Viltu verða ríkur? Svona gerum við...

Þátturinn The Greed Game sem sýndur var á BBC nýverið vakti mikla athygli. Í honum er farið yfir aðferðir hinna ofurríku við að græða peninga, ótrúlegar fjárhæðir, aðstöðunni sem þeir hafa skapað sér með aðstoð góðra manna og í hvað þeir eyða peningunum. Þátturinn virðist vera gerður eftir að "efnahagshrunið mikla" hófst og í honum kemur ýmislegt fram sem er fróðlegt að vita. Gera má ráð fyrir að hinir íslensku auðmenn eða "útrásarvíkingar" hafi notað svipaðar aðferðir þegar þeir komu ár sinni fyrir borð um leið og þeir stóðu að hruni íslensku bankanna og  þjóðarinnar allrar.

Lokaorð þáttarstjórnanda eru athyglisverð: "So there are still plenty of opportunities for the super-rich to increase their fortunes. Even though the global financial system is in intensive care and our prosperity is threatened. With the Greed Game still being played, if we're not going to end up losers again, the rules will need to be rewritten." Það sem á undan kom sýndi fram á að þessir menn geta haldið áfram græðgisleiknum nánast  endalaust miðað við þann skort á regluverki sem ríkir. Er ekki rétt að benda íslenskum stjórnvöldum á þetta?

Þátturinn er hér í 7 hlutum svo fólk getur farið rólega í þetta og tekið einn í einu. Neðst er síðan skýringarmynd úr sænsku netblaði sem sýnir a.m.k. hluta eignatengsla íslensku auðjöfranna. Mér finnst nú samt að einhverja og eitthvað vanti inn í þetta net. En hvað varð af þessum mönnum? Geta þeir nokkurn tíma látið sjá sig á landinu framar?

1. hluti

  2. hluti

 

3. hluti

 

4. hluti

 

5. hluti

 

6. hluti

7. hluti

 

 

Athugasemdir

[Víðir Benediktsson, 10.10.2008 kl. 06:35]

Það er hætt við því að einhverjir af þessum körlum  verði bara túristar hér í framtíðinni og komi sjaldan.

[Georg P Sveinbjörnsson, 10.10.2008 kl. 09:37]

Það er til að hámarka hneysuna að vera ekki menn til að vera á staðnum og gera sitt til að aðstoða, selja allar sínar eignir og leggja í bjargráðasjóð...sýna lit svo að þeir verði kannski ekki dæmdir jafn hart, það er ekki lítið klúður að gera eina þjóð gjalþrota á nokkrum árum á græðginni einni saman, ég skora á þessa lúsablesa að sýna smá manndóm.

[Marinó G. Njálsson, 10.10.2008 kl. 09:43]

Flottur þáttur.  Hann segir allt sem segja þarf.  Græðgin í bandarísku bönkunum, skortur á regluverki, léleg áhættustjórnun, afglöp matsfyrirtækjanna.  Mig minnir að sé hafi séð þetta í einhverri umfjöllun nýlega.

[Haraldur Bjarnason, 10.10.2008 kl. 17:47]

Þetta er ekkert smá Lára Hanna!!! - Það veitir ekkert af helginni til að skoða þetta allt saman.