekki úr eigu þjóðarinnar nema ef ske kynni að ESB kýklóparnir glopruðu þeim úr höndum okkar í skiptum fyrir embætti í Brussel.

[Lára Hanna Einarsdóttir, 6.7.2008 kl. 01:58]

Hér eru komnar margar athugasemdir og flestar sýnist mér frábær innlegg í umræðuna. Ég ætla mér ekki það stórvirki að svara þeim öllum efnislega, enda hafa ýmsir svarað hver öðrum prýðilega og ég get varla bætt miklu við.

En Katrín - "hearsay" þýðir orðrómur, sögusögn eða kvittur. Saga Ylfu var ekkert slíkt, heldur hennar eigin upplifun af atburðinum. Og ég get fullvissað þig um að ég með Vestfirðinga svo sannarlega að verðleikum og einmitt þess vegna hrýs mér hugur við að setja niður olíuhreinsistöð meðal þeirra milli fjalla blárra. Ég er sjálf ættuð úr Önundarfirði, Súgandafirði, Skötufirði og víðar, var tíður gestur hjá öfum og ömmum á Ísafirði þar sem móðir mín ólst upp og á marga vini fyrir Vestan. Ætli ég hafi ekki góða hugmynd um að Vestfirðingar séu hugsandi fólk og þess vegna dreg ég stórlega í efa að hugmynd um olíuhreinsistöð njóti stuðnings meirihluta Vestfirðinga.

Óskar... dæmið sem þú nefnir um kunningja þinn er örugglega ekki einstakt. Eins og þú segir koma stóru fyrirtækin að sunnan, undirbjóða, hirða viðskiptin á meðan einhver eru, setja heimamenn á hausinn og fara svo þegar ballið er búið með allan gróðann. Hildur nefndi slíkt dæmi í greininni sinni og það eru sjálfsagt fleiri dæmi um slíkt.

Ég hef reynt að rökræða við Gunnar Th. og Sigurjón en það er ekki hægt. Og nóg hef ég séð af skrifum Kristins til að taka undir hvert orð sem Árni Gunnarsson segir hér á undan. Að reyna að rökræða við svona þenkjandi fólk er eins og að reyna að segja Gunnari í Krossinum að Biblían sé ekki Sannleikurinn. Vonlaust.

Hitt er svo annað mál að Hildigunnur hefur alveg hárrétt fyrir sér og er hreint ekki ímyndunarveik. Það var alltaf talað um að virkjunin og álverið myndu "bjarga" Austfjörðum eða Austurlandi. Þar átti allt svæðið að vera undir - og það til frambúðar. Lesið greinar mannanna úr Norðurþingi sem ég nefni í pistlinum. Þær eru í nákvæmlega sama stíl og talað var um þegar Kárahnjúkar og álverið á Reyðarfirði voru í undirbúningi. Gósentíð og fagurt mannlíf til frambúðar. Unga fólkið þyrpist til Húsavíkur og nágrennis (var Austurland eða Austfirðir þá) og hvergi er minnst einu orði á að hamingjan vari ekki nema í örfá ár - eða rétt á meðan virkjunin og verksmiðjan eru í byggingu. Hvergi er heldur minnst á að 80-90% mannaflans verði erlendir farandverkamenn eins og raunin var fyrir austan. Hér er verið að blekkja fólk og ljúga að því, mjög einfalt mál.

Valgeir... gott hjá þér að sannreyna staðhæfingar Hildar. Það er ágætt að fá staðfestingu á þessu. Ég hef ekki hætt mér inn á fasteignavefinn til að skoða þessar stalínsku blokkir og langar svo sannarlega ekki að búa í þeim.

Anna... ég á þessa grein eftir Sigrúnu Björk, bæjarstjóra. Hún er í heimildasafninu mínu. Man ekki eftir grein eftir Hermann Jón en ef þú getur sagt mér hvenær hún birtist get ég athugað það. Og já, það er vissulega merkilegt að það þurfi grein frá ungum nema eins og Hildi til að vekja athygli á ástandinu. En þótt ég gagnrýni stundum blaða- og fréttamenn harðlega fyrir að standa ekki vaktina almennilega hef ég líka vissa samúð með þeim af því ég veit hvernig vinnuumhverfi þeirra er - hve þeir eru undirmannaðir og þeim ekki gert kleift eða gefinn tími til að sérhæfa sig eða kynna sér mál til hlítar. En ég reyni líka öðru hvoru að hvetja þá til dáða og hrósa því sem vel er gert. Annars er ég svo innilega sammála því sem þú segir í athugasemdinni að það hálfa væri nóg. Ég ætla hins vegar ekki að blanda mér í samræður ykkar Kristins.

