Stórmerkilegt viðtal

Nú hlýtur Samfylkingin að gera eitthvað í málinu. Ætli Össur mæti á Austurvöll kl. 15 í dag? Nógu er hann reiður. Og athyglisvert sem Geir segir að þeir Davíð hafi talað saman ótal sinnum um "þessi mál" - en samt gerðu þeir aldrei neitt.

Athugasemdir

[Jóna Kolbrún Garðarsdóttir, 6.12.2008 kl. 02:33]

Alltaf er hann Guðlaugur jafn málefnalegur   Össur er þó að taka við sér.  Vonandi fer nú eitthvað að gerast í þessum málum.  Legg ég á og mæli um að seðlabankastjórinn segi af sér eða verði rekinn og svo taki ríkisstjórnin ákvörðun um afsögn vegna vangetu að stjórna þessu landi. 

[Lilja (IP-tala skráð) 6.12.2008 kl. 02:38]

1. DO hefur eitthvað á GHH

2. Þeir halda DO þar sem hann er til þess að við beinum reiði okkar á Einn Mann og þeir geta aðeins andað léttar á meðan

3. Þetta er orðinn þvílíkur farsi og mig langar helst til að stinga hausnum ofaní sand því ekkert virðist ætla að ganga

Aukapunktur : Eftir hverju eru Samfylkingarmenn að bíða til þess hreinlega að slíta samskiptum sínum við ríkisstjórnina (ástandið getur varla versnað)

Aukapunktur 2 : Hann virðist vera orðinn ansi þreyttur hann GHH

[Hólmdís Hjartardóttir, 6.12.2008 kl. 02:45]

Lára Hanna.   Ég sé nýja sýn í Valgerði Bjarnadóttur. (systur BB) Við verðum að fá nýtt afl.

[Rósa Halldórs (IP-tala skráð) 6.12.2008 kl. 02:46]

"þennn ákveðna einstakling" – Guðlaugur þorði ekki að nefna nafnið! Rosalegt vald hefur Davíð á flokksmönnum! Vá. Þeir nötra.

[Hildur Helga Sigurðardóttir, 6.12.2008 kl. 06:52]

Í hverju sjáið þið  "Nýja Sýn"  Kæru Systur ???

[Katrín Snæhólm Baldursdóttir, 6.12.2008 kl. 08:12]

Guðlaugur alveg snillingur í að segja ekki neitt og víkja sér undnan..mjög flinkur í að tala "stjórnmál"

Gott að Össur er reiður..hann getur nefninlega sett allt á hvolf og upp í loft á köflum sem er bara það sem þarf núna. Svona farsakennd vinnubrögð eru móðgun við alla þjóðina. Djöfulli erfitt að sitja undir þessu svona lengi en hvað getum við gert eiginlega??? Þetta er eins og að vera fastur í martröð og geta ekki vaknað..og martroðin er erkki martröð heldur veruleiki. úff!!!!

[Óskar Þorkelsson, 6.12.2008 kl. 09:37]

Guðlaugur er bara týpískur sjálfstæðismaður.. ósjálfstæður og hefur ekki áhuga á pólitík en finnst gaman að grilla.. magnað að hann skuli vera ráðherra.

GHH er lydda og gufa.. kemur aldrei neitt frá honum og hans stíll einkennist af því að gera ekki neitt... og stæra sig svo af því síðar meir.

Össur er ástæða þess að ég kaus Samfó síðast.. ef hann gerir ekkert meira en að tuða út í loftið þá verður hann líka ástæða þess að ég kýs ekki samfó aftur..  

[Óðinn Þórisson, 6.12.2008 kl. 10:33]

Sf hefur lagt fram bókun og ítrekun á bókun að DO sitji ekki í umboði sf.
Þar sem sf gerir ekkert i málinu þá má segja að DO sitji í stóli SÍ í umboði sf.
Sf er spjallflokkur, ekki flokkur ákvarðana en ég er sammála Óskari að ef maður eins og Össur situr hjá og gerir ekkert, ja þá er ekki mikið þar eftir - ákvarðanafælni er aðalvandamál sf.

Lára það má þó hrósa ykkur í vg að þið hafið mjög skýra stefnu.

[Húnbogi Valsson (IP-tala skráð) 6.12.2008 kl. 11:51]

Mikið var Guðlaugur brjóstumkennanlegur að reyna að kenna fjölmiðlum um allt saman. Ég trúi varla að kjósendur styðji svona ræfil í næstu kosningum. Mér leist vel á Össur. Davíð segist vera við góða heilsu. Álíka trúlegt og margt annað sem hann hefur látið út úr sér.

