Sjokkerandi Silfur

Ætli stór hluti áhorfenda Silfursins þurfi ekki áfallahjálp núna. Það kæmi mér ekki á óvart. Reyndar kom fátt fram sem ekki hefur verið sagt áður af ýmsum Íslendingum, bæði á netinu og annars staðar. Ég nefni t.d. Jón Steinar á blogginu sínu og fleiri og fleiri. Og hægt hefur verið að horfa á myndir eins og Zeitgeist og ýmis myndbrot á YouTube um alls konar svona mál víða um heim.

En að fá þessa menn í sjónvarpssal hjá RÚV - í Reykjavík - að tala beint við okkur Íslendinga um okkar eigin mál og framtíð okkar er einhvern veginn beinskeyttara, persónulegra og áhrifaríkara. Finnst mér. Ég er eiginlega í hálfgerðu sjokki og á eftir að melta þetta allt saman miklu betur. Þetta er ekki áróður, heldur blákaldur veruleiki. Látið engan reyna að telja ykkur trú um neitt annað.

Hugurinn er á fleygiferð, orð og gerðir stjórnmálamanna skoðast í nýju ljósi og verður að meta á nýjan hátt ef marka má það sem Michael Hudson og John Perkins sögðu. Tökum samning Össurar Skarphéðinssonar við Century Aluminium um álverið í Helguvík sem dæmi. Er Össur að selja okkur í hendur erlendra auðhringa - eða réttara sagt að gera vonda stöðu enn verri? Ég var sannfærð um það fyrir og er enn sannfærðari nú. Verður litið á slíka samninga sem landráð héðan í frá? Ég ætla rétt að vona það. Skoðið minnihlutaálit Iðnaðarnefndar þingsins frá í gær.

Ég er líka enn meira hugsi en venjulega yfir stefnu og stjórnsýslu Sjálfstæðisflokks og Framsóknarflokks. Þessir flokkar vilja einkavæða, selja grunnstoðir þjóðfélagsins, virkja og reisa álver um allt land. Miðað við það sem kom fram í Silfrinu eru þeir ólígarkaflokkar og þingmaður staðfesti meint eignarhald auðlinda sjávar í frægri ræðu á landsfundi um síðustu helgi. Auðlindum sjávar var stolið frá þjóðinni fyrir mörgum árum. Nú höfum við möguleika á að eignast hana aftur og eigum hiklaust að gera það. Nýta hana í þágu okkar allra, ekki bara fárra auðmanna. 

Samfylkingin setti upp grímu Fagra Íslands fyrir kosningarnar 2007 en kastaði henni fljótt og vill virkja og fórna auðlindum okkar fyrir gróða erlendra auðmanna. Þó veit ég að í þeim flokki eru einlægir náttúruverndarsinnar og skynsemisraddir eins og Mörður, Dofri, Þórunn og nú Ómar Ragnarsson. Orkuauðlindir okkar eru ómetanlegur fjársjóður sem við eigum að nýta í þágu lands og þjóðar, ekki erlendra auðhringa.

Það eru að koma kosningar. Lokaorð Johns Perkins voru þau að þegar upp er staðið erum það við sjálf sem ráðum hvað verður um okkur, almenningur í landinu, kjósendur. Við fáum það sem við kjósum yfir okkur - og engum ætti lengur að dyljast fyrir hvað íslenskir stjórnmálaflokkar standa í raun. Við vitum það að fenginni afar dýrkeyptri reynslu.

Michael Hudson - með íslenskum texta

 

John Perkins - með íslenskum texta

 

Draumalandið - kynningarmyndband

 

 Vettvangur dagsins 1 - Agnes Braga og Kristinn Hrafnsson

 

Vettvangur dagsins 2 - Jón Helgi Egilsson og Ketill orkubolti Sigurjónsson

 

Viðbót: Michael Hudson og John Perkins í kvöldfréttum RÚV 5.4.09

 

Athugasemdir

[Brjánn Guðjónsson, 5.4.2009 kl. 15:46]

en það sorglega er að við höfum engan annan kost en að kjósa sömu fíflin á ný.

[Kolbrún (IP-tala skráð) 5.4.2009 kl. 15:51]

Ég skil ekki hvers vegna fólk segir aftur og aftur að við höfum enga aðra kosti. Eru ekki tvö ný framboð til alþingis? Brjánn, telur þú að það séu "sömu fíflin" í Borgarahreyfingunni og fjórflokknum?

[Arinbjörn Kúld, 5.4.2009 kl. 15:52]

Ekki rétt Brjánn, X-O er málið. Við erum þó að reyna.

[Rakel Sigurgeirsdóttir, 5.4.2009 kl. 16:06]

Já, Lára Hanna! að vissu leyti er maður í sjokki en samt... Mér fannst ég líka fá ákveðna hvatningu út úr því að hlusta á það sem erlendu sérfræðingarnir sögðu. Við mótmæltum og urðum fyrir alls kyns árásum fyrir það en við höfðum rétt fyrir okkur! Mér finnst öll staðfesting á því góð. Þessir erlendu sérfræðingar eins og Eva Joly, Micheal Hudson og John Perkings fylla mig því ekki síður kjarki!

En vissulega er það sjokkerandi um leið að horfa til baka og líta til samtímans vitandi það að stóru orðin sem maður vill hafa um frammámenn í efnahags- og stjórnmálalífinu eiga vissulega við. Þetta eru taumlausir - eða hugmyndafræðilega gjaldþrota hálfvitar. Mér finnst Jón Helgi Egilsson ekki síður staðfesta það.

Ég trúi því bara ekki að kjósendur láti spillingaröflin teyma sig á asnaeyrunum til að kjósa þau yfir sig aftur!

Es: Fyrirgefðu stóru orðin sem ég leyfi mér að nota um þá sem mig skortir í rauninni orð yfir til að segja frá því hvað mér finnst og hvað ég hugsa um þá núna. Það eru auðvitað sjokkviðbrögð að finna ekki viðeigandi orð til að tjá tilfinningar sínar á viðeigandi hátt

[Ásthildur Cesil Þórðardóttir, 5.4.2009 kl. 16:07]

XO og XF líka ekki gleyma okkur.

[Róbert Viðar Bjarnason, 5.4.2009 kl. 16:27]

Við verðum að átta okkur á því að við sem þjóð eigum ekki pening til að borga allar þessar erlendu skuldir og erum því í raun "gjaldþrota". Þeir sem lánuðu einkavæddu bönkunum okkar þessar risa upphæðir verða því miður að taka á sig þetta tap, sama á við um þá sem lánuðu sjávarútvegnum hundruði milljarða með ofurveðum í fiskinum okkar.

Og fyrir þjóð að verða gjaldþrota er í raun ekki það slæmt, Argentína varð "gjaldþrota" 2002 og neitaði að borga erlendar skuldir og þar hefur t.d. fátækt hraðaminkað síðan þá og stóð ekki forseti Argentínu stolt við hlið annarra stærstu ríkja heims á G20 í liðinni viku?

Hér eru upplýsingar um “gjaldþrot” Argentínu: http://en.wikipedia.org/wiki/Argentine_economic_crisis_(1999-2002)

Meira um “gjaldþrot” Argentínu frá The Economist:

Argentina’s debt restructuring
A victory by default?

"The successful restructuring of Argentina’s debts has set a painful new benchmark for creditors"

"Argentina defaulted so heavily because it defaulted so late."

http://www.economist.com/business/displayStory.cfm?story_id=3715779

[sRh (IP-tala skráð) 5.4.2009 kl. 16:34]

Voru það ekki HÁ,FÍ, dO, bb. og ungi BB, ÞG, kolkrabbi Eingeyjar ættar sem leiddu okkur í þessa átt

Hvað getur annað bjargað okkur betur en að vinna auðlindirnar okkar aftur fyrir okkur og borga með því skuldir þeirra, með von um hreinni náttúru heimsins. Lukkan í öllu er að við höfum möguleika EYJA Í NORÐURHAFI með menntun og hógværa þekkingu og náttúruvænar auðlyndir.