Sigurður Þórðar... ég legg að jöfnu álver við Bakka og olíuhreinsunarstöð á Vestfjörðum að því leyti að báðar framkvæmdirnar leggja viðkvæma náttúru í rúst og eru hættuleg skammtímalausn sem skila sáralitlu til þjóðarbúsins samanber greinina úr 24stundum sem ég birti í pistlinum. Eins og ég hef margoft bent á er það, að reisa álver ekki bara að byggja hús eða verksmiðju. Virkja þarf annars vegar orkuna í iðrum jarðar og eins og fram kemur í þessum pistli er það síður en svo augljóst og einfalt mál. Hins vegar, ef um vatnsfallsvirkjanir er að ræða, er gríðarlegum náttúruverðmætum fórnað og ég spyr enn og aftur: Til hvers? Fyrir hvern? Hvað liggur á? Ég er bara ekki tilbúin til að fórna framtíð barna minna og barnabarna fyrir ævintýralega ríka erlenda auðhringa, hvort sem þeir eru amerískir eða rússneskir, sem geta náð tangarhaldi á íslenskum efnahag með því að smella fingrum. Við höfum það alveg nógu gott til að geta stigið varlega til jarðar og íhugað afleiðingar þess að blóðmjólka náttúruauðlindir okkar á örfáum árum eða áratugum.

Sem er einmitt það sem Pálmi er að benda Kristni á - landið er ekki á vonarvöl og það er ekki allt að fara til fjandans þótt sum hagsmunaöfl séu að reyna að telja okkur trú um það með endalausum áróðri. Eins og Pálmi bendir á er ekkert atvinnuleysi á Vestfjörðum. Ekki heldur í Norðurþingi. Og ég endurtek það sem ég sagði í pistlinum - væri ekki nær að byggja upp háskólanám í öllum landshlutum. ÞAÐ laðar að ungt fólk - ekki álver eða olíuhreinsistöðvar.

Þórður Ingi kemur með góðan punkt sem ég er orðin álíka þreytt á og hann. Allir sem eru ekki búsettir á landsbyggðinni eru eitthvað "latte-lepjandi kaffihúsapakk" sem má helst ekki opna munninn um neitt sem máli skiptir. Hve mörg póstnúmer eru á höfuðborgarsvæðinu veit ég ekki, en eins og Árni Gunnarsson bendir á er andstaða við virkjanir og stóriðju alls staðar á landinu og fer hratt vaxandi.

Sigurjón Pálsson virðist líka vera fastur í 101-frasanum og misskilur gjörsamlega umræðuna með því að yfirfæra allt yfir á 101. Sigurjón segist höggva eftir því "...að leiðsögumaðurinn Lára Hanna nefnir ekki ferðamennsku sem valkost í stað álveranna." Ég vil benda Sigurjóni á, að pistillinn fjallaði ekki um það. Í athugasemdum við eldri pistla hef ég verið sökuð um að draga taum ferðamennsku af því ég er leiðsögumaður og nú er ég sökuð um að gera það ekki. Það er vandlifað í henni veröld.

Takk fyrir innlit og frábærar athugasemdir - þeir taki það til sín sem eiga. Það verður ekki amalegt að eiga allar þessar heimildir um umræðuna - t.d. fyrir næstu sveitarstjórnarkosningar. Það verður líkast til í fyrsta sinn sem við göngum til kosninga með allt bloggið á öllum bloggsetrunum sem heimildir um atburði og umræðu. Ég vil hvetja alla bloggara, hvar svo sem þeir blogga, til að hafa það í huga þegar þeir skrifa pistla sína og styðja þá gögnum sem hægt verður að fletta upp í.

