Lúxusferð í boði íslensku þjóðarinnar

Við erum nú góðir í okkur og umburðarlyndir, Íslendingar. Er það ekki? Hópur manna rændi okkur aleigunni og kom þjóðfélaginu á heljarþröm og þeir ganga allir lausir. Voru búnir að koma eigum sínum og mestum fjármunum undan fyrir hrun og hafa síðan fengið að dunda sér við að redda restinni undanfarna rúma sjö mánuði. Við berum svo mikla virðingu fyrir mannréttindum þeirra að það má ekki frysta eða sækja þýfið. Ekki fyrr en kannski mögulega eftir áralöng réttarhöld, þegar og ef tekst að sakfella einhvern.

Á meðan blæðir samfélaginu út. Börn fá ekki að borða, dregið er úr kennslu í skólum, öll þjónusta er skert alls staðar, þjóðin rambar á barmi uppgjafar og fólk glatar aleigunni. En það hindrar nú ekki eiginkonur útrásarauðmannanna í að skemmta sér og fara í lúxusferðir fyrir þýfið - peningana sem ættu með réttu að vera með lögheimili á Íslandi og nýtast íslenskum almenningi. Ekki notast í óhóf og munað í eðalvillum í útlöndum og rándýrum skemmtiferðum. Og þetta er svo mikið einkamál að það er ekki einu sinni til umræðu.

Já, við erum höfðingjar, Íslendingar... en suma virðist skorta allt jarðsamband, heilbrigða skynsemi og almennt siðferði. Og þeir kunna ekki að skammast sín, svo mikið er víst. Smellið þar til læsileg stærð fæst.

Athugasemdir

[Eygló, 13.5.2009 kl. 23:10]

Hver hefur komist í þennan tölvupóst?

En að láta hanka sig á svona (lúxusferð í kreppunni)  Eins og mamma sagði alltaf:  "Þeir kunna ekki að stela sem ekki kunna að fela!"

[Anna Einarsdóttir, 13.5.2009 kl. 23:17]

Tek undir hvert einasta orð með þér.  Þeir sem stofnuðu til skuldanna eiga að greiða fyrst..... ekki þjóðin sem vissi ekki einu sinni að hún var í ábyrgð.

Það er siðferðisleg skylda yfirvalda á Íslandi að frysta fjármuni fyrrum eigenda bankanna þar til rannsókn er lokið.   Hagsmunir útrásarvíkinganna geta aldrei vegið þyngra en hagsmunir heillar þjóðar.

[Magnús Vignir Árnason, 13.5.2009 kl. 23:23]

Það er ógeðslegt til þess að hugsa að þessar mannfýlur voru með ofurlaun af því að ábyrgð þeirra var svo mikil. Einhvern veginn finnst mér að það sé ég sem er að bera ábyrgðina á þeirra störfum. Sennilega einhver bölvuð vitleysa í mér, en mér finnst þetta nú samt.

Og hugsið ykkur að þetta fólk telur okkur, sem erum að væla yfir því hvað þau hafa það gott, vera bara öfundarfólk.

Við höfðum sama möguleika og þau til að græða, ekki satt. En fyrir einhver hrikaleg mistök var okkur úthlutað samvisku og heiðarleika sem skemmdi allt fyrir okkur.

Fúlt .... 

[Helga (IP-tala skráð) 13.5.2009 kl. 23:32]

Ég verð að lýsa mig ósammála þegar þú talar um að "við" séum þetta og hitt. Ef "við" erum almenningur á Íslandi þá er ég ansi hreint hrædd um að fjárglæframennirnir gangi ekki lausir með "okkar" leyfi.

Stóra spurningin er hvers vegna leyfa stjórnvöld (núverandi og tvær síðustu ríkisstjórnir) að fjárglæframennirnir gangi lausir?

[Óskar Þorkelsson, 13.5.2009 kl. 23:35]

þetta er ömurlegt pakk..