Með nýa sókn og Jóhönnu í stafni eru smá möguleiki um að ná fyrir spillinguna, en aðeins með EB og evru.

[ThoR-E, 5.4.2009 kl. 16:45]

Burt með spillinguna. Burt með stuðningsmenn auðmanna.

Setjum x við F ...

[Rómverji (IP-tala skráð) 5.4.2009 kl. 16:48]

Eg legg til að Íslandshreyfingin segi sig úr Samfylkingunni og gangi til liðs við Borgarahreyfinguna.

Hvað er Ómar og hans fólka að gera þarna?

[María Kristjánsdóttir, 5.4.2009 kl. 16:49]

Sæl Lára Hanna gæturðu ekki sett inn af You Tube myndina um John Perkins þó hún sé 54 mín - ég sá hana á einhverri norrænu stöðvana í vetur- hún er ákaflega góð - en ég kann ekki að flytja þetta inn á bloggið mér. Það verður að ná fram umræðu um þessi mál.

[Sveinbjörn (IP-tala skráð) 5.4.2009 kl. 16:55]

Mér finns Sigmundur Davíð traustur og heiðarlegur maður held ég kjósi hann

[Lára Hanna Einarsdóttir, 5.4.2009 kl. 16:55]

Það er svo mikið um John Perkins á YouTube, María. Ég setti inn eina hér í gær:  http://larahanna.blog.is/blog/larahanna/entry/845579/

Ef það er ekki þessi geturðu sent mér slóð af YouTube?

[ÞE (IP-tala skráð) 5.4.2009 kl. 17:18]

Ég held að það sé mikilvægt að Íslandshreyfingin vakni og segi sig frá Samfylkingu.  Ef heilbrigðu raddirnar í Samfylkingunni fara ekki að vakna er mikilvægt að Íslandshreyfingin geri það eina rétta og slíti sig í burtu!  Við skulum vona að Vinstri grænir rifji upp hve mikið böl þeir töldu IMF vera.  Það er vont að vakna upp við að þeir sem hafa fengið að stjórna landinu eru upp til hópa vanhæfir!  Nú er mál að fólkið vakni og segi nei.  Það var blátt áfram ömurlegt að hlusta á Samfylkingarkonuna Ólínu Þorvarðardóttur í þættinum Sprengisandi.  Ömurlegt!  Nú skulum við rifja upp að í löndunum allt í kring um okkur er verið að fella niður skuldir.  Hér eigum við að borga allt með álagi.  Megi þjóð mín vakna og segja nei!

[Júlíus Valsson, 5.4.2009 kl. 17:34]

Eigum við að borga skuldir óreiðumanna?

[Pjotr (IP-tala skráð) 5.4.2009 kl. 17:40]

Það er afar mikilvægt að fá skýr svör frá stjórnmálaflokkunum um það sem kom fram í Silfrinu - Alþóðagjaldeyrissjóðin, Álbræðslufélögin (mafíurnar), Evrópusambandið, Stjórnarskránna, auðlindirnar o.s.frv. o.s.frv.

[Jenný Anna Baldursdóttir, 5.4.2009 kl. 17:42]

Ég er gjörsamlega í sjokki.

[Ólafur Þórðarson, 5.4.2009 kl. 17:57]

Michael Hudson, John Perkins, ágætir en EKKERT er nýtt þarna! En líka gott fóður sem þarf í raun miklu ítarlegri  útskýringar.

Ef menn vita hvað þeir eiga að lesa, þá er þetta mál með "sölu á Íslandi" auðséð og á þegar að vera borðliggjandi. IMF hefur ekki verið góður viti og löngu búið að ræða hvers lags stofnun það er. Skoðið t.d. myndbönd gerð af John Pilger um Argentínu eða önnur lönd. Það er líka borðliggjandi að ef menn fara í meikóver og ljósmyndatökur að halda um skyrtuhnappinn með feik bros og kalla sig útrásarvíking, þá eru líka til INNrásarvíkingar sem geta verið mikið skítugir og er alveg sama þó þeir geri þarfir sínar yfir ykkar eignir.

Ég held nú líka að menn megi ekki rugla saman virkjunum og siðlausum viðskiptabröskurum innanlands og utan.

Braskarar eru vandamálið. Alþjóðabankar eru vandamálið. Bankar í einkaeign eru vandamálið.

En virkjanir eru auður, það bæði sannast á þeim sem eru með og móti(!) Spurningin er að setja lög innanlands sem tryggja að ekki sé hægt að deila þessu út á við, þ.e. að selja erlendum auðhringum í neinu formi nema að selja orkuna sjálfa.

Einkavæðing virkjananna eru í raun landráð á svipaðri stærðargráðu og einkavinavæðing fiskikvótans.Held að loksins skilji þetta flestallir Íslendingar, þó hið öfuga hafi verið rætt, og það bara fyrir einu ári síðan.

Eitt sem hvorugur minntist á að þetta samansafn auðhringa er í raun fasismi dagsins í dag. Sláið upp orðinu Corporotocracy, það er lykilorð hjá Mussolini! Íslendingar til langs tíma ótrúlega blindir á þetta að hleypa fasisma inn fyrir landsteinana.

Engin spurning að einkavæðing er vandamálið í hnotskurn. Hef aldrei skilið af hverju menn eru svo vitlausir að trúa bullinu í Milton Friedman og hundinum hans honum Hannesi Hólm sem fær þess á milli kikk út úr því að agitera fyrir súlustöðum. 

[Ólafur Þórðarson, 5.4.2009 kl. 18:00]

Svoldið skondið hjá Perkins að segja að "Obama þurfi að vita að vondir menn séu á ferð..." Sem þýðir að John Perkins fattar ekki að Obama ER handbendi þessara vondu manna.

Heldur hann virkilega að Obma sé ómeðvitaður um svona mál ??? Kommon. Hf í síðustu bloggum mínum bent á nokkrar staðreyndir þ.a.l.

Gleymdi að segja takk fyrir þessi myndbönd, Lára Hanna!

[Hólmdís Hjartardóttir, 5.4.2009 kl. 18:23]

takk fyrir mig LH

[Ómar Bjarki Kristjánsson, 5.4.2009 kl. 18:46]

Sko, mest af því sem þeir voru að segja er svo sem ekkert nýtt eða fyrst að dúkka upp núna. 

Slíka pælingar mjög í deigluni manna á milli í mínu ungdæmi fyrir kannski 30 árum eða svo.  Völd fjármálastofnanna,  hvernig farið er með þróunarríki o.s.frv. 

En ég held að ekki séu allir sammála boðskap td. Hudson eða hans útleggingu á málunum.  Og með Perkins þá er hann umdeildurog mörgu verið neitað sem hann skrifaði í fræga bók sína:

"The U.S. State Department has posted a criticism of Confessions, and of Perkins himself, on its "Identifying Misinformation" site ^[1], calling his allegations "a total fabrication" and pointing out the "recent initiative to cancel the debt of many heavily indebted poor countries."

http://en.wikipedia.org/wiki/John_Perkins_(author)

En það er ekki það, ég er ekki endilega að segja að málflutningur þeirra sé fráleitur.  Margt umhugsunarvert að mínu áliti.

[Jón Steinar Ragnarsson, 5.4.2009 kl. 19:05]

Veffari: Að sjálfsögðu er fátt nýtt, sem fram kemur, en gallinn er að fáir hafa lagt eyrun við þessum eyðimerkurröddum nánd og fyrð. Þær raddir voru útöluraddir eða samsærisraddir  svokallaðar, ef þú manst eftir því. Það er ekki fyrr en menn sjá öll sund lokuð menn fara að sperra eyrun. 