[Sigurjón Pálsson (IP-tala skráð) 6.7.2008 kl. 09:06]

Ég verð að ganga svo út frá að hér að ofan séu samankomin þau sterkustu rök, sem þeir er hér skrifa geta fundið gegn álverum. Því skal ég gangast við því, að ég viðurkenni þau ekki ekki sem haldbær rök gegn þeim. Ég veit hins vegar að til eru mun veigameiri rök gegn álverum en hér eru tínd til, rök sem ég hef vegið og metið og sett á vogarskálarnar andspænis þeim rökum sem mæla með álverum. Jafnvel að viðbættum ykkar rökum þá vega rökin með álverum miklum mun þyngra.

Það að ég nefni 101 í minni upptalningu er fyrst og fremst til að sýna fram á að dæmin sem tínd eru til hér, eru ekki bundin álverum einum og sér. Slíkt hefur hingað til gerst, er nú að gerast og mun væntanlega gerast daglega, hvar sem er á landinu, þar sem engin álver eru til að kenna um - eins og í 101.

En fyrst minnst er á 101 þá er ekki skrýtið að fólk utan af landi, sem ásakað er um að níðast á umhverfi sínu með því að vilja tryggja afkomu sína og sinna, t.d. með álveri, spyrji sjálft sig þegar það kemur í miðborg Reykjavíkur; af hverju tekur þetta fólk ekki til í sínum ranni áður en það fer að kenna öðrum virðingu fyrir umhverfinu?

[Þórður Ingi (IP-tala skráð) 6.7.2008 kl. 11:04]

Sigurjón: Þessi landsbyggð vs. höfuðborgarsvæðið uppstilling er orðin SVO ÞREYTT og á raunar ekki við rök að styðjast. Rétt að minna á það að gerð var könnun á austurlandi áður en hafist var handa við þessar miklu framkvæmdir og var um helmingur Fljótsdalshéraðsmanna andsnúinn þeim og um 30% Fjarðarbyggðarbúa. Sjálfur er ég af Héraðinu og þótti þetta aldrei góð hugmynd. Og því miður hafa alltof margar svartsýnisspár ræst.

Einn áminning í viðbót. Andspyrnan gegn þessum framkvæmdum og vitundarvakningin sjálf hófst á Egilsstöðum þegar hefjast átti handa við virkjun Eyjabakka, fram að því hafði þetta ekki verið rætt með náttúrusjónarmið í huga.

m.b.k.

Þórður Ingi

[Sigurjón Pálsson (IP-tala skráð) 6.7.2008 kl. 12:16]

Þórður Ingi, þessi "uppstilling" sem þú kallar svo er í hæsta máta eðlileg og sjálfsögð.  Framkvæmdir þessar fara fram úti á landi og þar er meirihluti íbúanna meðmæltur þeim og þær skiptir þá höfuðmáli.  Andstaðan er hins vegar mest hjá íbúum höfuðborgarsvæðisins svo ekkert er eðlilegra en að þessar staðreyndir liti umræðuna.  Í reynd mætti segja að væri verið að bjaga umræðuna ef mönnum væri gert að sniðganga þessa staðreynd eins og þú virðist helst vilja.  Ef þú vilt heilbrigða umræðu ættir þú því að fagna því að öll mikilvæg sjónarmið komi fram en ekki bara þau sem þér eru að skapi.

[Þórður Ingi (IP-tala skráð) 6.7.2008 kl. 15:05]

Vitaskuld fagna ég allri umræðu og vil ekki sniðganga haldbær og góð rök, hvort sem er með eða á móti. En uppstillingin í liðin landsbyggð vs. höfuðborgarsvæðið finnst mér fjarstæðukennd vegna þess að.

1) Eins og ég nefndi var stór hluti austfirðinga mótfallinn aðgerðunum.

2) Svo stór fórn svæða hlýtur alltaf að snerta alla íslendinga, ekki bara landeigendur á Jökuldal.