[Lára Hanna Einarsdóttir, 13.5.2009 kl. 23:37]

Ég verð að lýsa mig ósammála því líka, Helga. Þetta átti að vera háð en hefur sennilega misheppnast fyrst einhver tekur þetta bókstaflega.

Ef ég réði einhverju hefðu þessir menn verið handteknir strax í byrjun október og allar eigur þeirra frystar samstundis. 

[Kristinn Svanur Jónsson, 13.5.2009 kl. 23:55]

Auðvitað er þessi ferð þeirra ósmekkleg, en heldur fólk í alvörunni að þessir svokölluðu útrásarvíkingar hafi viljandi sett þjóðina og sjálfan sig á hausinn? Ef svo er, þá á að rannsaka það og það ætti að vera til þess fær ríkisstjórn og dómsstólar á Íslandi til að rannsaka þetta mál allt. Ef þetta fólk á peningana þá er ekki hægt að setja út á það að þau eyði þeim... og það sem við viljum ekki, er að þetta fólk fari með peningana sína eitthvað annað (fyrir  utan einstaka utanlandsferðir.)

Meginkjarninn í því sem ég er að segja er sá að fólkið sem kom okkur í þennan vanda, sem ég tel vera vegna lélegrar reglugerðar og aðhalds, er einmitt fólkið sem mun koma okkur út úr þessu en ekki fátækir verkamenn (og ég ber fulla virðingu fyrir fátækum verkamönnum en það verður einhver að skaffa verkin fyrir þau). Ef allir íslendingar sem eru ekki búnir að tapa öllu sínu forða sér.... þá stendur bara eftir hópur fóks sem á ekkert. Slökum aðeins á dómunum og reynum að hafa smá bjartsýni að leiðarljósi.

Með góðlegri kveðju,

Kristinn Svanur Jónsson

[Helga (IP-tala skráð) 14.5.2009 kl. 00:03]

Þá erum við sammála, Lára .

Þessi ferð kvennanna er eins og blaut tuska i andlitið á fólki hvort sem það berst fyrir því að halda lífi á Íslandi eða neyðist til að flýja land vegna hegðunar eiginmanna þessara kvenna.

Almenningur ætti að taka sig núna saman og gera stjórnvöldum grein fyrir því að sá tími er liðinn sem þeim gafst til að koma þessu pakki í mannahendur.

[Árni Guðmundsson (IP-tala skráð) 14.5.2009 kl. 00:06]

Þetta er víst röng frétt og byggð á hálfsannleik.  Hið sanna er að þær gista ekki á þessu hóteli og tilgangur ferðarinnar var að kynna sér möguleika á mannúðarstörfum í rabalöndunum.

[Jakobína Ingunn Ólafsdóttir, 14.5.2009 kl. 00:06]

Kristinn Svanur ég spyr bara er þér alvara. Benda þessar lúxusferðir ekki til þess að útrásarvíkingarnir séu ekki "á hausnum" heldur liggi á þýfi sínu.

Þakka þér fyrir kjarnyrtan pistil Lára Hanna. Það er engin ástæða til þess að hætta að standa vaktina nema að síður sé.

Tek undir þetta:

Stóra spurningin er hvers vegna leyfa stjórnvöld (núverandi og tvær síðustu ríkisstjórnir) að fjárglæframennirnir gangi lausir?

[Óskar Þorkelsson, 14.5.2009 kl. 00:08]

Kristinn Svanur hefur greinilega trú á siðblindu siðlausu svikapakki ;)

[ASE (IP-tala skráð) 14.5.2009 kl. 00:18]

Og svo var maður að vorkenna fjölskyldum þessara manna :-o

[Jóna Kolbrún Garðarsdóttir, 14.5.2009 kl. 00:19]

Ég er algjörlega sammála Jakobínu sérstaklega síðustu málsgreininni.  "

Stóra spurningin er hvers vegna leyfa stjórnvöld (núverandi og tvær síðustu ríkisstjórnir) að fjárglæframennirnir gangi lausir? "  

[Húnbogi Valsson (IP-tala skráð) 14.5.2009 kl. 00:23]

Óskaplega held ég að sé leiðinlegt að hanga á svona lúxushóteli. Ég færi ekki þangað þó að mér biðist það ókeypis. Þær hljóta að vera að þessu til að ganga í augun á fólki og halda að við munum líta upp til þeirra fyrir vikið. Hafa ekki ennþá áttað sig á því að raunin er þveröfug.