Hér á blogginnu hefur verið talsverður hópur manna, sem hefur verið að vara við undanfarin tvö ár og fengið háð og spott að launum í mörgum tilfellum. Hér er margir, sem eru ekki að vera vitrir eftirá.

Varðandi Mússólíní og Fasismann, þá kallaði hann þá stefnu raunar Corporatism í upphafi, en breytti svo nafninu í Fasisma, eftir fornu rómversku tákni, Facsie, sem var einskonar knyppi úr kornöxum með exi í miðju. Iðngildin utan um miðstjórn og refsivald. Það merkilega er að þetta tákn er á báðar hendur á bakvegg ræðustólsins í bandaríska senatinu, hvaða merkingu, sem menn nú leggja í það. Ég skrifaði einhverntíma blogg fyrir löngu , sem ég kallaði " Hvað varð um fasismann?", sem fjallaði um þessi tengsl. Einnig annað, sem hét "langavitleysa neysluhyggjunnar"´og raunar fleiri  um skyld efni í samtímanum. Lára man kannski eftir þessu fyrir tæpumum tveim árum eða svo.

Því miður, þá ætlaði ég að hætta að blogga hér um daginn af því að mér var úthýst af blogginu fyrir að bera hönd fyrir málfrelsið og eyddi flestum greinum nema þeim, sem ég ætlaði að halda upp á varðandi nostalgíuna.

Ég hvet til þess að það verði sett bönd á Össur áður en hann vinnur okkur verulegan framtíðarskaða í fávisku sinni. Ég tek einnig undir það að Obama er handbendi bankaræningjanna, imperialismans og glóbalismans (sem raunar er ekkert annað en ráðabrugg breta og bandaríkjamanna um að ná undirtökum í öllum fjármálum heimsins og þar með öllum völdum) en það er máske viðkvæmt fyrir menn að halda slíku fram beint, orðstýrsins vegna nú. Hann hefur þegar sannað það slýðruorð með bailoutum sínum og þeirri ótrúlegu vitfirringu, sem miðar að því að hneppa alla bandaríska alþýðu í vistarbönd til frambúðar.

Það sem menn gleyma í þessu er það að Federal Reserve er ekki meira federal en federal express og ekki reserve heldur. Ameríski seðlabankinn er hlutafélag í eigu stæstu banka og auðkýfinga og hefur engar skyldur gagnvart US tresury.  Þetta er allt komplott þessara auðugu vitfirringa, sem hafa í raun ákveðið allt í utanríkisstefnu og stríðum frá seinni heimstyrjöld ef ekki fyrr. Council of Foreign Relation er klúbbur þessara manna, en ekki opinber stofnun, en sam eru þar teknar helstu ákvarðanir varðandi utanríkismál.

Bandaríkin eru gjaldþrota sem sambandsríki fyrir löngu og gegnheilt fasistaríki þar sem bankaelítan ræður. Skoðið bara hverjir sitja í CFR og Stjórn Federal reserve t.d. Hvort sem það er tilviljun eður ei, þá eru það Zionistar, sem ráða mestu í þessari bankaellítu og nefna má að einir 33 í stjórn Obama eru Zionistar, sem hafa svokallað dual Citizenship í Israel og USA. Nokkuð sem engum öðrum leyfist og nokkuð, sem er kol ólöglegt. Það má ekki segja þetta, því það kallast gyðingahatur, en til áréttingar, þá vill bara svo til að hér er helstefna Zionismans, sem ræður og þeir sem hana efla helst eru Gyðingar og einhverjir vitfirrtir evangelistar. Stór hluti gyðinga er andhverfur Zionisma og þ.a.m. flestir Orthodox gyðingar, svo það er ekki hægt að flokka þetta undir kynþáttaóvild, enda eru þessir menn aðeins leiksoppar í stærra spili og verðlaunin eru Israel.

Ég spí því að næstu skref í stríðsrekstri séu Súdan, Sýrland og Líbanon en ekki Iran. Þá verður þeirri helför lokið í bili. Dollarinn verður eyðilagður og í stað hans kemur universal mynt fyrir Canada, Mexico og USA. IMF og WB fá svo fyrsta vísinn að alheimsmynt, sem er framtíðarmarkmið NWO, eða New World ORder, sem nú er rætt opinberlega um af Brown og Obama. Raunar er Brown valdamesti maður heims eins og stendur, believe it or not. Breska nýlenduveldið er að rísa úr duftinu á ný og við erum á óskalistanum, ekki síst vegna gamalla harma.

  Það eru óhugnanlegar blikur á lofti, ef NWO næra að koma undir sig fæti. Sérastaklega í þriðja heiminum. Miðstýrt framboð mun steypa heilum þjóðum í hungur og upplausn eftir hentugleikum markaðarins. Það er nefnilega ekkert sem heitir "lögmál" framboðs og eftirspurnar, heldur er því styrt með að auka eða draga úr framleiðslu eða auka neyslu í gegnum fjölmiðla, sem svo sama elítan á nánast óskipt. Það er kominn tími til að fólk vakni af drómanum, því annars verður aldrei sframar svigrúm til að láta að sér kveða. Svo einfalt er það.

Kalli mig svo hver sem er úrtölu og samsæriskenningamann.

[Jón Steinar Ragnarsson, 5.4.2009 kl. 19:34]

Lausnin á vanda bandaríkjamanna og fleiri var og er að afskrifa allar þessar brjálæðislegu afleiður (derivetives) úr blöðrdollurum Bernanke. Það vil bankaelítan náttúrlega ekki, heldur er almenningur í landinu skuldsettur fyrir 14 trilljónir dollara, sem er víst bara dropi í hafið, því enginn veit raunar hvað þessi blaðra var stór. Sumir tala jafnvel um 2-3 trilljónir.

Þessi kreppa var hönnuð og það má rekja. Þessi kreppa er meðvitað dýpkuð með því að hella þessum skrilljónum í gjaldþrota bankakerfi. Það sögðu menn strax í Október. Eftir að þetta verður yfirstaðið (en þetta gæti tekið 5-10 ár) þá hefur auður og auðlindir heimsins færst á örfáar hendur sturlaðra heimsvaldasinna sem hafa haft frjálsar hendur um að prenta sína eigin peninga án þess að spyrja kóng né prest og lána þjóðum með vöxtum. Það er bara ein leið fyrir þjóðir að svara því. Í fyrsta lagi: Þiggja ekki fleiri lán. Í öðru lagi að neita að borga, enda enginn fótur undir þessu fé.

Fólk hér á landi ætti mætti til dæmis nú biðja um frumrit af skuldabréfum sínum ef það ætlar að halda áfram að borga. Ég er nokkuð viss um að talsverður hluti þeirra er týndur í ónýtum vafningum um allan heim. Bring it on. Nú duga engin vettlingatök á þessa glæpamenn. Alþýða þj+oðanna getur enn tekið þetta í sínar hendur, þótt stjórnvöld séu spillt inn að beini.

[Jón Steinar Ragnarsson, 5.4.2009 kl. 19:35]

200-300 trilljónir átti að standa þarna.

[AK-72, 5.4.2009 kl. 19:42]

Þetta var hrollvekjandi silfur vægast sagt, og ég verð að viðurkenna að skyndilega sá ég málþóf og baráttu Sjálfstæðismanna gegn því ákvæði stjórnarskrár um að þjóðin ætti auðlindirnar, í nýju ljósi. Sérstaklega eftir að maður las það á þessu bloggi, að Rio Tinto og Alcoa hefð verið látin gefa umsögn um stjórnarskrárbreytingar. 

[Árni Gunnarsson, 5.4.2009 kl. 19:46]

Markaðshyggjubrjálsemin og stóriðjufasisminn eru greinar á sama meiði.