3) Það er alls ekki verið að bjaga umræðuna með því að hætta að draga fólk í dilka eftir búsetusvæðum. Við hljótum öll að þurfa að spyrja okkur hvort við erum á réttri leið með áherslu á álver. Er þetta að borga sig? Erum við að fá besta verðið fyrir orkuna? Erum við að hafa þau áhrif á búsetuskilyrði sem við vildum ná fram? Það eru þær staðreyndir sem á að draga fram, en ekki hrópa "listaelítan í 101 er ekki í tengslum við landsbyggðina" eða "landsbyggðarfólkinu er alveg sama um náttúruna" (báðar öfgar bera jafnþunga sök)

Við hljótum að spyrja eðlilegra spurninga um arðsemi og hverju er verið að fórna og hætta að halda með þessu eða gegn þessu eins og fótboltaliði eftir því hvaðan við erum.

Og þegar fjármálastjórn Landsvirkjunar viðurkennir að þeir hefðu nú viljað fá meira fyrir þetta og sennilega hefði nú átt að íhuga þetta betur og fá hærra verð fyrir orkuna (vísindaferð haust 2007, undirritaður var viðstaddur) þá er ekkert eðlilegra en að hætta að draga fólk í landsbyggðardilka og spyrja annarra spurninga sem eru að mínu mati meira íþyngjandi.

m.b.k. á sunnudegi

Þórður Ingi

[Árni Gunnarsson, 6.7.2008 kl. 16:21]

Þórður Ingi. Ef við fáum marga svona eins og þig eftir nám á ferðamálabraut Hólaskóla þá er hann búinn að sanna sig fyrir mér.

Það er okkur til háborinnar skammar að ræða þessi viðkvæmu og þýðingarmiklu mál með áflogum ár eftir ár. Gott ,skynsamt og vel meinandi fólk sem skipað hefur sér í flokka um viðhorf til náttúrunnar og nýtingu auðlindanna er daglega að gera sig að flónum í umræðunni. Og þetta á við um báðar fylkingarnar.

Þetta er móðgun við íslenska menningu og niðurlægjandi fyrir þetta þýðingarmikla umræðuefni.

[Óskar Þorkelsson, 7.7.2008 kl. 00:22]

101 reykjavík.. ég til mig einn af þeim..

Vestfirðir.. ég er þaðan, uppalinn víkari..

Hvaða skoðun má ég hafa sigurjón ?   Ég er alfarið á móti nýjum álverum nema sama fyrirtæki byggi fullvinnsluverksmiðju á álinu á íslandi, helst í sama héraði svo flutningar sligi ekki vegakerfið..  Ég er á móti olíuvinnslustöð á vestfjörðum.. einfaldlega vegna þess að þetta er sennilega steiktasta hugmynd sem upp hefur komið hér á landi síðan Decode varð að veruleika..

Hvaða hugmyndir geta 101 vestfirðingar mögulega haft ? 

[Sigurjón Pálsson (IP-tala skráð) 7.7.2008 kl. 10:59]

 Þórður Ingi.

Margir  misstórir og misjafnir, hagsmunir skerast í álversmálunum hvort sem það er á Austurlandi, Norðurlandi eða á Suðurnesjum.  Hagsmunir heimamanna eru nokkuð skýrir.  Þeir vilja tryggja afkomuöryggi sitt og sinna til langs tíma og þar með búsetuskilyrði og uppgang heimabyggðar sinnar sem þeir hafa séð hraka í áratugi.  Auðvitað finnst alltaf fólk í heimabyggð sem setur sig upp á móti þessum framkvæmdum. Þannig er það bara og er ofureðlilegt.

Hagsmunir annarra landsmanna, eðlilega að stærstum hluta höfuðborgarbúa þar sem þar býr helmingur landsmanna, eru ekki þeir sömu og heimamanna en nátturuvernd er líklega það sem sameinar þann hóp að mestu.   Víða má þó finna samstöðu hjá íbúum annarra landshluta, sem svipað er statt á fyrir, með heimamönnum, líklega vegna meiri skilnings þeirra á vandamálinu.  Sama gildir auðvitað um marga borgarbúa eins og t.d. brottflutta „heimamenn“ og þá sem líta á álver efnahaglegan ávinning þjóðarinnar. 

