Kemur þetta einhverjum á óvart?

Reynið svo ekki að segja okkur að kosningar séu ótímabærar. Það verður einfaldlega að kjósa með vorinu, eigi síðar. Annað er ótækt. Ríkisstjórnin er gjörsamlega rúin trúverðugleika og trausti. Hún talar ekki við þjóðina, segist vera svo upptekin við björgunaraðgerðir sem enginn veit hverjar eru. Ætli Geir og Ingibjörg Sólrún mæti á borgarafundinn annað kvöld? Þeim er boðið. "Þetta kjaftæði gengur ekki lengur" eru lokaorðin í pistli Einars Kára hér að neðan. Mæli hann manna heilastur.

Smellið á greinar þar til læsileg stærð fæst.

Þrír rithöfundar ræddu málin og einn flutti pistil í Mannamáli kvöldsins

Þráinn Bertelsson, Hallgrímur Helgason og Guðmundur Andri Thorsson

 

Einar Kárason er ómyrkur í máli

 

Athugasemdir

[Heidi Strand, 23.11.2008 kl. 20:34]

Lesið þetta:

http://politiken.dk/udland/article601755.ece

[Óskar Þorkelsson, 23.11.2008 kl. 20:46]

noh.. Heidi í viðtali um ástandið :) 

Ég skil ekki þá sem styðja ríkisstjórnina.. ég kaus samfó.. en er í vafa um hvort að ég geti gert það aftur.  

[Hólmdís Hjartardóttir, 23.11.2008 kl. 20:47]

sko Heidi!

[Jón Steinar Ragnarsson, 23.11.2008 kl. 21:24]

Kudos á Einar Kára.

[Baldvin Jónsson, 23.11.2008 kl. 21:26]

Einar Kárason hefur svo ótrúlega skemmtilegan og skilmergilegan máta á að koma hugsunum í orð.

[Soffía (IP-tala skráð) 23.11.2008 kl. 21:42]

Nei það kemur ekki á óvart að ríkisstjórn sem stendur í slíkri orrustu missi fylgi. En þegar rykið sest fer fólk að sjá til sólar og þá verður fínt að fá kosningar. En ekki núna - ekki þessa dagana. Davíð mætti samt alveg gera okkur Sjálfstæðismönnum þann greiða að fara nú að segja frá öllum leyndarmálunum, hætta og t.d. skreppa kannski bara á Kanarí eins og Guðni.

Varðandi greinina sem Heidi bendir á í Politiken þá finnst mér hún nú full einhliða. Vantar alveg að skýra frá því hvers konar skríll var þarna á ferðinni. Hverjum dettur í hug að brjótast inn á lögreglustöð? Hvaða hræsni er þetta? Heidi getur kannski komið smá leiðréttingu á framfæri.

[Heidi Strand, 23.11.2008 kl. 22:34]

Ég sagði blaðamanninum allt sem ég vissi um þetta mál og var vitni að við lögreglustöðinni í gær og gat ekkert sagt neitt annað heldur en það. Ég var ekki að fegra neitt né ýkja.

Ég horfði á atburðarrásinni frá því hún hófst þar til Vikinngasveitinn var mættur. Ég fór svona 15 mínútur eftir Vikningasveitinni kom. Blaðamaðurinn notaði bara smá bút frá mér, en mest frá móður stúlkunni sem slasaðist.
Af 300 manns var litill hópur sem braust inn. Soffía, ég tel mig ekki vera nein skríll frekar en hinir sem voru þarna stödd.

Það var friðsæll mótmæli í meira en klukkutíma áður en lætin hófst. Flestir voru komnir í friðsamlegum tilgangi. Við vorum þar fólk á öllum aldri frá unglingum til aldraða.

[Hólmfríður Bjarnadóttir, 23.11.2008 kl. 23:21]

Að boða til kosninga er ekki tímabært fyrr en í fyrsta lagi í febrúar eða mars. Þá er ekki að tala um að kjósa á þeim tíma, heldur að taka til þess afstöðu hvað skynsamlegt er að gera. Það er margt annað sem er brýnna nú. Koma heimilunum í landinu til hjálpar og þá ekki síður fyrirtækjunum sem virðast mörg hvar vera að stöðvast. Taka ákvörðum um inngöngu í ESB og gefa út viljayfirlýsingu um aðildarumsókn.

[Lilja Guðrún Þorvaldsdóttir, 24.11.2008 kl. 00:40]

Sammála þessum frábæra rithöfundi "Þetta kjarftæði gengur ekki lengur". - Nú verður hallarbylting !

[Jóna Kolbrún Garðarsdóttir, 24.11.2008 kl. 02:26]

Það verður að bregðast við ástandinu í þjóðfélaginu strax, áður en uppúr sýður.