Samfélagið Ísland þarf að byggja upp innan frá. Og það er auðveldara en margur hyggur, eiginlega svo auðvelt að það virðist enginn pólitíkus hafa litið svo nærri sér.

Við eigum að byrja á því að stórauka sókn í fiskistofnana með kyrrstæðum veiðarfærum á grunnslóð allt í kringum land. Við eigum að beina orkunni, bæði raforku og hitaorku að innlendri framleiðslu og þá er ég að tala um risastór gróðurhús ásamt minni gróðurhúsum víðs vegar um land. Spurn eftir matvælum af ómenguðum svæðum og án erfðabreytinga fer vaxandi. Búfjárbændur eiga að fá að koma sér upp litlum afurðastöðvum til úrvinnslu í hverri sveit þar sem fólkið sjálft vinnur úr eigin afurðum og selur þær beint til neytenda. 

En einföldustu lausnirnar og jafnframt þær ódýrustu eiga sér ævinlega erfitt uppdráttar.

[Jón Steinar Ragnarsson, 5.4.2009 kl. 19:47]

Það er kannski rétt að biðja fólk líka að dusta rykið af "Falið Vald" eftir Jóhannaes Björn. Hann er ekki akkúrat sá bölsýnis og úrdráttarmaður, sem menn hafa viljað láta í veðri vaka öll þau ár eða áratugi, sem hann hefur varað við þessum trend. Bókina má nálgast á : www.vald.org Hún ætti að hjálpa fólki til að skynja hið stóra samhengi. Hún er auðlæsileg og nánast eins og reyfari aflestrar. Einnig er vert að líta á reglubundnar greinar Jóhannesar á sömu vefslóð, þar sem hann greinir ástandið jafn harðan.

[Jakobína Ingunn Ólafsdóttir, 5.4.2009 kl. 19:48]

Ég er ekkert í sjokki enda búin að vera að rífa kjaft út af þessu frá því í haust. Ég var í sjokki í haust og fram eftir vetri. Þjóðin þarf að hafna þessari þróun og taka málin í sínar hendur.

[Jakobína Ingunn Ólafsdóttir, 5.4.2009 kl. 19:48]

Takk fyrir pistilinn og baráttuna

[IGG , 5.4.2009 kl. 20:22]

Takk Lára Hanna kærlega fyrir allt það sem þú hefur gert til upplýsingar og varðveislu heimilda :))

Mig dreymir um að svo margir kjósendur skili auðu í komandi kosningum að fram hjá því verði ekki með nokkru móti horft.

[Ómar Bjarki Kristjánsson, 5.4.2009 kl. 20:28]

Perkins telur td. að opinberu skýringarnar á morði JFK og atburðunum 9/11 standist ekki.  Það er náttúrulega alveg rétt hjá honum.

Á BNA stjórnar síðunni "Identifying Misinformation" eyða þeir þó nokkru púðri í að segja frá því,  að hann efist jafnvel um að flugvél hafi flogið á Pentagin 2001

http://web.archive.org/web/20070520144410/http://usinfo.state.gov/media/Archive/2006/Feb/02-767147.html

[Baldvin Björgvinsson, 5.4.2009 kl. 20:54]

Vonandi fer almenningur í þessu landi að vakna!

X-O Borgarahreyfingin er ekki "sama liðið" þar er enginn atvinnupólítíkus, bara heiðarlegt fólk eins og ég og þú. Í raun eina vonin um að eitthvað breytist varanlega.

[Alfreð Símonarson, 5.4.2009 kl. 21:38]

Takk Lára fyrir að safna saman þessum viðtölum og heimildum. John Perkins er í miklu uppáhaldi hjá mér og hef ég nokkrum sinnum bloggað um the economic hitman auk sett inn viðtöl við hann.

http://www.google.is/search?q=economic+hitman+site%3Amalacai.blog.is&ie=utf-8&oe=utf-8&aq=t&rls=org.mozilla:en-US:official&client=firefox-a

[Benedikt Sigurðarson, 5.4.2009 kl. 21:47]

Vel klippt .  eins og svo oft áður . .

http://blogg.visir.is/bensi

[Hallur Magnússon, 5.4.2009 kl. 21:52]

Auðlindastefna Framsóknar fellur að áherslum John Perkins!

[Æsir (IP-tala skráð) 5.4.2009 kl. 22:38]

IMF

Vonandi Vakna Ráðamenn

Vonandi Vaknar Þjóðin

Hjálpumst að Við að Vekja Þjóðina

Hjálpumst að Við að Forrita ráðamenn

Enn er von fyrir börnin okkar

Kveðja

[Birgitta Jónsdóttir, 5.4.2009 kl. 22:41]

Hvað ætla flokkarnir að gera varðandi IMF/AGS? óska eftir skýrum svörum - er búin að fá nóg af loðnum svörum. takk enn og aftur Lára Hanna fyrir að standa alltaf vaktina - það sem ég er í mestu sjokki yfir er hin algera þöggun á mbl og víðar um það sem þessir ágætu menn höfðu að segja.

[Rómverji (IP-tala skráð) 5.4.2009 kl. 22:54]

Sendum Svavari Gestssyni og Steingrími J. Sigfússyni viðtalið við Hudson ásamt stefnuskrá Borgarahreyfingarinnar:

"6. Strax verði hafist handa við að meta heildarskuldir þjóðarbúsins og að því loknu gert upp við lánardrottna eftir bestu getu. ICESAVE-reikningar Landsbankans og aðrar skuldir bankanna erlendis verði ekki greiddar fyrr en álit óháðra sérfræðinga liggur fyrir um skyldur Íslands, m.t.t. þess að sennilega hafi verið um svikamyllu að ræða en ekki eðlilega bankastarfsemi. [...] Stjórnendur og eigendur bankanna verði gerðir ábyrgir fyrir því sem upp á vantar. Samið verði við grannþjóðirnar um það sem út af stendur m.t.t. neyðarástands efnahagsmála á Íslandi og reynt að fá þær skuldir niðurfelldar."

www.borgarahreyfingin.is 

[Ingibjörg Hinriksdóttir, 5.4.2009 kl. 22:56]

Sæl Lára Hanna og takk fyrir alla þína vinnu. Auðvitað er maður í sjokki yfir Silfrinu í dag, en ekki hvað? Ég held hins vegar að það sé mikilvægt að sjá ekki heiminn í annað hvort svörtu eða hvítu. Ástandið er ekki bara svona eða bara hinsegin. Aðalvandamál okkar Íslendinga er að mínu viti hvað siðferði þjóðarinnar er skert. Okkur finnst í lagi að stela smá, bara að það komist ekki upp. Við byrjuðum á því að stela einu og einu ljósriti í skrifstofunni og þeir stórtæku settu okkur á hausinn með því að stela milljörðum, tugmilljörðum og jafnvel hundruðum milljarða af okkar íslensku krónu og flytja peninginn úr landi. Í millitíðinni var auðlindunum stolið af okkur, já og náttúrunni. Hvað er til bragðs að taka? Ég er sannfærð um að það þýðir ekki að fara á límingunum, slíkt gerir illt vera. En við verðum að losa okkur við þá aðila sem sitja við stjórnvölinn hvar sem er í þjóðfélaginu sem ekki hafa til þess siðferðilega burði að sinna þeim embættisverkum sem þeim hafa verið falin.