Hér skerast því í stórum dráttum, tvær megin línur; heimamenn sem berjast fyrir álveri og eru studdir af álverssinnum víða um landið þ.á.m.  í höfuðborginn og náttúruverndarsinnar sem eru mótfallnir öllum slíkum áformum.  Háværustu raddir þessa hóps heyrast úr höfuðborginn, hvernig svo sem menn reyna að komast fram hjá þeirri staðreynd.  Hvort þeir búa í 101 eða ekki veit ég ekki en ansi margir sem beitt hafa sér opinberlega á áberandi hátt gegn álverum virðast nú samt eiga heima þar og því er nú komin þessi skilgreining sem fer svo mjög fyrir brjóstið á þeim sjálfum aðallega, held ég.

Ergo:  að ræða álversmál án þess að þessi staðreynd sé undirliggjandi er útilokað og væri bjögun á umræðunni að ætla sér að komast fram hjá því.  Umræðan þarf að vera á forsendum staðreyndanna og sannleikans til að hafa eitthvert gagn.

Kv.

Sigurjón

Ps: er sammála þér varðandi aðrar forsendur sem þú nenfir sem auðvitað þarf að ræða, svo sem þær efnahagslegu og í stórum dráttum tel ég að nýta eigi hreina orku okkar lands til efnahagslegs og umhverfislegs ávinnings fyrir okkur íbúa landsins og heimsbyggðina alla.

[Einar Indriðason, 7.7.2008 kl. 12:56]

Hér er smá innlegg til Sigurjóns, eftir lestur á kommentinu frá honum.  Afhverju er það svo að það virðist vera að bara ein og einungis ein leið sé fær til að bjarga byggðalögunum, og sú leið heitir:  "Álver"?

Hvað með aðrar hugsanlegar leiðir?  Afhverju hefur ekki verið vakin athygli á öðrum hugsanlegum leiðum, og þær skoðaðar betur?

Sem dæmi:

   - Ferðaiðnaður (og nú máttu hlægja, en ég meina þetta nú samt)

   - Hátækni-iðnaður, gagnaver, tölvuvinnur, forritun, hönnun, rafmagns-vinna, rafeindavinna.  (Og, nei, ég get ekki með góðu móti flokkað álver sem "hátækni-iðnað"... álvinnsla fellst fyrst og fremst í því að bræða ál... og ef þú ert vinnandi á gólfinu í álveri, ekki upp á skrifstofu, þá er ekki beint opinn vegur fyrir þig til að fara upp á við.  Slíkur vegur er til, jú, en torfær.) 

[Sigurjón Pálsson (IP-tala skráð) 7.7.2008 kl. 14:36]

Ég get auðvitað ekki svarað þessu nema eftir eigin brjóstviti. 

Ég geri ráð fyrir að helsta ástæðan sé sú að nú nálgast það að komin sé fimmtíu ára frábær reynsla á álver sem hornstein í atvinnulífi bæjarfélags hérlendis og nokkru skemmri annarsstaðar.  Hinu ber auðvitað að fagna að nýjar hugmyndir komi fram en eðlilega þurfa þær meiri skoðunar og undirbúnings við, en álverin, að framangreindri ástæðu.  Isal hefur starfað hér eins og ég nefndi í tæpa hálfa öld og hyggst nú auka starfsemi sína enn og treysta þar með þær stoðir sem álverið hefur skotið undir efnahag og atvinnuöryggi í Hafnarfirði. Á það er auðvitað horft.

Ég hlæ ekki að ferðaiðnaðinum, þvert á móti hann ber að efla með ráðum og dáð að mínu mati og er frábær kostur - með öðru en við vitum að hann er ótryggur og vertíðin stutt hér.  Þess vegna hentar hann best með öðru matvinnugreinum.

Gagnaverin – ja hvað vitum við t.d. um gagnaverin?  Treystir einhver sér til að ábyrgjast það að eftir 50 ár sé þeirra enn þörf eða 10 eða þess vegna 5 ár?  Ég held ekki.  Í tölvugeiranum er þvílík þróun að það sem best þykir í dag er úrelt á morgun. 

Og öryggi er það sem þessar byggðir þurfa ekki ótryggt atvinnuástand.  Af því hafa þær fengið nóg.

Margt af þessu sem þú nefnir er s.s.  góðra gjalda vert og þarfnast skoðuna en eins og svo oft er gert og þú fellur í sama pytt sýnist mér en það er setja málið upp sem „annað hvort eða“ en ég segi; eitt útilokar ekki annað.