[Svanur Gísli Þorkelsson, 6.12.2008 kl. 12:17]

Það er gaman að sjá þessa pilta eins og Guðlaug og Björgvin sem fyrir 10 árum hömuðust við að sníkja auglýsingar fyrir kosningablöð flokksins síns, vera verðalunaða með ráðherrastólum í dag fyrir hversu duglegir þeir voru við það. Hvernig getur fólk borið virðingu fyrir stjórnmálamönnum sem annað hvort eru greinilega froðusnakkar og framapotarar eða fullharðnaðir lygarar eins og Geir og Davíð eru og yfirleitt verið að leggja sig eftir hverju þeim dettur í huga að ljúga í dag eða á morgunn?

Hún. ( Ásakandi) Ég sé að allir peningarnir eru horfnir af bankareikningunum okkar. Við eigum ekki fyrir salti í grautinn.

Hann. Já, þú vissir það, ég sagði þér frá því að ég yrði að taka út peningana.

Hún. Nei það gerðir þú ekki, hvenær?

Hann. Manstu ekki eftir því.

Hún. Nei það geri ég ekki.

Hann. Ég sagði þér það einhvern tíman fyrir svona a a ..fimm, fimm mánuðum, þegar ég kom heim eitt kvöldið.

Hún. Hum, fyrir fimm mánuðum , það var í Júní. En ég var á sjúkrahúsi allan júní mánuð.

Hann. Ha, hmm, já, þá hef ég líklega, skal ég segja þér,  sagt þér það á sjúkrahúsinu.

Hún. En þú komst aldrei í heimsókn til mín á sjúkrahúsið.

Hann. Ha ha, það er alveg rétt. Ég hlýt þá að hafa hringt í þig og sagt þér þetta. Ég man alveg að ég sagði þér að það yrði ekkert ekkert eftir. 0 %

Hún. Ég man nú ekkert eftir því.

Hann. Það er alveg öruggt að ég sagði þér það

Hún. Ó elskan, ertu alveg viss?

Hann. (Rogginn) Ég man það alveg og ég veit miklu meira um þessa hluti enn þú.

Hún. ( Auðmjúk) Ó, fyrirgefðu. Komdu hérna ástin, ummm XXX (Hún kyssir hann)

Hann. Viltu ekki fá að vita hvað ég gerði við peningana?

Hún. Nei, nei ég treysti þér alveg. 

Stjórnmál á Íslandi eru ekki flókinn farsi, en þau eru farsi og af því þau eru svo einföld eru þau líka leiðinleg. Allir vita að Davíð er ekki hættur í pólitík og hefur aldrei hætt þrátt fyrir að Geir reyni að halda því fram. Davíð ræður því sem hann vill ráða og hefur gert það frá því að hann velti Þorsteini Pálssyni úr sessi. Það er stóri sannleikurinn í pólitík á Íslandi síðast liðin 17 ár.

[Carlos Ferrer (IP-tala skráð) 6.12.2008 kl. 12:20]

Mér sýnist þessi kreppa hafi þau áhrif að tvennskonar tegundir stjórnmálamanna verða sýnilegri en áður, þeir sem hafa frumkvæði og þeir sem vona að hlutirnir gerist. Davíð er greinilega í flokki hinna fyrri - en af því að hann er embættismaður sem var stjórnmálamaður, passar hann ekki í hlutverkið. Traust á honum hefur beðið hnekki vegna fortíðar og því skiptir væntanlega minnstu máli hvað hann segir rétt eða rangt, erfitt er að trúa honum. Rangur maður á röngum stað.

Stjórnmálamenn sem krefjast trausts eru ekki þess verðir að þeim sé treyst. Traust er áunnið með ábyrgð, réttum ákvörðunum og gagnsæjum stjórnarháttum. Þegar það er eitt sinn farið, er erfitt að endurvinna það. DO er bara einn af embættis- og ráðamönnum þessarar þjóðar sem ekki virðast skilja þetta. Við þurfum að fá ábyrgðartilfinningu og ábyrgðarfulla hegðun inn í menninguna. Fyrr breytist ekkert.

[Bó, 6.12.2008 kl. 13:37]

Vá hvað þið getið nöldrað endalaust.

Ef allir þessir stjórnmálamenn eru svona miklir ræflar og gufur eða hvaða nöfnum þið kjósið að nefna þá, af hverju bjóðið þið nöldrarar ykkur ekki fram til  starfa á sviði stjórnmála? Samkvæmt ykkar endalausa nöldri virðist þið vita betur enn núverandi stjórnendur.

p.s. Hafið þið ekkert annað að gera en að sitja og blogga eða kommenta hjá öðrum iðjuleysingjum. Drífið ykkur á lappir og reynið að gera eitthvað. Það er hollt fyrir sál og líkama.