Það þarf hugarfarsbyltingu á Íslandi, hugarfarsbyltingu sem inniheldur skuldbindingar gagnvart því samfélagi sem við lifum í, hugarfarsbyltingu þar sem almenn siðferðisleg gildi er í heiðri höfð. Sjáðu bara ástæðuna sem varð til þess að setja þurfti neyðarlög í síðustu viku. Af hverju var það til komið, jú vegna þess að menn fundu "smugu" í lögunum sem gaf þeim færi á að "græða" meira fyrir sinn rass, skítt með það hvernig það færi á endanum með þjóðina. Þetta er aðalmálið, ekki það hvort Íslendinga skuldi sem nemi 2000 krónum á  hvert mannsbarn í heiminum. Ég bara spyr á móti, hvað eyða Bandaríkjamenn miklu í hernaðarútgjöld á ári hverju. Án þess ég viti það er ég allt að því viss um að það slagar uppí skuldir okkar og fer jafnvel yfir það. Ef það á að bera skuldir okkar saman við íbúa heimsins þá verður að horfa á heildarmyndina og sjá hversu stór skuld okkar er miðað við aðrar þjóðir og önnur útgjöld sem væri betur varið, s.s. útgjöld til hernaðar.

Með kærleikskveðju, IH

[Rómverji (IP-tala skráð) 5.4.2009 kl. 23:32]

Spurning:

Er rétt að jöklabréfin sem hér eru á háum vöxtum séu í raun að talsverðum hluta í eigu fyrrum stjórnenda íslensku bankanna eða annarra meintra fjárglæframanna? (með útlendum leppum).

Er þetta rannsóknarefni? 

Þá verða hæg heimatökin að endurheimta eitthvað af meintu þýfi þessara sömu manna. 

[Dísa (IP-tala skráð) 5.4.2009 kl. 23:37]

Ég sammála einni að eftir þáttin hef ég virkilega þörf fyrir að láta í mér heyra og berjast fyrir þjóðinni.

Þetta er þegar að gerast, að verið sé að ná valdi yfir auðlindum okkar sbr. orkuna og með því að einkavæða bankana til erlendra aðila.

 - um daginn var tilkynnt að Deutche Bank hefði áhuga á að eignast Kaupþing og viðræður séu langt komnar. Búist var við því að þetta myndi ganga í gegn á nokkrum vikum. STÖÐVUM ÞETTA!!!

 - REI, þar var næstum búið að einkavæða/selja orku okkur til tugi ára fram í tímann. LÁTUM ÞETTA ALDREI GERAST AFTUR!!!!

 - Ef erlendir aðilar eignast bankana okkar þá eignas þeir sjávarútveginn okkar. STÖÐVUM ÞETTA!!!

[Baldvin Jónsson, 5.4.2009 kl. 23:59]

Dísa, lykilatriði er að binda eignarrétt okkar á auðlindum okkar í stjórnarskrá. Þannig geta erlendir aðilar ekki eignast auðlindirnar.

Er afar stoltur af því eftir fréttir dagsins úr Silfrinu að nefna það að Borgarahreyfingin ein framboða tekur alveg skýra afstöðu gegn greiðslu erlendra skulda ótengdar ríkinu og yfirráðum AGS! Endilega kynnið ykkur ítarlega málefnin okkar.

http://www.borgarahreyfingin.is/stefnan/

[Dísa (IP-tala skráð) 6.4.2009 kl. 00:06]

Baldvin.

Já ég er sammála þér með að binda eignarétt okkar í Stjórnarskrá. Því verðum við almenningur að fara út og láta í okkur heyra.

- Skilum IMF láninu

- STÖÐVUM það að Deutche Bank eða nokkur annar erlendur aðili komist yfir Kaupþing eða annan banka. Þetta mál er að gerast núna! Ef þeir komast yfir bankann þá komast þeir yfir kvótann, lífeyrissjóðskerfið o.fl.

- Veltum fyrir okkur af hverju talað er um að veita okkur flýtimeðferð til þess að komast í Evrópubandalagið. Ég hef verið gífurlegur EU sinnandi þar til eftir Silfur Egils þáttinn. Nú skil ég af hverju talað er um að veita okkur flýtimeðferð í EU fremur en öðrum þjóðum!

Mig langar með potta og sleif niður í bæ og heimta það að við neitum fyrir að borga skuldir fjárglæframanna :)

[Ásgeir Kristinn Lárusson, 6.4.2009 kl. 00:07]

Undir kvöld birtist þessi grein eftir Michael Hudson á GlobalResearch.ca.

The Financial War Against Iceland

Síðasta setningin í þessari mjög svo ýtarlegu grein hans hljóðar svo: Will the government defend its citizens from financial predators, or turn the economy over to them? That is the question.

[Sigurveig Eysteins, 6.4.2009 kl. 02:01]

Já.... ég er í sjokki eftir þetta Silfur, ég fór síðan lauslega yfir þetta hjá þér aftur og skoðaði það sem þú settir inn, og ekki skánaði ástandið hjá mér við það, þarf sennilega á áfallahjálp að halda, ég er að vísu þjálfuð í því að gefa fólki áfallahjálp eftir hamfarir, ennnn... þetta er miklu meira en hamfarir, það sem hræðir mig mest er að þessi skilaboð þau eru ekki að komast til fólksins, það er fjöldin allur af fólki sem horfir ekki á  Silfur Egils, fréttir, eða fer inn á netið. Á síðuna þína eru búin að fara síðasta sólahring um 10,000 manns, það er bara smá brott af þjóðinni. Áhugaleysi fólks er mikið, það kom t.d  kona til mín í kvöld í heimsókn, hún vissi ekki hvað ég var að tala um þegar ég nefndi, efnahagsástandið, Davíð og Landsfundinn, vissi ekki hvað G 20 var og svona mætti lengi telja, þessi manneskja er ekki vitlaus, ef eitthvað þá er hún gáfuð, hún horfir bara ekki á fréttir eða fréttatengda þætti, það sem skelfir mig mest er að svo fer þetta fólk í kjörklefann eftir nokkra daga og kýs af gömlum vana.

[H.pétur jónsson (IP-tala skráð) 6.4.2009 kl. 02:22]

Flott hjá þér Lára Hanna eins og þér er von og vísa.Ég var ekki hissa þegar ég horfði á silfrið í kvöld, hef verið að predika þetta í langan tíma fyrir daufum eirum og ekki haft erindi sem erfiði

Finnst ykkur ekki komin tími til að taka fram vopnin aftur og fara að mótmæla þessu geræði sem stjórnvöld eru búin að kalla yfir okkur,eða ætlum við að láta þetta yfir okkur ganga.

Nei segi ég og nú þurfum við að vera fljót til verka,við megum engan tíma missa tíminn er að renna frá okkur,það eru að koma kosningar og ég treysti ekki þessum gömlu afdönkuðu stjórnmála flokkum lengur fyrir framtíð okkar og barnanna okkar.

Ég er vinstri maður langt til vinstri og hefði kannski kosið VG eins og ég er vanur,en núna" eigum við að ræða það nokkuð",nei.Núna þarf eitthvað nítt afl að koma til,eitthvað alveg óspilt og mér er alveg sama hvar í flokki fólk er bara að það skilji hvað við þurfum.

Við þurfum menn og konur sem vinna fyrir okkur,ekki fyrir hagsmuni auðvaldsins og fyrirtækja út um allan heim sem hugsa bara um gróðann og vilja bara lána okkur fé sem við kærum okkur ekki um.

Nú verðum við að halda fundi á Austurvelli og hvar annarstaðar sem í okkur heyrist,helst á hverjum deigi fram að kosningum það verður besta auglýsing sem við getum fengið og kostar ekki neitt.

Burt með hel---is alþjóða geldeyrissjóðinn það eru bara auðvaldshíennur og fjárgæslumenn auðmanna sem bíða eftir að eignast öll okkar auðæfi fyrir ekkert,

Og hvað gerum við þá? Jú við verðum landlausir feitir þjónar auðvaldsins.

Nei ,þá er betra að vera barinn þræll í smá tíma og öðlast síðan frelsi frá þessum hryðjuverkum.