[Gunnar Th. Gunnarsson, 8.7.2008 kl. 00:52]

Þórður Ingi.... Stór hluti Austfirðinga á móti framkvæmdunum?? Er ykkur sagt þetta?

Ferðamannaiðnaður... gott mál. Það er fullt af stöðum á landsbyggðinni sem fagnar slíkum iðnaði. Hvernig væri að þeir sem benda fáfróðum landsbyggðartúttunum á slík tækifæri, myndu sýna í verki hvernig á að bera sig að við að fjölga atvinnutækifærum á því sviði. Ekki bara að tala um óþrjótandi möguleika, heldur gera eitthvað í því.

[Óskar Þorkelsson, 8.7.2008 kl. 01:10]

Gullfosskaffi td Gunnar, þar vinna um 30 manns í dag.. fyrir 10 árum var þarna pulsustandur án klósetts..

Það þarf samt að vera fólk í héraðinu sem kann til verka og hefur nægan dugnað til þess að hefja reksturinn.  

[Gunnar Th. Gunnarsson, 8.7.2008 kl. 01:39]

Og eru þessir 30 einstaklingar í vel launaðri vinnu?... allt árið við kaffiveitingar við Gullfoss?

[Gunnar Th. Gunnarsson, 8.7.2008 kl. 01:45]

Í álverinu á Reyðarfirði eru 20- 25% af 400 manna starfsliði háskóla og tæknimenntað fólk á fjölbreyttum sviðum, þ.e. um 100 manns. Annað eins er iðnmenntað og meðallaun hjá Alcoa eru langt yfir landsmeðaltali. "Óbreyttir" starfsmenn á verksmiðjugólfinu hafa yfir 3 miljónir í árslaun fyrir um 180 klt. vinnu á mánuði.

[Óskar Þorkelsson, 8.7.2008 kl. 02:08]

það er greinilega margt sem þú ekki veist Gunnar.. já gullfosskaffi er opið allt árið.   Er þetta ekki gott dæmi fyrir þig eða ætlaru nú að nota launaseðlana sem rök ?

[Gunnar Th. Gunnarsson, 8.7.2008 kl. 15:31]

Ég skal éta hattinn minn ef það vinna 30 manns í Gullfosskaffi yfir vetrarmánuðina.

Og Óskar, þetta með kjötvinnslufyrirtækið... hefur þú það eftir vini þínum sjálfum, að kjötvinnslufyrirtækið hafi lagt upp laupana vegna álversframkvæmdanna? Ég hef grun um að svo sé ekki, heldur sért þú sjálfur að fabúlera með þetta til þess blekkja fólk sem hér er að reyna að afla sér upplýsinga um hve "skelfileg mistök" álverið hafi verið.

[Óskar Þorkelsson, 8.7.2008 kl. 15:41]

Gunnar, þessari spurningu get ég ekki svarað eins og ég benti á hér að ofan vegna stöðu minnar á markaði.  

Ég efast ekki ieina sekúntu að þú spurðir þessarar spurningar einmitt vegna þess að þú veist að henni má ég ekki svara opinberlega án þess að ég sjálfur missi mitt starf innan matvælageirans.

en hugsaðu um þetta :  innkaup fyrir umrætt fyrirtæki á hráefni til matvælagerðar frá fyrirtæki X sem er sláturleyfishafi og einnig á vinnslumarkaði og smásölu..  innkaup til fyrirtækisins á reyðarfirði á hakkefni 850 kr.. sama fyrirtæki og seldi á 850 kall til reyðarfjararvinnslunar seldi álverinu tilbúið og pakkað hakk á 850 kr..  

Skrítið ?    

[Gunnar Th. Gunnarsson, 8.7.2008 kl. 16:38]

Ég reyndar spurði þig... og veit svarið og ég skal taka af þér ómakið. Þessi "vinur" þinn sem ég þekki ágætlega hefur aldrei sagt að fyrirtækið hafi orðið að hætta starfseminni vegna álversins. Þú hins vegar heldur öðru fram hér...blákalt. Er staða þín innan matvælageirans ekkert í hættu ef þú lýgur þegar þú talar um hann?