[Jenný Anna Baldursdóttir, 14.5.2009 kl. 00:32]

Beint frá hjartanu: Helvítis skítapakk, siðlaust og gráðugt.

Frysta.

[Solveig (IP-tala skráð) 14.5.2009 kl. 00:39]

Auðvitað var eitthvað falið og geymt til mögru áranna.
Auðvitað stendur bara til að njóta þess.
Hélt einhver virkilega eitthvað annað?

[sigurvin (IP-tala skráð) 14.5.2009 kl. 01:17]

Heildarútlán bankanna við fallið voru um 15 þúsund milljarðar. Það eru svona 112 Kárahnjúkavirkjanir. 80-90% af þessum útlánum voru til "erlendra aðila" sem seðlabankinn segir að séu "fyrirtæki skráð erlendis í eigu Íslendinga" (útrásar...). Kannski eiga þessir sömu "erlendu aðilar" meginhluta jöklabréfanna.

Atli Gíslason áætlaði að 1000 til 1500 milljarða mætti finna í erlendum bönkum í skattaskjólum. Kannski finnur Eva eitthvað af þessum aurum en þangað til strauja frúrnar kreditkortin sín, það þarf jú að nýta timann, kampavínsreikningurinn er líklega ekki greiddur með íslensku kreditkorti.

[Sigurveig Eysteins, 14.5.2009 kl. 01:49]

Siðlaust,,,,, þetta lið sér ekki að það sé eitthvað að hjá þeim, maður ætti kannski að láta sögur fara á stað um þetta lið, sem mér hefur fram að þessu fundist siðlaust að tala um og ekki viljað tjá mig um þær, ég held að það sé komin tími til að kjafta frá................

[nicejerk, 14.5.2009 kl. 02:13]

Nornaveiðar!

Hvar er heilbrigð skynsemi? Óheiðarleiki þrífst m.a. á heimsku og værukærni en saga Bakkabræðra aftur í tímann hefur ekkert með nútíma afhroð að gera. Ekki láta persónulega öfund láta draga ykkur í ruslið. Kannski er ´velgengni´Bakkabræðra byggð á góðum grunni. Í fyrsta sinn verð ég að lýsa yfir ósammæli á færslu Láru Hönnu, því Bakkabræður virðast ansi down-to-earth, en eiginkonurnar eru það kannski ekki, frekar en venjulega. Kannski að þeir félagar séu flæktir í vafasöm fyrirtæki Bónus feðga, en Bakkavör er fyrirtæki sem væri farið á hausinn með öllum hinum ef grunnurinn væri ekki annar.

Nornaveiðar eru einungis hjálpartól fáviskunnar, til að viðhalda fáviskunni og magna fáviskuna upp úr öllu valdi.

[Lára Hanna Einarsdóttir, 14.5.2009 kl. 02:25]

Nicejerk...  er þetta eðlilegt? En þetta? Hvað segirðu þá um þetta? Er þetta í lagi? Bara eitt í viðbót...

Ég held að hér fari engar nornaveiðar fram. Ekki er annað að sjá en að Bakkabræður hafi tekið fullan þátt í sukkinu og geri það enn. Persónuleg öfund kemur svona málum nákvæmlega ekkert við - enda ekki fyrir hendi.

[Sigurveig Eysteins, 14.5.2009 kl. 02:38]

Þetta er siðlaus útrásar-trúður þessi nicejerk....... ótrúlegt að hann sjái nornaveiðar í gegnum þessi skrif, lýsir hans hugsunarhætti........