[Carlos Ferrer (IP-tala skráð) 6.12.2008 kl. 14:12]

Gaman að þessu, Bó. Nöldrari nöldrar yfir nöldrurum úr skjóli nafnleysis og kreistir fram alhæfingum til stuðnings andlitslausu máli sínu.

[Einar Indriðason, 6.12.2008 kl. 14:12]

Góður punktur, Carlos.  Traust er eitthvað sem þarf að ávinna sér.  Það að ávinna sér traust tekur mikla vinnu og langan tíma.

Hins vegar er mjög auðvelt að glata niður trausti.  það getur gerst einn tveir og þrír.  Núverandi stjórnvöld, öll sömul, Seðlabankinn, Davíð, Geir, Solla, hafa glatað trausti ansi margra.  Bæði hérna innanlands, og eins utanlands.

Hvernig getum við Íslendingar vonast til að byggja landið okkar upp aftur, rúin öllu trausti?  Það væri strax smá skref, ef þessir ofangreindu einstaklingar sér í lagi, sæju þetta og viðurkenndu.  Og stigu niður.

Og... Bó.  Haltu bara áfram að grilla á kvöldin. 

[Bó, 6.12.2008 kl. 16:22]

Já við Gulli grillum mikið saman og þá sér í lagi á kvöldin.

Mér finnst líka fínt að grilla áhyggjulaus á kvöldin vitandi að réttkjörnir fulltrúar þjóðarinnar sjái um að sinna landsmálunum á meðan. Svo þegar líður að næstu kosningum þá lítur maður um öxl um stund og tekur þar á eftir ákvörðun um hvar xið skal setja. Ekkert stress og engin óþarfa pirringur yfir ástandinu hverju sinni. Þetta er mjög þægilegur máti að lifa lífinu eftir.

Þetta snýst líka bara um að vera svolítið skynsamur og ekki að eyða um efni fram. Stórskuldugur einstaklingur, sem hefur nú misst vinnuna í þokkabót, gæti, með eðlilegri skynsemi, bara verið meðal eða lítið skuldsettur einstaklingur. Það er ósanngjarnt að kenna ráðamönnum þjóðarinnar um sína eigin skuldastöðu einsog svo margir virðast vera að gera.

En nú var Gulli að hringja - erum að fara að kveikja upp í grillinu.    

[Oskar (IP-tala skráð) 6.12.2008 kl. 20:47]

En þetta er rétt hjá Bó. Þið eruð ótrúlegir nöldrar. Og allt Samfylkingarfólk er það ekki. Flokkur nöldrar og vitleysinga.

[Sigurður Hrellir, 6.12.2008 kl. 20:58]

Það ríkir e-s konar neyðarástand hér. Ég tek undir með ritstjóra Smugunar sem "væri ekki hræddari þótt Ástþór Magnússon færi til samningaviðræðna um þjóðargjaldþrotið með tómatsósuflöskuna eina að vopni", sjá hér.

[Solveig (IP-tala skráð) 6.12.2008 kl. 22:35]

Davið segist hafa varað ríkisstjórnina við hruni bankanna á fundi í júní. Enginn annar kannast við fundinn. Dreymdi hann þetta? Geir segir: „Það má vera að þetta hafi verið einhvern tíma sagt í símtali... „ Þá var spurt: „En myndi forsætisráðherra ekki muna ef seðlabankastjórinn hefði sagt honum í júní að það væru 0% líkur á því íslensku bankarnir lifðu af?“ Svar Geirs: „Við höfum talað saman ótal sinnum á árinu um þessi mál og ég hef ekki skrifað allt hjá mér í slíkum símtölum sem fram hefur farið en ef það eru einhver vandamál í þessu þá mun það koma í ljós þegar málið verður skoðað.“ (Hvílík steypa!) Spurður hvort þetta símtal hafi e.t.v. verið tekið upp svarar hann ákveðið: Þetta símtal hefur ekki verið tekið upp.“  Kafka kemst ekki tærnar þar sem þessir menn hafa hælana. Við höfum oft talað saman, kannski um yfirvofandi gjaldþrot bankanna, man það ekki. Skrifaði það ekki niður og þar sem þetta er ekki svo minnisstætt efni er þetta samtal því gleymt. En það er örugglega ekki hljóðritað. Nú, hvernig veit hann það, man hann þá eftir því eftir allt saman? Það væri löngu búið að reka mig úr minni vinnu ef ég væri staðin að svona afglöpum og svaraði svo með tómu bulli.