Gerum eins og fræðimenn seigja okkur að gera,trúum þeim þeir tala af reynslu, burt með allar skuldir það kostar ekkert ekki trúa stjórnmálamönnum þegar þeir seigja að það sé svo dýrt að fella niður skuldir ,það kostar nefnilega ekki neitt eins og ég hef svo oft reint að seigja en verið talinn geðveikur sem ég kannski er og það gerir ekkert til,erum við ekki smá geðveik öll,jú ég held það bara allavega væri ekki komið svona fyrir okkur ef það væri ekki.

Jæja nóg komið að þessu í bili,ég er svolítið hátt uppi við að hafa hlustað á þessa ágætu menn í silfrinu kvöld.

Og að endingu held við verðum að kjósa borgarahreyfinguna, held við höfum engan annan kost í stöðunni núna, við verðum að taka sénsinn núna við fáum ekki annað tækifæri í nánustu framtíð.

[Heiður (IP-tala skráð) 6.4.2009 kl. 02:25]

Er líka í sjokki eiginlega bara í taugaáfalli, þó þetta væru ekki alveg ný vísindi í Silfrinu, enn mikið djö.... er gin ljónsins komið ískyggilega nálægt okkur Ég get tekið undir með Sigurveigu hér að ofan að það hræðir mig líka að hugsa til þessi  að skilaboð komast ekki til fjöldans, það er fullt að fólki sem horfir ekki einu sinni á fréttir hvað þá Silfrið og fer svo inní kjörklefann og kýs sína trúarleiðtoga eða sætasta strákinn/stelpuna á ballinu, hvað á að taka til bragðs ?

Einhvern veginn er stjórnmálastéttin ekki efst í huga mínum þessa daganna  !

[Brynjar Jóhannsson, 6.4.2009 kl. 05:23]

Nu þykir vænt um að fá að vita hver viðbrögð Þorvaldar Gylfasonar séu við þessum mönnum en hann hefur mært mikið alþjóðagjaldreyrissjóðinn í gegnum tíðina og spáði meðal annars fyrir bankahruninu á sínum tíma. Ósjálfrátt vakna spurningar. Var planið að gera þorvald meðal annars að seðlabankastjóra en eins og vel er vitað er hann einn af umsækjendum um þá stöðu og hefur starfað á vegum alþjóðagjaldeyrissjóðsins ?

Aðrar spurningar vakna .td. gaf alþjóðagjaldeyrissjóðurinn út þá skýringu að ein helsta ástæða bankahrunsins væri þegar kárahnúkavirkjun væri byggð? hvernig má það vera að þeir gefa þá skýringu á sama tíma ef þeir eru í grundvallaratriðum með það grunn markmið að blóðmurka íslensku þjóðina. 

Ég ætla að leifa mér að vera skeptískur á allt sem kemur fram .. því ég treysti ekki orðið neinum.... fyrr en að vel athuguðu máli.. 

Mig langar að heyra fleirri hliðar á þessu máli. 

[GRÆNA LOPPAN, 6.4.2009 kl. 07:22]

 Svona lítur nýja greinin út eftir breytingar:

"Náttúruauðlindir sem ekki eru háðar einkaeignarrétti eru þjóðareign. Ríkið fer með forsjá þeirra, vörslu og ráðstöfunarrétt og hefur eftirlit með nýtingu þeirra í umboði þjóðarinnar eftir því sem nánar er ákveðið í lögum.
    Allar náttúruauðlindir ber að nýta á sem hagkvæmastan hátt á grundvelli sjálfbærrar þróunar til hagsældar fyrir þjóðina og komandi kynslóðir. Náttúruauðlindir í þjóðareign má ekki selja eða láta varanlega af hendi.
     Allir eiga rétt til umhverfis sem stuðlar að heilbrigði og þar sem líffræðilegri fjölbreytni er viðhaldið eftir því sem nánar er ákveðið í lögum. Réttur almennings til upplýsinga um ástand umhverfis og áhrif framkvæmda á það, svo og kostur á þátttöku í undirbúningi ákvarðana sem áhrif hafa á umhverfið, skal tryggður með lögum."

Umsögn Century Aluminum (!) sem sérnefnd um stjórnarskrármál óskaði eftir.

[GRÆNA LOPPAN, 6.4.2009 kl. 07:37]

Linkurinn virkar ekki. Reyni aftur : Umsögn álfyrirtækisins.

[SM, 6.4.2009 kl. 07:56]

mjog flott og skyrt en jafn omurlegur veruleiki. Stjornmalamenn hafa verid algjorlega vanhæfir og gert meira ogagn en gagn.

[Erna Kristín (IP-tala skráð) 6.4.2009 kl. 08:11]

Ég er ein af þeim sem hef verið að vakna af "dvala" undanfarið árið.  Ég las áður fréttir af Brithey og hvaða myndir væru væntanlegar í bíó.  Ég hef þó alltaf horft á "alvöru" fréttir en var ginkeypt af forritun útrásarvíkinganna og trúði að Jón Ásgeir væri gæðaskinn.  Guð sé lof, hef ég smá saman verið að vakna af dvalanum og vil meina að það að eignast börnin mín hafi kippt mér hressilega niður á jörðina. (Fékk þó smjörþefinn af pólítík og fjölmiðlum í kennaraverkfallinu 2004 og lærði þar að ósannindin og hagræðingin eru ótrúleg).

Ég er búin að vera reið sjálfir mér fyrir að vera svona auðveld bráð en ég vann með þær upplýsingar sem ég sótti eftir (gróf aldrei dýpra).  Nú horfi ég mjög gagnrýnum augum á flest og missi ekki af fréttum, Silfrinu og leita mér víðar að efni.  Ég var líka ein af þeim sem fussuðu og sveiuðu yfir mótmælendum við Kárahnjúka og þess háttar.  Stóð svo loks upp sjálf og mótmælti stolt í vetur við hvert tækifæri.  Nú hafa augu mín opnast og ég vil biðja ykkur sem hafið staðið vaktina afsökunar og þið eigið alla mína krafta framvegis.

Ég vaknaði í haust af værum svefni en nú er ég GLAÐVAKANDI og ég læt ekki bjóða börninum mínum þá framtíð sem núverandi og fyrverandi ríkisstjórnir ætla að bjóða uppá.

Áfram XO

Kveðja, Erna Kristín.

[DoctorE (IP-tala skráð) 6.4.2009 kl. 08:59]

We are fucked to hell.
Ekkert hægt að kjósa... bara ein lausn, bylting :)

[Elinóra Inga Sigurðardóttir, 6.4.2009 kl. 09:30]

HVAÐ SAGÐI DAVÍÐ ODDSSON!!

[laufey Andrea Emilsdóttir (IP-tala skráð) 6.4.2009 kl. 10:41]

Takk Lára Hanna fyrir frábært blogg,  mér fannst það sem kom fram í silfri Egils eins og talað úr mínu hjarta. Enda hef ég talið það augljost frá 6. oktober að Íslendingar myndu ekki geta borgað allar þær skuldir sem ríkið ætlar að taka á sig. Ég sjálf er ekki tilbúin til að borga fyrir þetta með hærri sköttum og að lifistandardinn okkar fari aftur um 50 ár. Mér finnst nóg um eins og það er í dag með þeirri hafta stefnu sem rekin er.

Ég er eins og margir aðrir búin að vera bálreið síðan í haust og mér finnst enginn af þeim stjórnmálamönnum sem eru alltaf að láta skoðanir sínar í ljós segja sannleikann umbúðalaust.

Ég vinn á LSH og þar var verið að kynna sparnaðaráætlanir fyrir árið í ár, LSH á að spara 2.600 miljarða á þessu ári, 1.300 miljarðar af því eru að mér skylst rekstrarhalli frá í fyrra, Þar sagði Hulda forstjóri að allir yrðu að vera raunsæir og horfast í augu við að 5-600 miljarðar yrðu að spara á ári fram til 2012, en þetta á víst ekki að koma niður á þjónustunni.

