"Guð hatar Ísland!"

Það er viðurkennd staðreynd að sannfærðir finna sinn eigin sannleika - hver sem hann kann að vera - ef það hentar eigin kreddum eða "málstað". Gjarnan er talað um fanatík, ofsatrú, þröngsýni, einstrenging og þar fram eftir götunum og þykir lítt til fyrirmyndar. Ég sá þessa slóð á Facebook og smellti. Viðurkenni að ég hreinlega tárfelldi af hlátri þegar ég las þetta fyrst yfir...

Framhald hér...

Athugasemdir

[Vendetta, 19.2.2010 kl. 16:28]

Þessi vefsíða með Landover Baptist Church er grínsíða. Við á blogginu árum áður hlógum mikið að því sem þar stóð þá. Þú veizt, að þótt það sé kristið trúarofstæki vestanhafs, þá eru jafnmargir aðilar þar sem berjast gegn lygunum og fáránleikanum og eru mikið aktífari en hér á landi, m.a. með reglulegum vídeóum á YouTube. Landover Baptist Church-síðan er hárbeitt háð á biblíugengin í USA.

En ég skil vel að þú hafir ruglazt, enda eru bandarískir biblíupotarar meðal heimskustu, hatrömmustu og verstu hræsnara á þessari jörð. Og boðskapur þeirra alveg í takt við það sem Landover kemur með. Þar í liggur kaldhæðnin og háðið.

Ef þú vilt fræðast meira um fanatismann í trúarbrögðum heims, gætirðu farið á bloggsíðuna doctore0.wordpress.com þar sem vinur minn DoctorE afhjúpar daglega trúarbragðavitleysuna.

[Lára Hanna Einarsdóttir, 19.2.2010 kl. 16:56]

Ég sé að þú hefur ekki lesið neðstu línuna í færslunni - undir myndinni, Vendetta. Alltaf að lesa á enda - annars gætirðu misst af "the punchline" eins og sagt er á hinu svellkalda. 

[Lára Hanna Einarsdóttir, 19.2.2010 kl. 16:58]

Og Doktorinn þekki ég vitanlega - skrif hans og skoðanir.

[Vendetta, 19.2.2010 kl. 17:01]

OK, point taken.