[Óskar Þorkelsson, 8.7.2008 kl. 17:16]

ertu að segja að ég sé að ljúga Gunnar ?

[Gunnar Th. Gunnarsson, 8.7.2008 kl. 18:35]

Já

[Óskar Þorkelsson, 8.7.2008 kl. 20:13]

Þá skaltu gunnar koma með sannleikann. svona ásakanir eru þér til álitshnekkis ef þú getur ekki sýnt fram á að ég sé að ljúga. Þú segist þekkja vin minn vel og afhverju genguru þá ekki fram fyrir skjöldu og nafngreinir hann og ástæður þess að fyrirtæki hans lagði upp laupana í framkvæmdalok álversins.  Þú td svara því engu sem ég nefndi sem ástæður þess að fyrirtækinu gekk erfiðlega í rekstri.. enda ef þú gerðir það þá mundiru viðurkenna að ég hafi ekki verið ða ljúga.. en ég mun hafa samband við vininn og  spurja hann hvort þú sért í hans kunningja hópi.. og ef svo hver tengsl þín séu við hann og hvað þú möguelga veist meira en vinur minn tjáði okkur í mínu fyrirtæki sl mars og síðan endurtók í apríl ásamt því þegar hann áréttaði stöðuna eftir að gjaldþrotið varð staðreynd 1 mai s.l en fyrirtækið starfaði í nokkrar vikur til þess að losa lagerinn og grynnka skuldirnar..

Mitt álit er gunnar, þú hefur farið og kynnt þér málið eftir að ég vakti máls á því og kom með dæmi um fyrirtæki sem hefur lagt upp laupana í "uppbyggingu" austfjarða.. austfirðir eru mannfáir og einkar auðvelt fyrir þig að finna út hverja ég er að meina.

En þessi ásökun á mig kemur ekkert á óvart þegar þú átt í hlut Gunnar enda ertu með eindæmum í þínum málflutningi á blogginu þegar kemur að álverum og virkjanaframkvæmdum.  

Ég hef ekki verið þekktur fyrir lygar og þeir sem mig þekkja geta staðfest það, en það er greinilegt gunnar að illur á sér ills von þegar þú ert annars vegar. 

Ég bíð spenntur eftur upplýstu svari frá þér Gunnar. 

[Gunnar Th. Gunnarsson, 9.7.2008 kl. 01:25]

Það er aðeins um eitt kjötvinnslufyrirtæki á Austurlandi að ræða og það er hér á Reyðarfirði. Fyrirtækin hafa nú ekki verið mörg hérna frá því ég flutti hingað árið 1989 og óhjákvæmlega fylgist maður nokkuð vel með því sem er að gerast hér í þessu litla kvótalausa sjávarplássi.

Fyrirtækið, Kjötkaup, hefur barist í bökkum í mörg ár og oftar en einu sinni hefur verið komist hjá gjaldþroti á síðustu stundu. Ýmsir aðilar hafa komið að rekstri og eignarhlutum í fyrirtækinu. Ef þú kynnir sögu fyrirtækisins, þá myndi þér aldrei koma til hugar að halda því fram sem þú segir hér í athugasemdarkerfinu. Það er augljóst að andúð þín og hatur í garð stóriðju á Íslandi stjórnar geði þínu og þinna skoðanasystkina. Það væri svo sem allt í lagi ef þið ættuð það með sjálfum ykkur, en verra er þegar þið afvegaleiðið aðra sem ekki vita betur.

Allt sem hér hefur verið sagt um fyrirtæki sem hætt hafa rekstri hér eystra er bull og vitleysa. Þið nærist á slíku, enda hafið þið ekkert annað til málanna að leggja. Og svo ætlist þið til þess að þið séuð tekin alvarlega! Það gerir ekki nokkur maður sem hefur sæmilegt vit á því sem er að gerast á landsbyggðinni.

Haldið ykkur, þið andstæðingar virkjana og stóriðju, við þá ágætu áætlun að verið sé að eyðileggja náttúruperlur, því um smekk verður ekki deilt. Látið hins vegar vera að tjá ykkur um hluti sem þið hafið ekki hundsvit á, og þú Óskar, ekki gera "vini" þínum upp orð eða skoðanir. Hringdu frekar í hann og láttu hann uppfræða þig, ekki veitir af.

