En ég elsk'ann Jóhann, árans kjóann...

Þetta hljómar bara betur en: "En ég elsk'ann Illuga..." og hvað rímar á móti Illuga? Vonlaust rímdæmi. Eins og venjulega er Illugi eins og hamraður á mitt eigið lyklaborð. Hann er bara skemmtilegri hugsuður og betri stílisti. Ég er því í rauninni aðeins að spara mér vinnu með því að birta hann hér. Frábær pistill hjá Illuga að venju.

Athugasemdir

[Jenný Anna Baldursdóttir, 24.8.2008 kl. 07:03]

Takk fyrir mig.

[Óskar Þorkelsson, 24.8.2008 kl. 08:04]

Framsókn og sjálftektin í hnotskurn bara.. Illugi skrifar vel :)

[Víðir Benediktsson, 24.8.2008 kl. 08:34]

Svona er pólitíkin í hnotskurn. þegar 100 daga meirihlutinn réði ríkjum var bryndís hlöðversdóttir stjórnarformaður. engin veit til þess að hún hafi eitthvað vit á orkumálum en frést hefur að fjarskyldur frændi hennar sé rafyrki og þannig náðiðst tenging. Af hverju er Hannes á horninu í bankaráði Seðlabankans, veðlaun fyrir mannorðsmeiðingar, eða yfirburða fjármálavit? Fólk sem mokar skít fyrir foringja sína er verðlaunað með bitlingum óháð hvort það er hæft í stöðuna eður ei.

[Magnús Geir Guðmundsson, 24.8.2008 kl. 11:01]

Elsku Lára Hanna mín, þinn drengur hérna grobbin að vanda, fer nú létt með þetta, Ég elsk'ann Illuga,

ei spillhuga

Vá vill buga

vísdómi með.

Haha, alltaf má sauma eitthvað mín kæra!

En gamli Framarinn Víðir passar sig auðvitað á að muna ekkert eftir "afrekum" sinna manna, til dæmis þeirri ömurlegu tilraun sem þó mistókst, að troða sínum lepp inn á Fréttastofu útvarps!

[Hólmdís Hjartardóttir, 24.8.2008 kl. 11:03]

Takk fyrir að halda okkur við efnið.....og til hamingju með silfrið

[Berglind Steinsdóttir, 24.8.2008 kl. 11:43]

Ég hélt fyrst að þú værir að tala um Illuga Gunnarsson ... og varð ögn hvumsa. Þótt þessi pistill Illuga Jö. sé fínn man ég hann enn beittari í árdaga. Hann fékk bakslag í seglin um árið en virðist núna aftur hafa fundið fjölina sína.

[Víðir Benediktsson, 24.8.2008 kl. 12:12]

Spilling er alltaf grábölvuð, sama hvaðan hún kemur. Guðmundur, ekki mælti með ráðningu fréttastjórans forðum eða núverandi stjórnarformans OR Veit ekki hvernig þú gast fengið það út að ég væri að draga fjöður yfir eitthvað. Mæli með að þú lesir athugasemdina aftur.

[Heimir Eyvindarson, 24.8.2008 kl. 12:23]

Bíll Huga?

[Guðbjörn Guðbjörnsson, 24.8.2008 kl. 13:18]

Vitið þið að ég skil ekki þennan vandlætingartón!

Þetta gera allir flokkar til vinstri og hægri.

Framsóknarmenn reyndar meira en aðrir, þar sem þeir eru orðnir svo fáir talsins að það eru fáir hæfileika- og kunnáttumenn eftir í þeirra röðum.

Ég nenni ekki einu sinni að rifja upp R-listann og stöðurveitingarnar þá, eða hundadagastjórn Dags o.s.frv.

[Haraldur Davíðsson, 24.8.2008 kl. 14:59]

Eitt sinn var Illugi með pistil í útvarpinu um hundahald í Reykjavík. Ræddi hann þar m. a um undanþágu frá hundabanninu sem margir höfðu nýtt sér, þar á meðal pólitíkusar, og nefndi hann þar Albert og Lucy og Davíð og Tanna. Svo tók hann fram að nú væru þau bæði látin Albert og Lucy, og Tanni hans Davíðs líka.................

......en missirinn væri ekki mikill fyrir Davíð, því hver þarf hund ef hann á Hannes Hólmstein..........Illugi er snillingur, hann ætti eiginlega að heita Snillhugi.

[Hafsteinn Viðar Ásgeirsson, 24.8.2008 kl. 19:37]

Þessi grein hans Illuga er alger snilld. Algerlega burtséð frá því hvort einhverntíman hefur eitthvert fífl verið sett í embætti, það getur nefnilega aldrei réttlætt neitt að "einhver annar hafi verið fífl einhverntíman".

En Illugi er snillingur....

[Hildigunnur Rúnarsdóttir, 25.8.2008 kl. 00:22]

Tek undir með Hafsteini.  Hvernig væri að pólitíkusar Í ÖLLUM FLOKKUM hættu þessu rugli og settu fólk sem hefur vit á hlutunum í stöður? 

[Villi Asgeirsson, 26.8.2008 kl. 14:22]

Já, hún elskar Illuga,

vill sem elskhuga,

alltaf stórhuga,

í greinunum hér.