Á sama tíma á að afskrifa fleiri þúsundir miljarða fyrir fyrirtæki (loftbólu fyrirtæki) sem eru meira og minna öll í eigu sama fólksins, er þetta eitthvað réttlæti? Ekki fyrir mér.

Ég get ekki annað séð en búið verði að rústa heilbreigðiskerfinu fram til 2012 með þessu og það er það sem hefur skeð í öðrum löndum þar sem AGS heffur komið inn til að stjórna.

Og hvað með fólkið í landinu sem er í vandræðum með húsnæðislan, bílalán og annað, það hefur andsk.... ekkert verið gert fyrir okkur nema að lengja í hengingarólinni, með breytingu á gjaldþrota lögu og þvílíkum aðgerðum. 

Af hverju er hægt að afskrifa fleiri þúsundir miljarða hjá ríka fólkinu en ekki okkur venjulega fólki, við höfum verið hundelt í tugi ára af bönkum og fjármálafyrirtækjum, innheimtulögfræðingum og missum allt fyrir einhverja hundraðþúsundkalla.

Það er alltaf sama svarið það kostar alltaf of mikið að hjálpa almúganum, samt er það brot af þeim skuldum sem fram hafa komið sem ríkið ætlar að greiða fyrir einkareknu bankanna.

Það er kannski vegna þess að húsnæðislánin eru einu eigur bankanna í dag, og þeir ætla sér að halda þeim með góðu eða illu og helst hækka verðmætið enn meira með andsk... verðtryggingunni.

[Páll A. Þorgeirsson (IP-tala skráð) 6.4.2009 kl. 10:57]

Silfur-Egils hefur gert margt gott en það virðist ekki duga okkur Íslendingum.  Það er greinilega "náttúrulögmál" að velja og verja aftur og aftur sama "Flokkinn".  Margir eru svo blindir að stefna "Flokksins" er sannleikurinn þó svo hann vinni á móti hagsmunum almennings.  Margir hafa greinilega fengið "Flokkinn" í arf.

Í dag er Steingrímur aðalgjaldkeri AGS, Jóhanna fulltrúi þeirra sem vill að almenningur greiði fyrir spillingu "fjárglæframanna" um leið og hún ásamt Steingrími aðalgjaldkera sem manna mest var á móti AGS fyrir ráðherrastól setur smá plástur á sár heimila í landinu.

Michael Hudson vill afnema þessa fáránlegu verðtryggingu sem vinnur í raun gegn almenningi en mokar í vasa "auðmanna".  Forstjórar lífeyrissjóða eru með tugi milljóna í laun og telja pólitíkusum trú um að "seðlaprentun" í formi verðtryggingar vinni fyrir fólkið í landinu    og pólitíkusar trúa því, enda margir fulltrúar þeirra í stjórnum lífeyrissjóða sem flestar borga sér ótrúlegar upphæðir í "laun" fyrir fárra daga vinnu á ári.  Við þurfum ekkert að leita langt yfir skammt til að finna þessa spilltu "forstjóra", þeir eru ekkert síður íslenskir og ekki bara álfurstar.  Michael Hudson og reyndar fleiri hafa sagt að verðtrygging vinni "gegn hagkerfinu" og það hefur reyndar Seðlabankinn viðurkennt.  Við teljum okkur trú um að furstarnir í lífeyrissjóðum landsins séu að tryggja okkur góð eftirlaun, en staðreyndin er sú að flest okkar gætu gert enn betur ef við fengjum að ávaxta fjármagnið sjálf.    Hve mikið hefur furstunum tekist að skerða eftirlaunin okkar með braski auk þess sem þeim hefur tekist að verðfella íbúðir okkar um milljónir og tugi milljóna.  Ausið eftirlaunum okkar í gjörspillta "fárglæframenn" sem við eigum að borga fyrir.  Við ættum að horfa vel í kringum okkur og leggja til hliðar "spillta pólitíkusa" sem vinna einungis fyrir auðvaldið.  Á hverjum degi mætum við á götu og sjáum í fjölmiðlum nokkra af "áhrifamönnum" í íslensku þjóðfélagi sem brosa fallega og koma vel fyrir en eru á kafi í að krækja í feita bita úr spilltu "fjármálakerfi" þjóðainnar.  Svona væri hægt að telja upp endalaust, ekki bara í lífeyrissjóðskerfinu heldur mun víðar í þjóðfélaginu.  Mikið af afætum í þjóðfélaginu sem telja okkur trú um að þeir séu að vinna fyrir fólkið.  Sem dæmi get ég tekið Pétur Blöndal sem barðist fyrir verðtryggingu á sínum tíma, lýsti því yfir þegar hann komst á þing í upphafi að hann væri svo vel staddur að hann hefði ekki þörf fyrir þingmannalaunin en tók þau nú samt.  Þessi reiknimeistari   styður verðtryggingu fyrst og fremst með sína hagsmuni í huga, hann hagnast á henni á kostnað almennings og þrátt fyrir að hún vinni gegn íslensku hagkerfi og þeir eru fleiri "smákóngarnir" á þingi sem vinna gegn almenningi og taka fullan þátt í því með forstjórum erlendra stórfyrirtækja og auðhringa að mjólka almenning.   Auðvitað kjósum við þessa karla aftur.  

[EE elle (IP-tala skráð) 6.4.2009 kl. 11:11]

Baldvin,  Steingrímur J. vildi heldur ekkert fyrst með IMF (AGS) hafa.  Hins vegar getum við ekki fengið að kjósa nógu lýðræðislega.  Getum bara kosið flokka og rotið flokkavald.  Við þurfum að losa okkur við flokkavaldið.

[EE elle (IP-tala skráð) 6.4.2009 kl. 11:46]

Og eins og Brynjar langar mig að vita hvað Þorvaldi Magnússyni finnst um það sem John Perkins og Michael Hudson sögðu.  Og bæði hvað varðar IMF og efnahagsníðinga.

[Hörður Ágústsson (IP-tala skráð) 6.4.2009 kl. 12:30]

er mögulegt að tengja ekki orð Davíðs Oddsonar við allt mögulegt ?

megi sá maður nú aðeins hvíla sig, og í leiðinni fréttamenn og bloggarar hvíla sig á notkun hans nafns í bili

[EE elle (IP-tala skráð) 6.4.2009 kl. 12:58]

Meinti Þorvald Gylfason.  Og fróðlegt væri líka að vita hvað hinum hagfræðingum landsins finnst.

[Gunnar Th. Gunnarsson, 6.4.2009 kl. 13:05]

Michael Moore, John Perkins, Andri Snær Magnason. Hvað eiga þessir menn sameiginlegt? Jú þeir eru allir rithöfundar sem "græða" á útgefnum verkum sínum. Eru þeir trúverðugir? Stenst það sem þeir segja nánari skoðun?

Margt sem þessir ofangreindu menn hafa sagt er umhugsunarvert og ekki allt al-vitlaust, en svo eru bara svo fjári mörg lykilatriði sem eru beinlínis röng og þá hefur restin tilhneigingu til að falla eins og spilaborg. Líka atriðin sem vert er að skoða nánar og hugsanleg sannleikskorn leynast í. Þess vegna eru áróðursverk þeirra verri en ekkert, ef viðleitni þeirra er fólgin í því að hjálpa "hræddri þjóð".

[EE elle (IP-tala skráð) 6.4.2009 kl. 13:16]

Það var Michael Hudson.

[Baldvin Jónsson, 6.4.2009 kl. 13:20]

EE elle, það er rétt að Steingrímur J. vildi ekkert með AGS hafa meðan að hann var stjórnarandstæðingur. Það breyttist hins vegar eins og alþjóð veit, afar hratt þegar að hann tók við völdum.

Það er hluti þess sem þarf að breyta algerlega hérna, við verðum að skapa hér samfélag þar sem til dæmis hugsjónir fólks eins og Steingríms J. fá að lifa áfram inni í ríkisstjórn. Við megum bara alls ekki samþykkja að láta fjármagnseigendur, innlenda sem erlenda, stjórna hér málum.