[Helga (IP-tala skráð) 14.5.2009 kl. 03:14]

Með tilvísun í athugasemd 20: Af hverju geta Bakkavararbræður enn "stundað" viðskipti?

[nicejerk, 14.5.2009 kl. 03:15]

Fjandi, Gústi var svo eðlilegur hérna í Gamla Daga. Afskaplega leiðinlegt þegar fólk er dregið/hendir sér út í óheiðarleika. En þá er væntanlega bakgrunnurinn ekki í lagi. Skortur á menntun fær fólk oft til að haga sér undarlega. Plató vildi meina að fáviska væri uppspretta illskunnar og því væntanlega spillingarinnar einnig. Því er enn mikilvægara að mennta börnin og hindra þar með hugsanlega glæpaferla.

Kannski er Gústi bara óþveginn óþokki úr Vesturbænum. Ef hann er heiðarlegur, þá ættu þeir bræður að ganga hreint til verks og koma hreint fram. Þessa stundina eru öflin frekar með þeim, en þau eru hægt að snúast gegn þeim.

Kannski er það gamla Vesturbæjarþrælslundin í mér sem neitar að trúa neinu slæmu á Gústa? En er hann saklaus þar til sekt sannast? Eða sakleysi? Ég veit svei mér ekki.

Með fullri virðingu Lára Hanna

nicejerk

[Sylvía , 14.5.2009 kl. 08:19]

er vid odru ad buast?? Svona er thetta bara, almenningur borgar.

[Bjarni Þór Sigurbjörnsson (IP-tala skráð) 14.5.2009 kl. 13:40]

LHE skrifar: „Ef ég réði einhverju hefðu þessir menn verið handteknir strax í byrjun október og allar eigur þeirra frystar samstundis.“

Hvaða menn?

[DoctorE (IP-tala skráð) 14.5.2009 kl. 15:03]

Ég er að spá í því hvort einhver muni ekki ráða sér Hitman til þess að ná fram réttlæti... ég er næstum viss um að það á eftir að gerast... og ég vona að þetta pakk og ruslaralýður eigi eftir að verða paranoid vegna þess

[Siggi (IP-tala skráð) 14.5.2009 kl. 16:11]

Það þarf að birta myndir af þessum kellingum svo við almúgurinn vitum í hvaða átt á að hrækja

[Lára Hanna Einarsdóttir, 14.5.2009 kl. 22:48]

Bjarni Þór... Ég slæ því föstu að þú sért að grínast. Annað er ómögulegt.

[Jakob Þór Haraldsson (IP-tala skráð) 15.5.2009 kl. 14:58]

Sem FARASTJÓRI hópsins get ég komið þeim skilaboðum á framfæri að allir eru við góða heilsu og enginn í hópnum hefur ennþá verið rændur, hvað sem síðar verður.  Þetta er 15 ferðin sem ég fer með þessu ÁGÆTA fólki og yfirleitt er um helgarferð að ræða þar sem kostnaðurinn er undir 500.000 á einstakling, og allt fer þetta á reikning - sem er reyndar aldrei greiddur - það er nú þannig sem kaupin gerast á eyrinni.  Bæjarstjórinn á Tortola bað mig að skila SUMARKVEÐJU til Þrælaeyjunnar...  Þeir sem vilja fylgjast betur með viðburða dagskrá okkar þá endilega fara inn á heimasíðuna okkar: money&honey.com

kv. Heilbrigð skynsemi

[Rakel Sigurgeirsdóttir, 20.5.2009 kl. 01:23]

Það er ljóst að maðkapytturinn er botnlaus! Eru þetta sömu konur og fasteignirnar voru færðrar yfir á sl. september? Eru þetta verðlaunin fyrir að sitja á eignunum sem þurfti að forða undan áður en þær yrðu undir hamrinum? Vesalings konurnar eru auðvitað að deyja af álaginu sem fylgir biðinni eftir að árin frá því að eignatilfærslan átti sér stað verði tvö