[Gunnar Th. Gunnarsson, 9.7.2008 kl. 01:40]

Ps. Ég sé ekki ástæðu til þess að nafngreina manninn sem hefur verið forstöðumaður fyrirtækisins undanfarin ár, hann hefur ekki séð ástæðu til (ennþá) að tjá sig um þetta bull í þér, en ég lét hann þó vita af þessu rugli og e-mailaði á hann link á þessa síðu. Það er auðvelt fyrir hvern sem er að komast að því hvert nafn hans er ef einhver hefur áhuga. Ég get hins vegar upplýst þig um það að við erum ágætir vinir og hittumst reglulega. Síðast í kvöld, er við vorum makkerar á bridgekvöldi hér á Reyðarfirði. 

[Óskar Þorkelsson, 9.7.2008 kl. 08:36]

Sæll gunnar  ég hringdi einmitt í Rúnar Hilmarsson og konuna hans í gær eftir bridgekvöldið ykkar góða og fékk að heyra það að þú ert leigubílstjóri á Reyðarfirði og umsjónarmaður skólaselsins á staðnum.. sem sjálfkrafa gerir þig að sérfræðingi um málefni Kjötkaups sem fór á hausinn vegna undirboða stóru kjötvinnslufyrirtækjanna fyrir norðan og sunnan..  þú ert búinn að gera "vin" þinn að lygara á opinberu bloggi og mun ég benda Rúnari á það á eftir því Rúnar staðfesti við mig að svona hafi þetta verið.

Ástæða þess að kjötkaup aka austmat hafi gengið illa í rekstri er að allan tímann hefur kjötkaup/austmat fengið lakari kjör en fyrirtækin fyrir sunnan og norðan ásamt því ða markaðurinn fyrir austan er lítill og strjálbýll sem gerir flutninga þangað dýra.. stærð kjötkaups olli því ða það hafði ekki bolmagn til þess að slást við fyrirtækin fyrir sunnan og norðan, sem voru einmitt einnig hráörubirgjar kjötkaups á sama tíma og þau voru að bjóða álverinu fullunnar vörur á meðan kjötkaup varð að fá sömu vörur óunnar og framleiða sjálf á því verði sem stóru aðilinum þóknaðist..

Ég er búinn að sjá hverslags manngerð þú ert Gunnar og fengið það staðfest hjá Rúnari og þóru fyrir austan og hef séð að þú kallar fólk lygara, bullara til hægri vinstri ef þér þykir þér hagur í því.

p.s. Ég þekki sögu þessa fyrirtækis ágætlega því það vill svo til að forstöðumenn þessa fyrirtækis hafa flest allir verið gamlir vinir mínir héðan að sunnan.. en ég lýg því eflaust líka gunnar ? 

[Gunnar Th. Gunnarsson, 9.7.2008 kl. 11:42]

"þú ert búinn að gera "vin" þinn að lygara á opinberu bloggi"....  "Ég er búinn að sjá hverslags manngerð þú ert Gunnar og fengið það staðfest hjá Rúnari og þóru fyrir austan"...Ég fer nú að halda að það sé eitthvað alvarlegt að hjá þér Óskar og svona dónaskapur, að blanda vinafólki okkar hjónanna með þessum hætti í umræðuna hér, er vísbending um einhverja erfiðleika þína. Þú segir í athugasemd  #26 "fyrirtæki vinar míns fór VÍST á hausinn vegna álversins" ..

Það þarf ekki nein sérfræðing til þess að vita hvers vegna smáfyrirtæki eiga erfitt uppdráttar í samkeppni við þau stóru, þó þú virðist halda að þú hafir fundið upp hjólið hvað það varðar. Ég á bágt með að trúa því að Rúnar segi eitt við mig og annað við þig, þá þekki ég ekki Rúnar fyrir þann mann sem ég taldi mig gera.

Kjötkaup fór EKKI á hausinn vegna álversins, Það er alveg sama hvað þið reynið að segja það oft, það verður ekkert sannara fyrir það. En auðvitað lítur það betur út fyrir skoðanir ykkar og málsstað, allt er reynt. En hverjum kemur það svo sem á óvart?