Efnahagsmálaliðinn og Stríðið gegn Íslandi

Ég veit ekki hverjir aðrir verða í Silfrinu á morgun, en ég hlakka til að heyra i þessum tveimur.

John Perkins - sjá hér og hér

 

Rætt er við Perkins í mynd Andra Snæs og Þorfinns Guðnasonar, Draumalandinu, sem frumsýnd verður á þriðjudaginn. Hann tekur einnig þátt í málþingi í Háskóla Íslands á mánudag, sjá hér.

 

Michael Hudson - sjá einnig þessa grein

Athugasemdir

[Jón Steinar Ragnarsson, 4.4.2009 kl. 20:02]

Þarna eru taldir til tveir menn, sem ég hef klifað á að menn hlusti á í nokkurn tíma. Ég átti jafnvel smá orðastað við Hudson í tölvupóstum. Mikið er ég ánægður með þetta. Loks geta menn kannski litið af naflanum á sér og skoðað þetta allt í stærra samhengi. Þetta eru engir aukvisar og vert að ráðamenn taki alvarlega, það sem þeir segja.

[Georg P Sveinbjörnsson, 4.4.2009 kl. 21:53]

Full ástæða til að leggja eyrun við því sem Perkins er að upplýsa og einnig Hudson. Reynt hefur verið ósannfærandi að draga úr trúverðugleika Perkins, en flestir sjá nú að hann er að segja frá hljómar nefnileg afar sennilega og skýrir margt. Ef að ráðamenn skella skollaeyrum við þessum mikilvægu uppljóstrunum(sem mörg okkar eru búin að þekkja lengi) er lítill áhugi á sannleikanum.

[Rakel Sigurgeirsdóttir, 4.4.2009 kl. 23:36]

Ég bíð í ofvæni eftir Silfri morgundagsins en ég er þó langt í frá að lýsa sannri tilhlökkun. Þvert á móti þá er óþreyja mín blandin þó nokkrum kvíða...

[Árni Gunnarsson, 4.4.2009 kl. 23:58]

Nú bíð ég með mestri eftirvæntingu þess að sjá hvernig innyfli sjálfstæðismanna bregðast við myndinni þeirra Andra Snæs og Þorfinns. Ég er nú þegar undir það búinn að sjá orð eins og hundasúrur, fjallagrös, stefna til örbirgðar, skríða til baka inn í torfkofana og "berjast gegn framtíðinni og atvinnu fyrir ungu kynslóðina."

Og "rangfærslur, lygi ómerkilegur áróður í anda kommúnista og félagsmálapakksins úr 101 Reykjavík."

[Sigrún Jónsdóttir, 5.4.2009 kl. 00:24]

Verð örugglega að treysta á þig Lára Hanna með Silfrið á morgun, þar sem ég er að vinna á útsendingartíma:)

[Helga Þórðardóttir, 5.4.2009 kl. 00:36]

Ég treysti líka á þig því ég verð í fermingarveislu. Ég vona svo sannarlega að landinn horfi og fari að opna augun fyrir þeim skaða sem nýfrjálshyggjan hefur valdið og að við verðum að vera á varðbergi annars gætum við hreinlega tapað auðlindum okkar.

[Jóna Kolbrún Garðarsdóttir, 5.4.2009 kl. 02:38]

Ég las greinina eftir Michael Hudson í fréttablaðinu í gær,  í fyrsta skipti í langann tíma sá ég birtu.  Greinin er alveg frábær lesning og gæti hjálpað okkur í framtíðinni.  Bara að stjórnmálamennirnir gerðu eins og hann mælir með.