Við, almenningur, eigum þetta land - TÖKUM ÞAÐ AFTUR!!  http://xo.is

[EE elle (IP-tala skráð) 6.4.2009 kl. 13:34]

Baldvin, ég er alveg sammála öllu sem þú segir að ofan.  Nema, vissi ekki að Steingrímur J. vildi neitt enn með IMF hafa.  Ef svo er það sorglegt. 

[Gísli Baldvinsson (IP-tala skráð) 6.4.2009 kl. 14:30]

Í þessari umræðu eru nokkrar lykilstaðhæfingar sem nauðsynlegt er að
hafa réttar.

Michael Hudson hélt því fram í grein í Fréttablaðinu að erlendir
kröfuhafar með aðstoð Alþjóðagjaldeyrissjóðsins, væru að neyða
Íslendinga til að borga skuldar langt umfram það sem eðlilegt gæti
talist.
Hið rétta er að við fall bankakerfisins námu erlendar skuldir þess um
60 milljörðum evra. Af því er reiknað með að kröfuhafar fái um 35% úr
gömlu bönkunum. Afgangurinn eða um 6.240 milljarðar íslenskra króna á
gengi dagsins, lendir á kröfuhöfum sem afskriftir. Endanlegir
kröfuhafar eða eigendur bréfanna að baki krafnanna eru gjarnan
stofnanafjárfestar af ýmsu tagi; lífeyrissjóðir, sveitarfélög og
peningamarkaðssjóðir sem varðveita sparnað.

Gefið er í skyn að í Bandaríkjunum snúist umræðan um niðurfærslu
skulda um flata niðurfærslu án tillits til aðstæðna.
Hið rétta er að umræðan gengur nær öll út á að koma til móts við þá
verst stöddu með niðurfærslu höfuðstóls skulda. Þetta er hið saman og
t.d. greiðsluaðlögunin gengur út á.

Með því að reikna niðurfærsluleiðina út frá gefnum forsendum eða
tilbúnum dæmum má fá út þá niðurstöðu sem hentar. Því er jafnvel hægt
að fá út að hún kosti ríkið á endanum ekkert.
Hið rétta er að eftir að Seðlabankinn fékk leyfi Persónuverndar til að
keyra saman tekjur og skuldi heimila í landinu þarf ekki lengur að
gefa sér forsendur. Kostnaðarmat Seðlabankans á þessari leið, byggt á
raunverulegri stöðu, leiddi í ljós að kostnaður ríkissjóðs yrði um 285
milljarðar vegna heimila og færi upp í um 900 milljarða ef fyrirtækin
væru tekin með. Bara húsnæðispakkinn myndi kosta tæpan helming af
ríkisútgjöldum síðasta ár.
http://www.sedlabanki.is/?PageID=13&NewsID=2088
Svo mikil skuldsetning umfram það sem nauðsynlegt er þýðir annað hvort
gífurlegar skattbyrðar eða niðurskurð á megninu af allri opinberri
þjónustu. Það versta er þó að við værum líklega að framlengja
samdráttarskeiðið verulega. Í stað þess að reyna að brúa stutt tímabil
erfiðleika með velferðarbrú Samfylkingar værum við að grafa okkur
niður í miðjum samdrættinum.

Auk eignatilfærslu milli tekjuhópa sem m.a. er rakin hér í þessari
ágætu Deiglugrein (http://deiglan.com/index.php?itemid=12480) þar sem
einnig er vísað í umræðuna í Bandaríkjunum.

Loks má benda á ágætar greinar eftir Jón Steinsson, hagfræðing við
Columbia háskóla í Bandaríkjunum en hann heldur því m.a. fram með
rökum að þessi leið jafngildi afar mikill eignatilfærslu frá
höfuðborgarsvæði til landsbyggðar.
Sjá hér: http://deiglan.com/index.php?itemid=12478

[Héðinn Björnsson, 6.4.2009 kl. 16:04]

@Gunnar Th. Gunnarsson: Ef þú treystir engum sem gefið hefur út bók verður helvíti erfitt að byggja upp neina fræðilega umræðu um nokkurn skapaðan hlut.

[Gunnar Th. Gunnarsson, 6.4.2009 kl. 16:15]

Ég er bara að segja að þessir menn eru að selja verk sín og staðreyndir er ekki alltaf söluvænlegar þegar menn hyggjast selja reifara. Þeir leggja upp með neikvæða umfjöllun í verkum sínum. Það selur og því svakalegri og dekkri mynd sem dregin er upp, því betra. Allt sem dregið getur úr hinni dökku mynd, er látið liggja milli hluta.

[Hanna Kr. Hallgrímsdóttir (IP-tala skráð) 6.4.2009 kl. 17:32]

Þessir menn eru fyrst og fremst að upplýsa fólk og fá það til að hugsa. Og einhvern veginn verða þeir að koma upplýsingunum frá sér. Áfram Lára Hanna!

[J. Einar Valur Bjarnason Maack , 6.4.2009 kl. 17:42]

Ég er búnað vera að segja þetta síðan fyrir hrun...

...brátt yrðum við seld, neydd skríðandi í fjórða ríkið. Fyrirgefðu, ESB.

Mæli með því að allir hugsandi einstaklingar mæti þann 8. klukkan 18 fyrir utan Alþingi og hafi með sér búsáhöld fyrir töku tvö.

[Kristin Valdimarsdóttir (IP-tala skráð) 6.4.2009 kl. 23:23]

Já er ekki komið að nýrri búsáhaldabyltingu.  Var í skýjunum þegar Vinstri Græn tóku við og hélt í einfeldni minni að að nú yrði gjaldeyrissjóðnum hent út og að við myndum neita að borga þessar skuldir óreiðumanna.  En hvað gerði Steingrímur (alltaf kosið hann) lánaði Saga capital með 2% vöxtum meðan hann og Samfylkingin  (sem reyndar ber sömu ábyrgð og Sjálfstæðisflokkur og Framsókn) gera ekkert til að hjálpa heimilum í landinu.  Ég kalla það ekki hjálp að lengja í hengingarólinni.  Það væri jafnvel ágætt að að fá skýringu á því af hverju ekki er hægt að fella niður verðtryggingu eða setja vísitölu á sama stað og var fyrir hrunadansinn.  Af hverju ætti t.d milljón sem tekin var í ágúst á síðasta ári að hafa hækkað um tæp 20%.  þrátt fyrir að búið sé að borga eðlilega vexti.  Ekki hafa laun eða neinn annar kosnaður komið á lánið þannið að lánastofnunin hefur engu að tapa.

[ThoR-E, 7.4.2009 kl. 08:44]

Einmitt Kristín. Að verðtryggingin hafi breytt lánunum er óásættanlegt. 11 milljóna verðtryggt húsnæðislán sem búið er að borga af í þrjú ár (65.000 mánaðarlega) stendur núna í 14.2 milljónum. Samt hefur lántaki ekki fengið neina auka peninga. Upphæðinni hefur bara verið breytt á pappírum og fólk sett í skuldafangelsi.

Þetta þarf að leiðrétta.

[Páll H. Bjarnason (IP-tala skráð) 15.4.2009 kl. 21:14]

Mér lyggur ekkert á að gefa atkvæðið mitt í komandi kosningum.  AGS ætti að vera AÐAL -ef ekki EINA kosningamálið núna en enginn flokkur virðist þora að taka beina afstöðu til þeirra! H-F-F!

[Baldvin Jónsson, 15.4.2009 kl. 22:11]

Páll H. Bjarnason, Borgarahreyfingin tekur skýra afstöðu gegn AGS. Við ætlum ekki að láta þá stjórna hér ríkisfjármálunum. Það er algert glapræði og má ekki líðast.